Johannes-Nepomuk-Statue (Oberlaa)

Der Artikl is im Dialekt Weanarisch gschriem worn.

Statue vom Hl. Johannes Nepomuk aun da Liesingbåch-Bruck'n

De Johannes-Nepomuk-Statue is a denkmoig'schützte barocke Heulich'nstatue aus da Mitt'n vom 18. Joahrhundat. Se steht in da Himberger Stråß'n aun da Liesingbåch-Bruck'n im 10. Weana Beziak Favoritn, Beziaksteu Oberlaa.

Baug'schicht'

Bis zum Joahr 1920 is de Statue vom Johannes Nepomuk vua'm Gåsthof Unsinn in da Himberger Stråß'n 53–55 g'staund'n. Bei da Restauriarung im Joahr 1979 håt de Statue an neich'n Sock'l kriagt und is in de Himberger Stråß'n 2 bei da Bruck'n üwa'n Liesingbåch vasetzt wua'n.

Üblichaweis is da Johannes Nepomuk ois anzicha auss da Hl. Maria mit an Heulich'nschein doag'stöit, owa bei dera Statue föiht dea.

Legende

Nåch da Legende soi da Johannes Nepomuk si g'weigat hau'm, dem behmisch'n Kenich Wenzel IV. des Beichtgeheimnis zum ausplaudan. Ea hättat net såg'n woi'n, wås dem sei Frau, de Kenigin, eahm auvatraut håt. Drum hättat da Wenzel eahm von da Praga Koarlsbruck'n in de Moldau schmeiss'n låss'n. Seitdem güit da Johannes Nepomuk ois „Bruck'nheulicha“, ea is 1729 heulich g'sproch'n wua'n.

Da wiakliche Grund füa sei Hirichtung woa'r a politischa Konflikt mit'n Kenich Wenzel.

Literatua

• Werner Schubert: Favoriten. Verlag Beziaksmuseum Favoritn, 1992; S. 177.

im Netz

 Commons: Johannes Nepomuk an der Liesingbachbrücke, Rothneusiedl – Sammlung vo Buidl, Videos und Audiodateien

• Lågeplan auf geoview.info

Beleg

48.1397116.382647