Kühnhardt am Schlegel
Kühnhardt am Schlegel Stod Feuchtwangen Koordinaten: 49° 9′ 21″ N, 10° 15′ 13″ O
| |
|---|---|
| Höhe: | 457 m ü. NN |
| Einwohner: | 132 (1987) |
| Eingemeindung: | 1. Jenna 1972 |
| Postleitzahl: | 91555 |
| Vorwahl: | 09852 |
Kühnhardt am Schlegel is a Ortstei vo da Stod Feuchtwangen im Landkroas Ansbach in Middlfrankn.
Geografie[Werkeln | Am Gwëntext werkeln]
Des Doaf liegt am Lachengrobn, oam rechtn Zuafluss vo da Wörnitz.
Gschicht[Werkeln | Am Gwëntext werkeln]
Urkundli eawähnt werd Kühnhardt eascht im 14. Joarhundad. Seinazeid san in Kühnhardt vui Grundsticke und gonze Bauanhöf vakafft odam Feuchtwanga Klosta gschenkt worn. Vakaifa und Schenka woarn Lehnsherrn aus Dinkelsbühl, Rothenburg und Crailsheim. De ortsonsässign Bauan woarn Leibeigene und hom beim Vakauf vo ihre Lehensgüta nix zu song ghod.
1801 hods im Ort 23 Haushoite gem, vo dena ejf Dinkelsbühl, siemn Feuchtwangen, drei Brandenburg, oana Crailsheim und oana Rothenburg untatan woarn.
Bis zua Gebietsreform in Bayern (1. Jenna 1972) hod da Ort zua ehemois sejbstständign Gmoa Mosbach gheat.
Ortsnomansdeitung[Werkeln | Am Gwëntext werkeln]
Kühnhardt, dessn Schreibweis im 14. Joarhundad "Köhnhardt" und "Kenhardt" woar, bedeit Föhrenwoid. Orte, dean Noma auf Baamnoma hiweisn, san in da Stauferzeid grindte Rodungsorte. Kühnhardt is oiso a Urort (v. urboa), drauf deit aa da zwoate Tei vom Ortsnoma "hardt". De "hart"-Orte san meist aus da Allmende grodet, oiso dem Lond, des da Oigmoaheit gheat hod und vo ihr gnutzt worn is.
Vakeah[Werkeln | Am Gwëntext werkeln]
De Kreisstroß AN 40 fiaht noch Seiderzell bzw. zua AN 5 bei Larrieden. Gmoavabindungsstroßn valaffa noch Mosbach emfoiss zua AN 5 und noch Hohenkreßberg.
Literatua[Werkeln | Am Gwëntext werkeln]
- Johann Kaspar Bundschuh: Geographisches statistisch-topographisches Lexikon von Franken. Band 3. Stettinische Buchhandlung, Ulm 1801, Sp. 239f, DNB 790364301.