Kackhaffa-Emoji

Aus Wikipedia
Zur Navigation springen Zur Suche springen
Der Kothaufen-Emoji, wie er bei Noto zu finden ist
Der Kothaufen-Emoji, wie er auf Twitter und Snapchat zu sehen ist

Dea Kackhaffa-Emoji oda Scheisshaffa-Emoji (💩) is a Emoji, dea an an zusammgroidn Kackhaffa erinnat, dea normalaweis mid groussn Comic-Auung und an broadn, freindlichn Locha dagstäid wiad.[1] Dea Emoji konn um a Situation zua beschreim vawendt wan, aba aa um a Schimpwoat zua easetzn oda a Aussag vom Chatpartna zua kritisian.[2]

Dea Emoji befindt se im Unicodeblock Vaschiedene piktografische Symbole: U+1F4A9 💩 PILE OF POO (HTML 💩).[3]

Gschichtn[VE | Weakln]

A lochnda und dampfnda Kackhaffa is estmois 1997 af dem J-Phone ois oana vo 90 Emojis vaöffentlicht woan.[4]

Im Joar 1998 oda 1999 kreiertn japanische Mobilfunkbetreiba NTT DoCoMo, au und SoftBank Mobile ihre eigna Emoji-Variantn. Dea easchte Emoji is vo NTT DoCoMo Mitoabata Shigetaka Kurita eastäit waon.[5]

In oan Projekt mid dem Nam „Mojo“ oabat Google mid au zamma, um neie Emoji fia Gmail zua easäin, mid dem Zui, de Präsenz in Japan und Asien aaszuabaun. Des Gmail Design is aas an Kackhaffa ohne Gsicht gwen, da vo animiatn Fliang umkreist woan is. Takeshi Kishimoto, dea japanische Produktmanaga vo Google, ging direkt zum Managa vo Gmail und iwazoag ihn davo, dass dea Kackhaffa-Emoji dea „nützlichste“ Emoji wor. Des is duach a statistische Analyse vo Google bstätigt woan, de ermiddln soit, wos fia Emoji bei den japanischn Nutzan am beliebtestn worn. Laut Google-Softwareingenieur Darick Tong wor dar Kackhaffa-Emoji in Bezuag af de Beliebtheit „weit om“. Des Design fia den Emoji is den Google Doodle Kinstlan Ryan Germick und Susie Sahim iwalossn woan, de de vorhandnen Emojis mid „Google-Dreh“ aasstattn woitn. Sie ließn se vo den bestehendn Emoji-Designs sowia dea Figur Poop-Boy aas dem Dr. Slump-Manga vo Akira Toriyama inspirian. Sie beschränktn se af a gräss vo 15×15 Pixeln und Foabm, de nua im Google-Logo vawendt wean.[6][7]

Google hod im Oktoba 2008 easchtmois Emoji in Gmail untastitzt und Apple hod den Kackhaffa-Emoji zua IPhone-OS am 21. Novemba 2008 hinzuagfiagt.[8][9]

Der Kackhaffa is 2010 zua Unicode in Unicode 6.0[10] und 2015 zua offiziejn Emoji-Dokumentation vo Unicode hinzuagfiagt woan.[11]

2017 is a Kackhaffa-Emoji Vasion mid „Stirnrunzln“ voagschlong woan, um in a zuakinftige Unicode-vasion afgnumma zua wean.[12] Noch negativn Feedback vo WG2 Exptertn Michael Everson und Andrew West[13], is dea Stirnrunzlnde Kackhaffa-Emoji vo dea Listn gestricha woan.[14]

Beliebtheit[VE | Weakln]

ABC News Samantha Selinger-Morris stäid in ihrn Artikl aas dem Joar 2016 fest, dass dea lochade Kackhaffa-Emoji afgrund vo sen „unbeschreiblichen Charmes“ und „der Fähigkeit, sprachliche Barrieren und politische Unterschiede zu überwinden“ „einer der beliebtesten Emojis überhaupt ist“. Dea Emoji is ois soicha af Geburtstagsballons und Cupcakes dogstäid.[15] 2016 is a Termitenhügel in Westaustralien vo oan Ehepoar mid Vorrätn aas Kmart in an lochandn Poop-Emoji umgwandlt woan.[16]

Beleg[VE | Weakln]

  1. 💩 Pile of Poo Emoji. Abgerufen am 21. April 2019 (englisch).
  2. Smiley Bedeutung. Abgerufen am 19. April 2019.
  3. Unicode Character ‘PILE OF POO’ (U+1F4A9). Abgerufen am 21. April 2019.
  4. Matt Alt: Why Emojis Are No Longer Cool in the Country That Invented Them. 7. Dezember 2015, abgerufen am 21. April 2019 (englisch).
  5. Smile, You’re Speaking Emoji: The Rapid Evolution of a Wordless Tongue. 17. November 2014, abgerufen am 21. April 2019 (englisch).
  6. Lauren Schwartzberg: The Oral History Of The Poop Emoji (Or, How Google Brought Poop To America). 18. November 2014, abgerufen am 21. April 2019 (amerikanisches Englisch).
  7. Dazed: What does the stinky poop emoji really mean? 12. Mai 2015, abgerufen am 21. April 2019 (englisch).
  8. Apple Emoji Turns 10. 21. November 2018, abgerufen am 21. April 2019 (englisch).
  9. 💩 Pile of Poo on Apple iPhone OS 2.2. Abgerufen am 21. April 2019 (englisch).
  10. Unicode 6.0 Emoji List. Abgerufen am 21. April 2019.
  11. Emoji Data for UTR #51. Abgerufen am 21. April 2019.
  12. Kangaroo, Softball, Frowning Poo Emojis Possible For 2018. 3. August 2017, abgerufen am 21. April 2019 (englisch).
  13. Feedback from WG2 email discussion list on PDAM 2.2. Abgerufen am 21. April 2019.
  14. Emojiadhoc. Abgerufen am 21. April 2019.
  15. Why are we so passionate about the smiling poop emoji? 10. Dezember 2016, abgerufen am 21. April 2019 (australian English).
  16. Poop emoji made from a termite mound is the roadside art we need. Abgerufen am 21. April 2019 (englisch).