Königsföüd
| Der Artikl is im Dialekt Nordboarisch gschriem worn. |
| Königsföüd | |||
| Ust-Tschorna/Усть-Чорна | |||
|
| ||
| Basisdatn | |||
|---|---|---|---|
| Oblast: | Oblast Transkarpatien | ||
| Rajon: | Rajon Tjatschiw | ||
| Häh: | 528 m | ||
| Fläche: | |||
| Eihwohna: | 1.456 (2004) | ||
| Postleitzoin: | 90520 | ||
| Voawoi: | +380 3134 | ||
| Log: | 48° 19′ N, 23° 56′ O | ||
| Gliedarung: | 1 Siedlung städtischen Typs | ||
| Buagamoasta: | Wassyl Schymkiw | ||
| Adresse: | вул. Верховинська 233 90520 смт. Усть-Чорна | ||
| Statistische Informationen | |||
| |||
Königsföüd oda Ust-Tschorna (ukrainisch und russisch Усть-Чорна; slowakisch Ustčorna, ungarisch Királymező, deitsch Königsfeld) is a Siedlung (dt. Siedlung städtischen Typs) im Westn vu da Ukraine. Dea Oat im Rajon Tjatschiw håud an de 1.500 Ejwohna und ligt am Zsammafluss vu da Mokranka mit der Brusturanka. Daj zwoa Flüss flajsn dann ajs Tereswa (Theresia) waida und mündn bai Tjatschiw in d'Theiß.
Dea Oat ligt målarisch mittn in de Beag vu da Gorgany im Valaaf vu de Waldkarpaten. D'Zoufahrtsschtråußn han åwa vu de ganzn Hoiztranspoat schu oach mitgnumma.
Dea Oat is 1815 ajs Dochdasiedlung vu Deitsch-Mogra (hait Komsomolsk) aus vu Hoizawaida ausm owaöstarraichischn Såizkammaguad gründt woan. Des Doaf is planmäßig ooglegt woan, wai' Deitsch-Mogra z'kloa fia alle Bewohna woan is und aa d'Awaitsplätz vu vü Doafbewohna waida untn am Schtrom vu da Tereswa gleng san. Ungeféa 10 Jåa nåuch da Grindung wåa Königsberg schou grejssa waj Deitsch-Mogra. Wail as Dåi an dera Schtöü recht éng is, is dea Oat ajs Raindoaf ooglegt woan. D'Bewohna wåan haaptsächlich Wåidawaida. In da tschechoslowakischn Zait is dea Oat zu am kloana Zentrum fia'n Turismus woan, åwa da zwoate Wöüdkrajch und da Anschluss an d'Sowjetunion håm deam schnöü a Énd gsetzt.
Håuchwassa
[Werkeln | Am Gwëntext werkeln].jpg)
1998 is Königsföüd aa vu de Iwaschwemmunga vum doatign Fluss Tereswa schtåak mitgnumma woan. Saithea is as Doaf vu da ukrainischn Kloaschpuabahn ågschniin, åwa wai' s Göüd ned langt, kånn se as Bahnuntanehma koa naie Vabindungsschtreckn laistn.
Deitschschpråuchiga Oat
[Werkeln | Am Gwëntext werkeln]Wai' Königsföüd 1815 vu Deitsch-Mogra aus gründt woan is, håm de maistn Ejwohna fia ra lange Zait ìn åidn mittlboarischn Dialekt ausm Såizkammaguad gredt. Nåuch'm zwoatn Wöüdkrajch is åwa d'Karpatenukraine mitsamt Königsföüd an d'Sowjetunion ganga. Vü deitschschpråuchige Bewohna wåan dann massive Repressiona ausgsetzt, manche san sogåa nåuch Sibirien vaschleppt woan und ma håud eana vabotn, d'Schpråuch vum gråd besiegtn Faind zum ren. Dåuduach is da Såizkammaguad-Dialekt vu de deitschschpråuchign Bewohna mit da Zait waitgênd vum Ukrainisch vadrängt woan. Nåuch da Wende san aa vü Familien nåuch Deitschland und Östarraich ausgwandat und drum is d'Zåi vu de Schprecha no waida zruckganga; sowait dasss hait blåuß no ungeféhr 15 deitschschpråuchige Familien z'Königsföüd gibt.
Im Netz
[Werkeln | Am Gwëntext werkeln]
Commons: Königsföüd – Sammlung vo Buidl, Videos und Audiodateien