Josef Filser

Aus Wikipedia
(Weidagloadt vo Jozef Filser)
Zur Navigation springen Zur Suche springen
Der Artikl is im Dialekt Obaboarisch gschrim worn.

Josef Filser is a vom Ludwig Thoma dafundne Figur vom Ofang vom 20. Joarhundat.

De Figur[VE | Weakln]

Da Josef Filser is am 16. Septemba 1856 in Mingharting geborn. Mingharting is erfundn. Er is Baur und a boarischa Landtagsabgeordneta. Fo da Eistellung hea is a erzkonservativ und königstreu. In seine Briaf, de a nach Haus an sei Frau Mari, aba a in seina politischn Funktion schreibt, vawendt a entweda sei eigne Sproch oda vasuacht a so zschreim wia ea moand, dass a recht gschwoins Hochdeitsch ausschaung dad. Des haud bei eam aba beids ned ganz hi.

Zeascht gabs de Gschichtn nua ois erfundne Briaf, spada hod sei Schepfer des Ganze zura Bühnenrolln weidaausgarbart. No spada in Fuim und Fernsehn is dann a rechts Schlitzohr aus dera Figur worn.

Historischs Vorbuid[VE | Weakln]

S' Vorbuid fia de Figur war da Buagamoasta vo Ruhpolding Georg Eisenberger, dea a Landtagsabgeordneta war. Er war a recht beliabta boarischa Politika in da Zeit foa da Machtübernahma durchn Adolf Hitler. Er is a in der Gschicht "Andreas Vöst" vom Ludwig Thoma ois Vorlag vawendt worn.

In da Zeidung[VE | Weakln]

Da Ludwig Thoma hod de Briaf vom Josef Filser zwischn 1907 und 1912 imma wiada moi in da satirischn Wochnzeidung "Simplicissimus" vaeffntlicht. Da Karikaturist Eduard Thöny hod zua de dargstelltn Ereignissn Zeichnunga gmacht.

In Biacha[VE | Weakln]

Mit dem Titel "Briefwechsel eines bayrischen Landtagsabgeordneten" wurd da gsammelte Schriftvakea 1909 vom Albert Langen in Minga herausgem. 1912 hods mit "Jozef Filsers Briefwexel - 2. Buch" a Fortsetzung gem. Beide Biacha enthieltn wia de Zeidungsbeiträg a Buidl vom Eduard Thöny.

Da Begriff Filserbriaf[VE | Weakln]

Fo dera Gschicht hod se da Begriff Filserbriaf fia alle Texte abgleit, de in irgndna Form schlecht gschrim han.

Da Begriff Filser-Bairisch[VE | Weakln]

Filser-Bairisch sogd ma zu an schlechtn Hochdeitsch das eine Art gesteltzs Boarisch ist.

Englische Filserbriaf[VE | Weakln]

In da Siddeitschn Zeidung hods a Zeitlang a Serie mid englische Filserbrief gem. Do hod de Gisela ihrm englischn Freind Peter iaba aktuelle politische Themen gschriem. Zua dea Zeit zum Beispui iaba an "Federal Helmut" und an "Federal Richi", oiso an Bundeskanzler Helmut Kohl und an Bundespresidentn Richard von Weizsäcker.

Do ko ma a no schaung[VE | Weakln]