Johnny Ringo

Aus Wikipedia
S oanzige Buidl vo Johnny Ringo

Johnny Ringo (eigandle John Peters Ringo; * 3. Mai 1850 in Greens Fork, Wayne County, Indiana;[1] † 13. Juli 1882 im Turkey Creek Canyon, Arizona), guit ois oana da groußn Rewoiwahejn voum Wuidn Westn, dawei woas ma goaned so vui iwa eam.

Famui[Werkeln | Am Gwëntext werkeln]

John Peters Ringo woa da easchde Bua voum Martin Ringo[2] und da Mary Peters.[3] Ea hod no an Bruada Martin Albert und drei Schwesdan Fanny Fern, Mary Enna und Mattie Bell kobt.[4] De Aaana vo de Ringos san holländische Eiwandara vo Zeeland (Niederlande) gwen und san 1657[5] no Amerika kumma.

Lem[Werkeln | Am Gwëntext werkeln]

Umara 1854 hom de Ringos ia Hoamad valossn und san no Gallatin,[6] z Missouri zong. Duad hod da Johnny s William and Jewell College[7] z Liberty bsuachd.[8] Am 18. Mai 1864[9] hod se de Ringo-Famui mid zwoa Blanwong an Treck no Kalifoanien ogschlossn. Da Treck is siebazg Blanwong grouß gwen. De Ringos woitn easchd amoi za ira Dande Augusta, de scho z San José gwond hod. Am 30. Julei 1864 hod an Johnny sei Voda mid seina Schroudflindn umanand gschpuid und se vaseeandle in da Gegnd vo Wyoming daschossn.[10] Fian Johnny is des a draumadische Eafahrung gwen. Se hom an Voda an Oat und Stej eigrom miassn und san weida gfohn. Am Samsda,den 8. Oktoba 1864 sans ba eram Vetta Charley Peters z Austin (Nevada) gwen.No a bo Dog Afendhoit is weida no Kalifoanien ganga.[11]

Augusta Ringo is s Wei voum Colonel Coleman Younger gwen. Des woa da Ongl voum Cole Younger, dea zam mid de Briada Jesse und Frank James de berichdigde James-Younger-Gang grind hod. Ringo, dea ogeble an am Weidegriag z Texas teignumma hod, is 1877 mim Bill Taylor, John Wesley Hardin und Mannen Clements, oidn Kämpfan vo Zeitn da Sutton-Taylor-Fehd, z Austin eigschbead gwen. Dano is da Ringo iwa Shakespeare, New Mexico no Tombstone zong, wos domois ganz schee zua ganga is.

Da Ringo isa gscheida Mo gwen, ea hod ausm Schdägreif an Shakespeare zidian kinna, andrasaits hoda aa vui gsuffa, wosn gfeale gmochd hod. Ea isa Gfoigsmo vo de Clantons und McLaurys gwen und woa in Schiaßareian vawiggld. Z Tombstone hoda a zeidlang Viech gschdoin, is owa no voum Sheriff John Behan zan Deputy gmochd woan.

Schiaßareian[Werkeln | Am Gwëntext werkeln]

Im Dezemba 1879, z Safford, Arizona, is da Ringo in an Saloon zan Saffa gwen und woit an gwissn Louis Hancock ara Glasl eischenga lossn. Owa dea woit koans hom, draf is da Ringo ogfressn gwen und hod eam an Rewoiwa iwan Schäl zong und no in Hois neigschossn.

Am 28. Dezemba 1881, z Tombstone, Arizona is da Virgil Earp, a Bruada voum Wyatt Earp, oisa grod voum Oriental Saloon aussa kumma is, ausm Hintahoit vo Schroudschiß droffa und schwa an de Oam und an da Seitn volezt gwen. Kuaz voahera hod ma an Ringo und no a bo andare Feinde vo de Earps gseng, wias mid emsoichane Waffn duach d Stod grennd san. Drum hod ma ognumma das da Virgil vo dene ogschossn woan is. Da Virgil hod des iwalebt, hod owa sei Lem lang kinkt.

Doud[Werkeln | Am Gwëntext werkeln]

Gedenkblattn, „Grobstoa“ und Grob voum Ringo.

No a zwoawechign Zechdua mid seim Freind Buckskin Frank Leslie is da Ringo am 14. Julei 1882 im Turkey Creek Canyon doud afgfundn woan. Weia an Kobfschuß kobt hod, hod ma gmoand ea hod se sejm daschossn. Owa ea is a skoipiad woan und sei Gwea und de Rewoiwa san ned ogfeiad gwen. Da Billy Claiborne hod gsogt dasn da Leslie umbrochd hod. Des heda ned song soin, wei da Frank Leslie hod no an Claiborne fia sei Aussog daschossn. Owa da Pony Deal, ara Freind und Schpuiakolleg voum Ringo is iwazeigt gwen, dasn da Johnny O’Rourke, a andara Schpuia, daschossn hod. Da Pony Deal hodn gsuachd, gfundn und daschossn.

Literatur[Werkeln | Am Gwëntext werkeln]

  • Ray Hogan, Johnny Ringo, 1973, ISBN 3-4040-0157-5
  • Geoff Aggeler: Confessions of Johnny Ringo, E P Dutton, 1987, ISBN 0-5252-4519-7
  • Steve Gatto, Ringo -the King of the Cowboys-, San Simon Publishing Company, Tucson, AZ USA, 1995
  • David Johnson, Ringo - King of the Cowboys-, Univ. of North Texas Pr., 2008 ISBN 1574412434
  • Jack Burrows, John Ringo: The Gunfighter Who Never Was, Univ. of Arizona Press, (Reprint 1996) ISBN 0-8165-1648-0
  • Romain Wilhelmsen: Buckskin and Satin, Sunstone Press 2000, ISBN 0-8653-4307-1 auch ISBN 0-8653-4279-2
  • Michael M. Hickey, Ben T. Traywick, Paul R. Taylor: John Ringo: The Final Hours, Talei Publishers, 2001, ISBN 0-9631-7724-9
  • Steve Gatto: Johnny Ringo. Lansing: Protar House 2002, ISBN 0-9720910-1-7
  • Ray Hogan: The Life and Death of Johnny Ringo, Center Point, 2003, ISBN 1-5854-7245-X

Fuime[Werkeln | Am Gwëntext werkeln]

  • IMDB Filmliste mit Stichwort: Ringo und Johnny Ringo@1@2Vorlage:Toter Link/www.imdb.de (Seite nicht mehr abrufbar; Suche in Webarchiven)
  • Ringo (1939)
  • Der Scharfschütze (1950)
  • Zwei rechnen ab, 1957, (Gunfight at the O. K. Corral)
  • Johnny Ringo, TV Serie 1959-1960 (The Westerner)[12]
  • Wyatt Earp greift ein, auch: Gunfight at the O.K. Corral (1961)
  • Eine Pistole für Ringo, 1965
  • Ringo mit den goldenen Pistolen Originaltitel: Johnny Oro, 1966
  • Wer kennt Johnny R.?, 1966 auch als: 5000 $ für den Kopf von Johnny R.
USA-Titel: Who Killed Johnny R.?, oder: Who Killed Johnny Ringo ?
  • Uccidete Johnny Ringo, (1966) auch: Kill Johnny Ringo
  • Tombstone (1993)

Im Netz[Werkeln | Am Gwëntext werkeln]

Beleg[Werkeln | Am Gwëntext werkeln]

  1. ↑ Quelle (Memento des Originals [1] vom 7. Jénner 2014 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.clantongang.com, anderen Quellen nach ist Washington (Indiana) der Geburtsort.
  2. ↑ * 1. Oktober 1819 in Montgomery Co., KY. (Martin's birth date was obtained from his Mexican War record.) † 30 Juli 1864 in Deer Creek, WY.
    Note: Martin Ringo was a Kentuckian who had served during the Mexican War as a mounted Infantryman at Ft. Leavenworth, Ks. Discharged June 21, 1847, he settled down as a farmer near Weston, Mo. Moved his family to Calif. in 1864. Accidently killed himself with his own shotgun on the trail. He was buried where he died & the family continued on to Calif.
  3. ↑ Mary war am 13. November 1826 in Missouri geboren. Sie war eine Tochter von John R. Peters und Frances A. Simms. Mary starb am 16. Juli 1876 in Kalifornien mit 49 Jahre. Die Hochzeit war am 5. September 1848 in Clay County, Missouri,
    The journal of Mrs. Mary Ringo; a diary of her trip across the Great Plains in 1864,
    Bild von Mary Peters Ringo (1826–1876)
  4. ↑ Martin Albert (* 28. Januar 1854; † 29. August 1873), Fanny Fern (* 20. Juli 1857; † 13. Mai 1932), Mary Enna (* 2. Mai 1860; † 27. Juni 1941) und Mattie Bell (* 28. April 1862; † 20. Mai 1942) Genforum 106@1@2Vorlage:Toter Link/genforum.genealogy.com (Seite nicht mehr abrufbar; Suche in Webarchiven) und Genforum 140 (Memento des Originals [2] vom 31. Juli 2014 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/genforum.genealogy.com
  5. ↑ Rootsweb Einwanderungsliste 1657
  6. ↑ Gallatin, Missouri
  7. ↑ William Jewell College
  8. ↑ Liberty, Missouri
  9. ↑ The Ringo family left Liberty, Missouri on May 18, 1864 on their trek to California
  10. ↑ In a letter dated August 1, 1864, written by a fellow traveler, William Davenport, to the "Tribune" in Liberty, Missouri: „Just after daylight on the morning of the 30th ult. Mr. Ringo stepped on top of the wagon, as I suppose, for the purpose of looking around to see if Indians were in sight, and his shot gun went off accidentally in his own hands, the load entering his right eye and coming out the top of his head. At the report of his gun I saw his hat blown up twenty feet in the air, and his brains were scattered in all directions.“; Aus dem Buch: COVERED WAGON WOMEN; Diaries & Letters from the Western Trails, 1862-1865, Edited and Compiled by: Kenneth L. Holmes, (Volume 8 of 11), ISBN 0-8032-7297-9.
    The location is reported to be two miles west of Glenrock, Wyoming, 150 feet north of the old U.S. Highway 26/87.
  11. ↑ Austin (Nevada) Tagebuch Seite 36, Image 52
  12. ↑ The Westerner; Filmtitel-Liste bei Locatetv.com
Voh „https://bar.wikipedia.org/w/index.php?title=Johnny_Ringo&oldid=841157“