Google

Aus Wikipedia
Wexln zua: Navigation, Suach

37.422222222222-122.08444444444Koordinaten: 37° 25′ 20″ N, 122° 5′ 4″ W

Google Inc.
Google-Logo
Rechtsfoam Corporation (US-amerikanische Gsejschoft)
ISIN US38259P5089
Grindung Mountain View, Kalifornien/USA (1998)
Siitz Mountain View, Kalifornien, USA
Loatung
  • Eric E. Schmidt (Chief Executive Officer - CEO)
  • Sergey Brin (Chief Technical Officer - CTO)
  • Larry E. Page (Chief Marketing Officer - CMO)
Midorwata 24.400 (8. Jenna 2009)[1]
Umsotz 21,8 Mrd. USD (2008)[2][3]
Branchn Internetzdeanstleistunga, Weabung
Hoamseitn google.com
vo links noch rechts, Eric E. Schmidt (Google CEO), Sergey Brin und Larry Page (Grinda vo Google)
Umsotz- und Gwinnentwicklung

Google bzw. Google Inc. is a Firma mit Haptsitz in Mountain View (Santa Clara County, Kalifornien, USA), des wo bsundas duach de gleichnomige Suachmaschin „Google“ bekonnt worn is. De Firma is am 7. Septemba 1998 vom Larry Page und vom Sergey Brin grindt worn. No am sejm Dog homs de easchte Testversion vo dem Programm afn Moakt brocht und no im sejm Joa is de Suachmaschin offiziej ans Netz ganga. De Firma bschreibt s Haptzui wia foigt:

„S Zui vo Google bestähd do drin, de Informationa vo da Wejd z organisian und oigmoa nutzboa und zuagängli z mocha.“

Google-Unternehmensinformationa[4]

De Firma hod Ende 2010 24.400 Mitorwata bschäftigt.[5] Google hod an moaktbeheaschndn Otei (80 %) vo oin Suachofrong im Internetz (Stond: 2010). Noch da Moaktfoaschungsgruppm Millward Brown is Google mit am Weat vo rund 111.5 Milliardn US-Dollar (uma 78 Milliardn Euro) noch Apple de zwoatejdaste Markn vo da Wejd (Stond: 2011).[6]

Da Begriff „Google“[VE | Weakln]

Etymologie[VE | Weakln]

S Woat Google basiat af an Woatspui (mange sogn sogoa, des warad bloss a Rechtschreibfehla) mit da US-amerikanischn Aussproch vom Woat googol (de englische Bezeichnung fia de Zoi )[7]. De Google-Grinda hom an Begriff af an riesign Haffa vo Informationa iwatrong, de wo a Suachmaschin findn soit.

s Verb „googeln“[VE | Weakln]

Da standarddeitsche Rechtschreib-Duden hod des Verb googeln (sprich: [ˈɡuːgl̩n] „guhg(e)ln“) 2004 in de 23. Aflog afgnumma.[8]

S Woat wiad in da Umgangssproch moast ned fias Suachn mit Google vawendt, sondan aa ois Synonym fia de Suacharei im Netz mit irgendana Suachmaschin (vgl. Wiktionary,

Firmengschicht[VE | Weakln]

Da Page Larry 2003
Da Brin Sergey auf da 'Web 2.0 Konfarenz' im Joa 2005

1995-1998 - da Ofang[VE | Weakln]

1995 san da Page Larry und da Brin Sergey an da Stanford University ois Studentn zammatroffa.[9]. Se hom nacha de Suachmaschin BackRub konzipiat. Gnennt hom ses so zweng den Backlinks, noch dena de Wertigkeit vo oana Seitn bstimmt worn is.[10] 1998 hod se owa znagst neamd fia de nei entwicklte Suachtechnik interessiat. Im August 1998 hod da amerikanische Investor Andreas von Bechtolsheim noch oana Zehn-Minutn-Präsentation fia de Weidaentwicklung vo da Suachmaschin an Scheck iwa 100.000 US-Dollar ausgschdöd.[11] Wei da Bechtolsheim Andy ognumma hod, „Google" warad da Nama vo da Firma, hoda ois Empfänga „Google Inc." afn Scheck eitrong. De Firma hods domois owa no gor ned gem.[12] Larry Page und Sergey Brin ließen das Unternehmen unter diesem Namen registrieren, damit der Scheck kassiad werden konnte.[13] De Google Inc is nacha am 7. Septemba 1998 vo oana Garagn aus grindt worn. Mit an Startkapital vo umgrechnt 810.000 Euro (1.100.000 Dollar, afbrocht vo de Famijn, Freind und vom Bechtolsheim Andy) is de easchte Vasuachsversion vo dem Programm vaeffentlicht worn. Fimf Monat spoda hod Google mit ocht Ogstejtn a Biro in Palo Alto bezong. Uma 500.000 Suachofrong san boid Tog fia Tog vazeichnt worn. Wia nacha im Septemba 1999 AOL und Netscape mit Google zammagorbat hom, san de Suachofrong glei afs Sechsfoche gstieng.


1999-2003[VE | Weakln]

Akquisition[VE | Weakln]

  • Im Feba 2001 hod Google as Usenet-Archiv vo Deja News iwanumma und hod mit eiganen Gruppm ogfangt: Google Groups.[14]
  • Im Feba 2003 hod Google de Blogging Plattfoam Blogger.com kafft, de wo zu dera Zeid scho hundattausende Nutza ghobt hod.[15]
  • Im Aprui 2003 hod Google de Applied Semantics, Inc. akquiriat und und de Technik vo dena späda in Google AdSense eibaut. Applied Semantics hod voahea bei Kundn wia Overture mit Huif vo oana sognenndn KeyWordSense-Technik de semantische Bedeitung vo Netzseitn erkannt und entsprechande Werbeeinblendunga ermeglicht.[16][17] (schau aa Juni 2003)

Neie Produkte[VE | Weakln]

  • Am 21. Septemba 1999 is de Vasuachsphasn vo Google offiziej beendt worn und da „Beta“-Hiwoas is vo da Hoamseitn entfeant worn.
  • Im Herbst 2002 hod de Firma as „AdWords“-Programm in Frankreich, Deitschland, England und Japan.
  • Im Juni 2003 hod Google mitm AdSense-Werbeprogramm ogfangt. Dabei wean af teinehmandn Netzseitn themenrelevante Werbeozeign eiblendt.
  • Im August 2003 is a deitschsprochiga Nochrichtndeanst obotn worn. Ogebli wean do Google-News ohne menschlichs Eigreifn produziat.

Sunstigs[VE | Weakln]

  • Im Joar 2000, am End vom 2. Quartal, woa Google Moaktfiara bei Suachmaschina mit mea ois oana Milliarde Seitn im Index.
  • Im Joar 2001 is da Schmidt Eric neia CEO worn.
  • Kuaz voa Ende 2001 is de Zoi vo drei Milliardn Dokumentnzuagriffn erreicht worn.

2004[VE | Weakln]

Akquisition[VE | Weakln]

  • Google hod im Joar 2004 Where2 LLC iwanumma. Späda is do draus Google Maps entwicket worn.
  • Am 13. Juli hod Google de Iwanahm vo Picasa LLC bekannt gem, wo späda zum Produkt Google Picasa wead.[18]
  • Am 27. Oktoba is bekannt gem worn, doss Google Keyhole Corp. kafft hod. Keyhole woa da Grundstoa fia Google Earth.[19]

Neie Produkte[VE | Weakln]

  • Am 1. Aprui 2004 hod Google de Betaversion vom kostnlosn E-Mail-Deanst Gmail mit 1 GB Speichaplotz je Nutza okindigt.
  • Am 14. Oktoba homs as Google Desktop Search vorgstejt, a Programm zum Durchsuacha vo de Datnbestände afm eiganan Rechna.

2005[VE | Weakln]

Akquisition[VE | Weakln]

  • Am 28. Meaz 2005 iwanimmt Google de Urchin Software Corp. Späda entstäd do draus as Produkt Google Analytics.[20]
  • Am 11. Mai gibt Google de Iwanahm vo Dodgeball, am mobiln sozialn Netzwerk bekannt.[21] Daraus is späda da Deanst Google Latitude entstandn.[21][22]
  • Im August wead da Kauf vo Android, Inc. bekannt.[23].
  • Am 21. Dezemba 2005 hod Google an Kauf vo fimf Prozent vo de AOL-Aktien (Time Warner) bekannt gem. Domit is Google a grossa Erfoig genn Microsoft glickt, de wo emfois dro intaressiat worn.

Sunstigs[VE | Weakln]

Im Joa 2005 is de Google Inc. zan easchtn Moi af da Forbes-Listn ogfiat (Platz 38). Dea Unternehmenswert is im Joa 2005 af uma 55 Milliardn Dollar gschätzt worn.


2006[VE | Weakln]

Akquisition[VE | Weakln]

  • Am 17. Jenna 2006 hod Google dMarc Broadcasting, Inc. kafft, an Betreiba vo oana Radio-Werbeplattform.
  • Am 9. Meaz hod da Konzern de Start-up-Firma Upstartle, LLC mitm Produkt Writely iwanumma. Späda is do draus Google Docs entstandn.
  • Am 14. Meaz hod Google de 3D-Firma @Last Software (Google SketchUp) zua Integration vo 3D-Skizzn in Google Earth kafft.[24]
  • Am 9. Oktoba hod Google fia 1,65 Mrd. Dollar as Internet-Videoportal YouTube iwanumma.[25]
  • Am 15. August wead Neven Vision iwanumma. Neven Vision ghean Patente im Bereich Biometrische Gsichtserkennung und Objekterkennung.[26][27]
  • Am 1. Novemba iwanimmt Google as Wiki-Startup JotSpot Inc.. Späda wead do draus Google Sites.[28]
  • Am 18. Dezemba hod Google de Schweiza Koatnfirma Endoxon teiweis kafft.

Neie Produkte[VE | Weakln]

  • Vom 12. Aprui o woa da Google-Kalenda Google Calendar ois Beta vaeffentlicht. Domit homs MSN und Yahoo konkurrenziad.
  • Am 29. Juni hod Google as Bezoisystem Checkout eigfiat.
  • Am 30. August hod Google mit seim umstrittanan Deanst Google Books zum Runtalodn vo ned meah urhebarechtli gschitzta Biachl ogfangt.

Sunstigs[VE | Weakln]

2006 is Google zua einflussreichstn Markn vo 2005 gwejd worn.[29]


2007[VE | Weakln]

Grinda Sergey Brin

Akquisition[VE | Weakln]

  • Am 13. Aprui 2007 hod Google as Online-Werbenetzwerk DoubleClick, Inc. iwanumma, oan vo de gresstn Online-Werbevamoakta, fia 3,1 Milliardn US-Dollar und hod domit unta andam Microsoft und Yahoo iwabotn [30][31]. De DoubleClick-Technik wead späda in Google AdWords integriat. Google Inc. dominiat domit an Moakt fia Onlinewerbung mit 80 Prozent Moaktantei; de Konkurrenzfirmen Microsoft und AT&T hom se deshoib an de Kartejbehärdn gwendt [32]
  • Im Aprui hod Google an schwedischn Videokonferenz-Spezialistn Marratech iwanumma [33]
  • Am 30. Mai hod da Konzern Panoramio kafft, oan Start-up, wo se af de Vabroatung geolokala Digitalfotos spezialisiat hod. De Fotos kena etz in Google Earth und Google Maps ozoagt wean.
  • Am 3. Juli hod de Firma an kalifornischn Telefondeanstleista GrandCentral Communications kafft. Do draus is as VoIP-Produkt Google Voice entstandn.[34]
  • Im Juli hod Google fia de Iwanahm vom IT-Sichaheitsdeanstleista Postini 625 Milliona US-Dollar zoid.
  • Mit da Tonic Systems [35] und Zenter [36] hod Google noch Upstartle (schau Meaz 2006), zwoa weidane Firman kafft, vo dena de Technik in Google Docs iwanumma wead.

Sunstigs[VE | Weakln]

Google deaf noch an Gerichtsurtei vom 14. Feba 2007 in Bejgien de Artikl vo nationaln Dogeszeidunga ned meah vaeffentlichn und hod 3,45 Mio. Euro Gejdstraf zoin miassn.[37]. Am 23. Aprui is Google de weatvoiste Markn vo da Wejd - vor General Electric, Microsoft und Coca-Cola [38]. Drei Dog draf hod Google aa de moastn Bsuacha im Internet vor Microsoft, Yahoo, Time Warner, eBay und Wikipedia [39].


2008[VE | Weakln]

Neie Produkte[VE | Weakln]

  • Im Meaz 2008 präsentiat Google sein Deanst fia elektronische Patientnaktn Google Health.
  • Am 23. Juli 2008 gäd mit Knol a Wissnsportal in de effentliche Vasuachsphasn.
  • Im Septemba 2008 wead a eigana Brausa vorgstejt: Google Chrome.

Sunstigs[VE | Weakln]

Google wead exklusiva Sponsor vo oam Satellitn mitn Nama GeoEye-1, dea wo aktueje houchaflesnde Satellitnfotos fia Google Earth und Google Maps liefat.[40][41] Beim Start vo dem Satellitn woan de zwoa Google-Grinda Larry Page und Sergey Brin dabei.[42]


2009[VE | Weakln]

Neie Produkte[VE | Weakln]

  • Seit Meaz 2009 kena Weabekundn vo Google iwa sognennde Interest Based Ads (interessnbasiate Ozeign; Behavioral Targeting = Vahoidnsfocussiarung) Konsumentn gezuida osprecha.[43][44][45]
  • Seit Juni 2009 offariat Google mitm Produkt Google Fusion Tables Nutzan de Mäglichkeit, grouße Datnsammlunga in Form vo Tabejn mit ana Greß vo bis zu 100 MB online z vawoitn.[46]
  • Seit Juni 2009 gibts a Toolkit fian Google Translator (Google Iwasetze) mit dem de Nutza komplette Dokumente vo eanan Computer houchlodn und automatisch in ondare Sprochn iwasetzn lossa.[47]

Voaokindigung[VE | Weakln]

  • Google Wave is a internetbasiats System zua Kommunikation und Zammaorbat in Echtzeid, des wo im Mai 2009 vorgstejt worn is. De Entwickla stamma aus da Firmeniwanahm vo Where2 LLC ausm Jahr 2004, aus dea wo aa Google Maps entstandn is.
  • Google Squared is a neie experimenteje Suachmaschin vo Google, de wo Suachergebnisse im Tabejnformat liefat und im Juni 2009 vorgstejt worn is. De Suachmaschin vasuacht, automatisch a Struktua in unstrukturiate Datn ausm Web z bringa.[48][49][50]
  • Google Chrome OS is a Betriebssystem (zeascht amoi nua fia Netbooks konzipiat), des wo afm Linux-Kernel basiat. Easchte Geräte mit Google Chrome OS sois in da zwoatn Hejftn 2010 gem. Google Chrome OS soi ois Open Source offariat wean.[51]

Sunstigs[VE | Weakln]

  • Am 31. Meaz 2009 hod Google a eigane Beteiligungsgsejschaft mit am Risikokapital vo 100 Milliona Dollar gstartet. Des Gejd soi in erfoigsvasprechande Firmengrindunga (standarddeitsch: Start-ups) aus oin Bereichn vo da Wiatschaft investiat wean. Da Schwapunkt vo de Investitiona liegt owa laut Aussog vo Rich Miner und Bill Maris vo Google Ventures in de Branchn Software, Umwejdtechnik, Biotechnologie, Gsundheitswesn und Internettechnologien fia Vabraucha.[52][53][54]

2010[VE | Weakln]

  • Am 9. Feba 2010 hod de Firma Google Buzz, an Deanst zum Austausch vo Nochrichtn und Kommentarn vaeffentlicht.

2011[VE | Weakln]

Akquisition[VE | Weakln]

  • Im Juli 2011 hod Google de Firma Pittsburgh Pattern Recognition iwanumma, de wo a Gsichtaeakennungsprogramm fia Fotos und Videos entwicklt hod.[55]
  • Im August 2011 hod Google okindigt, de Mobijfunkspartn vo Motorola, Motorola Mobility, fia 12,5 Milliardn US-Dollar z iwanehma.[56]

Neie Produkte[VE | Weakln]

  • Seit Feba 2011 offariat s Google Art Project de Meglichkeit, virtuelle Rundgäng duach wichtige internationale Kunstmuseen z untanehma und ausgwejde Kunstweake in ana houchn Aflesung und mit Zoomfunktion ozschaung. Am Buidrand wean zuasätzli Infos eiblendt.[57]
  • Seitn 24. Feba 2011 is Google Cloud Connect verfügbar. Des Programm setzt si ins Menü in Microsoft Office eine und eameglicht so an Zuagriff auf Dokumente vo Google Text & Tabejn und s Houchlodn und Sendn vo lokaln Datein an an Deanst.[58]
  • Im Meaz 2011 is da neie Deanst Google +1 voagstejt worn. So wia beim Gfoit ma (Like-) Button vo Facebook kenna Nutza in Zukumft Suacheagebnis und Ozoang mitm +1-Knopf markian, um ondane Nutza drauf aufmeaksom z mocha.
  • Am 26. Mai is des End vo da Google-Translate-API zum End vom Joa okindigt woan.[59]
  • am 28. Juni 2011 is des soziale Netzweak Google+ fia easchte Privatleit af Eilodung voagstejt worn.[60] Zua Zeid is da Deanst no in da Testphase.

Sunstigs[VE | Weakln]

  • 2011 hod Google de Ausgom fia Lobbyorwad no amoi gsteigat. Vo Aprui bis Juni 2011 hod Google dafia in da USA 2,1 Milliona US-Dollar investiat (2010 woans no 1,34 Milliona Dollar).[61] Des hängt woascheinli domit zamm, doss de Federal Trade Commission, evtl. a Untasuachung iwa de Voamochtstejung vo Google ostrebt.[62]

Stondoat[VE | Weakln]

An Hauptsitz hod Google z Mountain View, in Kalifornien. Dazua gibts owa a Niedalossunga in da gonzn Wejd. De Eiropa-Zentrale sitzt z Dublin, Irland und de Deitschland-Zentrale z Hamburg. Aa in Bayern gibts an Stondoat, nämli Minga. In Berlin wead a neies Foaschungsinstitut baut.[63]

Werbung und Finanziarung[VE | Weakln]

Geschäftszoin [2]
Joahr Umsatz
in Mio. Dollar
Gewinn
in Mio. Dollar
2008 21.795 4.282
2007 16.503 4.203
2006 10.604 3.078
2005 6.139 1.465
2004 3.200 399,1
2003 961,9 105,6
2002 347,8 99,7
2001 86,4 7,0
2000 19,1 -14,7

AdWords[VE | Weakln]

Google vakafft fia beliabige Suachbegriffe s Einblendn gsponsata Links. Des nenna se Google AdWords. Des is a reine Textweabung, de wo optisch speziej heavoaghom is, so doss da Nutza se vo de eigntlichn Suachergebnissn untascheidn ko. So wead a Werbung ozoagt, de wo inhoitli zua Suachofrog passt. Obgrechnt wead vo Google dann pro Klick. Dabei legt da Weabekunde sejm fest, wiavui ea fia an Klick zoin wui. De Häh vom Preis bstimmt owa de Position, wann meahrare Ozoagn af ana Seitn gibt (je meah ma zoit, desto weida obm is ma). Und wann ma beispuisweis a Monatslimit festglegt, des wo ma maximal ausgem wui, dann bstimmt da Preis aa, wia oft de Ozoag eascheint.

AdSense[VE | Weakln]

Adsense san de Google-Ozoagn, de wo a Webmoasta af seina Hoamseitn eibindn ko, des hoasst, de Ozoagn wean kontextobhängig eiblendt.

Sunstigs[VE | Weakln]

Google hod okindigt, si middlfristig ned nua af Weabung im Internet beschränkn z woin, sondan aa driwa ausse z gähn. In de USA laffn scho diverse Kooparationa dazua.

Produkte[VE | Weakln]

Toolbar[VE | Weakln]

Des is a Funkzion, de ma owalodn und inschdalian kau und mid de Browser Firefox und Internet Explorer funkzioniad und im Browser a zuasezliche Weakzaigleistn eifigt mid ana Google Suach-Box, am Phishing Schuz, Pop-Up Blocker und a da Meglichkait fia Leit mid eigena Intanetseitn, dosss ma Button mocha kau.

Calendar[VE | Weakln]

Des is a Online Kalenda zum Vawoitn fu de peasenlichn Teamine, mid Earinnarungsfunkzion. Kau ma sogoa af Hendis vawendn. De Funkzion is owa datnschuzmessig umschdridn, wei natiali daun voi vui Infoamazion iwa oan söwa afn Google Server gschbaichat is.

Picasa Web Albums[VE | Weakln]

Des is a Owendung, wo ma söwa gschossne Fotos online schdön und Web Albums mocha kau. Dea Service is in Google integriad worn, wia s 2004 de Fiama Picasa kafft haum.

Blogger[VE | Weakln]

Des is a Sisdem zum Easchdön und Beoawatn fu Blogs, des 1999 fu da Fiama Pyra Labs eafundn worn is. 2003 hod Google Pyra Labs kafft. 2006 is de neichasde Blogger Version in da Betawariantn aussakema, mid dea a endguitig olle User af de Server vu Google tranfariad worn san. Mid Blogger kau ma entweda Blogs af blogspot.com easchdön oda de Sofware benuzn fia Blogs, de ma auf eigne Domains hosted.

News[VE | Weakln]

Google News is a Funkzion, mid dea ma de neichastn Nochrichtn aus online Zeidunga duachfoastn kau, bzw. seine eignen Intaressensgebiete eischdön kau, zu denan ma Infoamziona und Neiigkeitn hom mechad. Funkzionad a af Hendis.

Scholar[VE | Weakln]

Des is a bsondare Suachfunkzion vu Google, mid dea ma schbeziej noch wissnschoftliche Artikl und uniweasiteare Zeidschriftn, Diplomoawaitn, Disseatazionen usw. suachn kau. Funkzioniad jez a af Deitsch.

Gmail[VE | Weakln]

Gmail is da Webmail Service vu Google, dea am 1. Aprü 2004 gschdart worn is. Zu dea Zeid woan Hotmail und Yahoo-Mail de waidast vabroatadstn Webmail Services, und wia Google aunkündigt hod, dasa baim Gmail a jeda User a Gigabyte Webspace hod, haum de mearan Leit glaubt, des is a Aprüscheaz - voa oim, wei Google schau efda am 1. Aprü kloane Pflanzarein gmocht hod. Desmoi wo des owa eanst gmoand, und mitlaile hod jeda User sogoa zwoa Gigabyte Webspace gratis dabei (fia Attachments, gschbaichate e-Mails, usw.)

Talk[VE | Weakln]

Google Talk is a Voice over IP Program, so eanli wia Skype.

Google Video[VE | Weakln]

Google Video is a gratis Hosting vu Videos und glaichzeitig aa a Suachmaschin fia ole Videos im gaunzn Intanet. De Funkzion wü kloaraweis Youtube a weng in Eafoig schdraitig mochn und hod desweng a boa Voateij, domid s User aunlokn. Bei Google Video is de Auflesung gressa und ma kau lengare Videos afilodn (bei Youtube is fia noamoie User des Limit zehn Minutn).

Im Nowemba 2006 hod Google Youtube iwahaupst komplet kafft undn Service in Google Video integriad. Youtube is owa a waidahin nu unta seina Domain aufruafboa. Meah unta Youtube.

Google Maps[VE | Weakln]

Mid de Google Maps hod de Fiama zum easchtn Moi ogfongt, Laundkoatn und Satelitnfotos ois Service zum aunbitn. Google Maps funkzioniad im Intanet Browser und ma braucht koa Software owalodn und nix inschdalian. Am Aufaung woa s Koatnmatrial af de USA bschrenkt, owa mitlawei kau ma se de gaunze Wejd oschaun, teiweis in foa houcha Detailschdufn. Seitdem s owa s Google Earth gibt, is des Intaresse on Google Maps a weng zrukgaunga.

Google Earth[VE | Weakln]

Is a virtueja Globus, bei dem ma se Satelitnfotos vu da gaunzn ejd oschaun kau. Dea revoluzioneare neiche Service hod af da oan Seitn vui begaistate Fans kriagt und is af da aundan Seitn a heftig kritisiad worn, wei jez a jeda detaijiataste Infoamziona iwa jedn Oat vu da Wejd aussafindn kau, zum Baischbui, wo genau milidearische Aunlong san, wia a Flughofn vu om genau ausschaud, wo de Zufoatswege zu beschdimte Gebaide und Schdodviatl san, usw. voa oim in de USA, owa a in aundare Lenda hods do Diskusiona gem, ob des ned vu Krimineje und Terroristn missbraucht wean kintad. Fia Google Earth muas ma si a aigens kloans Program owalodn und inschdalian.

Google Earth vawendt Satelitnfotos, de effntli zuagengli san, zum Beispui vu da NASA, da eiropeischn Raumfoatbehöade und aundare private Aunbita, und fabinz zu ana flechndekendn Obbuidung vu da gaunzn Wejd. De Aflesung is owa ned iwaroi gleich, zum Beispui is in Estareich de Detailiadheit ned so houch wia in Deitschland, aussa in grouße Schdädt wia Wean und Soizbuag. Mea unta Google Earth.

Google Moon[VE | Weakln]

Des is dessejwe wia Google Earth, neta doss ma se do de Owaflechn vum Mond oschaun ko.

Google Mars[VE | Weakln]

Des is dessejwe wia Google Earth, neta doss ma se do de Owaflechn vum Mars oschaun ko.

Fiamenfilosofi[VE | Weakln]

Buid vum Google Developers Day 2007

De Fiama Google Inc. is a bsondas dafia bekaunt, doss doat de Untanemenskuitua und des Fiamenklima nu oiwai so is wia bai aundare Fiamen in da Zeid vum groußn Intanet-Boom. Des Motto vu Google is: "Don't be evil", des hoast, ma soid ned unfreindli zu de Kolegn, de Kundn und de User sei, owa a ned odrad und hintalisdig, wia s sunst im Gscheftslem oft da Foi is. Drei Richtlinien, de de Fiama eanare Aungschdödn midgibt, san zum Baischbui: "You can make money without doing evil" (Ma kau Göd vadina, one doss ma bes sei muas), "You can be serious without a suit" (Ma kau eansthoft sei, one doß ma an Aunzug auhod) und "Work should be challenging and the challenge should be fun" (Oawad soid a Hearausfoadarung sei und a Hearausfoadarung soid Schbas mocha).

Oan Dog fu da Oawadswocha hod jeda Aungschdöde zua frain Fafügung, an dem a in da Fiama doa kau, wos a wü - zum Baischbü bai intresante Projekt fu aundare Obtailungen middoa oda aigene Projekde ausprowian, etc. Daduach soin a nu mea Inovazionen entschdee wia sunst e schau. Google is owa a kritisiad woan, wai zum Baischbü maunche Sisdem Administratoan im Joa neta 35.000 US-Dollar fadinan, wos bai de daian Brais in Kalifoanien goa ned fü is. An Haufn Midoawata fu Google haum owa aloa schau desweng a guads Göd gmocht, wais neman Gehoit a nu Akzien kriagt haum, de in de lezdn Joa wansinig hoch gschding san.

Nochn Börsngaung fu Google im August 2004, bai dem de zwoa Gründa, da Larry Page und da Sergey Brin, iwa Nocht zu Multimilionean woan san - zumindest am Papia - haum de zwoa komplet auf a Gehoit fazicht und griang seitdem neta a pro-forma-Gehoit fu oam Dollar pro Monad.

Manipulation vo de Suachergebnisse[VE | Weakln]

Wei Google so a Beideitung hod, wiad aa imma wieda vasuacht de Suachergebnisse zum Manipulian. Dazua wean Technikn eigsetzt wia Brucknseitnn, Vaweisplantagn (neideitsch "Linkfarmenen oa Tarnseitn (neideitsch: Page-Cloaking) eingsetzt.

Aa Google-Bomben ghean dazua. De Technik is voa oim im Zammahang mitn ehemolign amerikanischn Presidenten George W. Bush bekannt woan. Da Suachbegriff „miserable failure“[64] (boarisch: „voiständiga Vasoga“) is vo Bush-Gegnan mit seina Hoamseitn vaknipft woan. Google hod gegn de Foam bo Manipulation ogeblich etz Fuita eibaut.

Manipulationen, de wo an Rang vo da Netzseitn (neideitsch Ranking) vabessan soin, wean Google-Spamming gnennt. De Vasuache konkurriarende Netzseitn aus da Google Ergebnislsite aussezdränga wean Google Kegln (neideitsch: Google Bowling) gnennt.

Um an Missbrauch schwaa z mocha, ändat Google ständig de Suach-Algorithmen, de wo de Prioritäten festlegn.

Kritik[VE | Weakln]

Google wiad voa oim untransparente Zensur - ohne nochvoiziagbore Ogobm - und Datnschutzvaletzunga voagwoafa. Grod im Hiblick af a zua Zeit fost monopoloatige Marktstellung san de Voawiafe graviarend.

Filtarung in Deitschland[VE | Weakln]

Scho seit a poa Joah san Suachergebnisse vo Google in Deitschland bereinigt. Gfiltat wean olle Inhoite, wo jemand bei Google a Infringement Notification (nochm us-amerikanischn Digital Millennium Act eireicht.[65] Um wiavui Seitn sis dabei handlt is genauso wenig bekannt wia ob aa andare Inhoite, wia kinderpornografische oda extremistische beispuisweis, zensiat wean.[66][67]

Da Nutza wiad iwa an Hiweis af de Filtarung vo de Suachergebnisse „aus Rechtsgründen“ afmerksam gmocht. Dabei wiad drauf vawiesn, dass „von einer zuständigen Stelle in Deutschland mitgeteilt wurde, dass die entsprechende URL unrechtmäßig ist“. Wejche zuaständige Stej des is oda afgrund wejcha gsetzlichn Grundlog de Entfernung eafoigt, wiad ibahapts ned ealaitat[68]

Datnschuz[VE | Weakln]

Google saumit ole Datn fu de Suachofrogn fu eanare User, damid s eanan Service fabessan kinan. Maunche Mechanismen funkzionian neta desweng so guad, wai Google unglaubliche Datnmengen hod, mid denans eanare Algoritmen fabessan kinan. Zum Baischbü des Tool zum Ausbessan fu Tipfela funkzioniad aso, de Raiung fu de Hits wiad a fu de Datn beainflus (auf den Drefa, wo de Leit am ehastn hiklikn, dea wiad daun waida noch om graid) und a des automatische Iwasezungstool funkzioniad duach Faglaich fu de gsaumitn Datn.

Wai Google de Datn owa praktisch unendlich laung schbaichan kau, is a de Gfoa fu am Misbrauch gem. Entweda das Google söwa Leit ausschbioniad, dass de Datn an aundare Fiamen fakaufn, oda das Regiarungen fu maunche Lenda - a de USA mid eanare Anti-Terror-Gsez - Google zwinga kintadn, de Datn zum aussaruka. So an Foi hod s zwoa dawai nu nia gem, zumindest is nix publik woan, owa aloa schau de Meglichkaid beunruigt so maunche Leit.

Foischinfoamazion[VE | Weakln]

Bai de Suacheagebnis in Google wiad natiali ois aufglist, wos unta am beschdimtn Begrif im Intanet zum finden is. Do is natiali a an Haufn foische Infoamazion dabai, oda rassisdische Intanetseitn, Seitn mid earotische Inhoite, Faschwörungsteorin, ois. Google hod grundsezlich koan Füta aibaud, dea so wos aussafütat. In maunche Lenda is Google owa fum Gsez hea fapflicht, maunche Intanetseitn oda gaunze Sever zum schbean. In Deitschlaund kau ma zum Baischbü maunche Nazi-Seitn ned iwa Google findn.

Google-Zentrale in Peking, Kina

Terror[VE | Weakln]

Foa oim da Service fu Google Earth hod einige Regiarungen und doat foa oim de Gehaimdinst und s Milidea aufhoacha lossn. De woan iwahaupst ned fro driwa, das auf oa Moi jeda, dea an Internezt-Zuagang hod, fost genau so guade Satelitn-Fotos si auschaun ko, wia foahea neta se. Es is oft gsogt woan, das mid Google Earth auslendische Schbion und a Terroristn gans laicht Infoamazionen aussagriang kinan und Sabotasch oda an Aunschlog plana kinan. Said am Zeidl hod Google aungfaung, das beschdimte hoagliche Objekde auf Google Earth obdekt san oda nima in ana guadn Auflösung zum seng san. Des widarum hod aundare Leit gschdiad, de glai wida "Zensur" gschrian haum.

Moaktotei und Moaktbeheaschung[VE | Weakln]

Google is de gresste Suachmaschin vo da Wejd und hod a moaktbeheaschende Stejlung. Nach joarelanga Steigarung vo de Moaktotei mocht se 2009 easchtmois a iwaroschnda Gegntrend bemeakboa. Google dominiat an Leitmoakt USA owa noch wia voa. 64,7 Prozent vo de Suachofrogn laffn iwa Google, Yahoo is mit 19,3 Prozent weit obgschlogn afn zwoatn Plotz. Microsoft hod mit Bing im Juli 2009 scho an Moaktotei vo 8,9 Prozent erreicht, Tendenz steigend. Wejdweid hod Google sogoa oan Moaktotei vo 78,5 Prozent, in Deitschland iwa 80 Prozent. International mocht se Bing no ned so bemeakboa, dafia de chinesische Suachmaschin Baidu.[69]

Schau aa[VE | Weakln]

Literatua[VE | Weakln]

  •  Tara Calishain, Rael Dornfest: Google Hacks. 100 Insider-Tricks & Tools. O'Reilly, Beijing 2003, ISBN 978-3-8972-1362-3.
  •  Marcel Machill, Markus Beiler, Martin Zenker: Journalistische Recherche im Internet. Bestandsaufnahme journalistischer Arbeitsweisen in Zeitungen, Hörfunk, Fernsehen und Online. In: Schriftenreihe Medienforschung der Landesanstalt für Medien Nordrhein-Westfalen. 60, Vistas, 2008, ISBN 978-3-8915-8480-4 (http://www.lfm-nrw.de/downloads/veranstaltungen/zus-jourrech.pdf).
  •  Anja Sauerwald, Michael Weckerlin: Google-Suche & Google Earth. 2. Auflage. Knowware, 2007, ISBN 978-8-7913-6434-1.
  •  David A. Vise, Mark Malseed: The Google Story. Bantam Doubleday Dell, New York 2005, ISBN 978-0-5538-0457-7.
  •  Gerald Reischl: Die Google-Falle. Die unkontrollierte Weltmacht im Internet. 5. Auflage. Carl Ueberreuter Verlag, Wean 2008, ISBN 978-3-8000-7323-8.
  •  Lars Reppesgaard: Das Google-Imperium. Murmann-Verlag GmbH, Hamburg 2008, ISBN 978-3-8677-4046-3.
  • Kai Lehmann, Michael Schetsche, Die Google-Gesellschaft. Vom digitalen Wandel des Wissens, (2. Auflog), Bielefeld: transcript 2007, ISBN 978-3-89942-780-6

Im Netz[VE | Weakln]

 Commons: Google – Sammlung vo Buidl, Videos und Audiodateien
Spruch: Google – Zitat af Boarisch

Hoamseitn[VE | Weakln]

Artikl iwa Google[VE | Weakln]

Presseberichte[VE | Weakln]

Beleg[VE | Weakln]

  1. Easchtmois Stejnobbau bei Google, 8. Jenna 2009
  2. 2,0 2,1 heise.de: siehe Tabelle unten
  3. Google announces fourth Quarter and Fiscal Year 2007 Results , 31. Dezemba 2007, englisch
  4. Google-Unternehmensinformationa
  5. U.S. Securities and Exchange Commission (2010). "Form 10-K". Washington, D.C.: United States of America. Part II, Item 6. http://www.sec.gov/Archives/edgar/data/1288776/000119312511032930/d10k.htm. Retrieved on March 4, 2011. 
  6. - BrandZ Top 100 2011 Report
  7. "Der Triumph der grossen Zahl". Neue Zürcher Zeitung. 2008-04-25. http://www.nzz.ch/nachrichten/medien/der_triumph_der_grossen_zahl_1.718652.html. Retrieved on 2008-05-06. 
  8. Peter Zschunke: Googeln im neuen Duden. Artikel bei Stern.de http://www.stern.de/computer-technik/computer/?id=529233 Abgerufen am 7. Feba 2007
  9. "Der Triumph der grossen Zahl". Neue Zürcher Zeitung. 2008-04-25. http://www.nzz.ch/nachrichten/medien/der_triumph_der_grossen_zahl_1.718652.html. Retrieved on 2008-05-06. 
  10. John Battelle: The Birth of Google. In: Wired Magazine, August 2005.
  11. "Googeln wie ein Gott" mz-web.de 14. September 2008
  12. Offizielle Unternehmensgeschichte von Google, 8. Feba 2008
  13. „Google, ein 100.000-Dollar-Missverständnis“, Heise online, 7. September 2008
  14. Google Acquires Usenet Discussion Service and Significant Assets from Deja.com
  15. [1]
  16. Google kauft Applied Semantics
  17. Google Buys Applied Semantics
  18. Google Acquires Picasa
  19. Google Acquires Keyhole Corp
  20. [2] Google Agrees To Acquire Urchin
  21. 21,0 21,1 VentureBeat: Google Acquires Dodgeball
  22. Where Are You? Show ‘Em With Google Latitude
  23. BusinessWeek: Google Buys Android for Its Mobile Arsenal
  24. Official Google Blog: A new home for @Last Software
  25. tagesschau.de: Google schluckt Videoportal YouTube
  26. heise Telepolis: Die Welt als Bild
  27. Official Google Blog: A better way to organize photos?
  28. heise.de Google übernahm Wiki-Startup JotSpot
  29. heise.de: Google zur "einflussreichsten Marke" 2005 gewählt
  30. [3] Google kauft DoubleClick für 3,1 Milliarden US-Dollar
  31. golem.de: Google kauft DoubleClick für 3,1 Milliarden US-Dollar
  32. spiegel.de: „Google und DoubleClick würden zusammen mehr als 80 Prozent der Werbung umschlagen, die ein Internet-Nutzer sieht, wenn er eine Website ansteuert, argumentierten sie.“
  33. heise online – Google übernimmt schwedischen Videokonferenz-Spezialisten
  34. heise.de: Google integriad GrandCentral als Google Voice
  35. Official Google Blog: We're expecting
  36. Official Google Blog: More sharing
  37. BuchMarkt 3/2007, S. 25
  38. spiegel.de: Ranking. Google ist wertvollste Marke der Welt, 23. April 2007.
  39. spiegel.de: fia März 2007: „1. Google (528 Millionen Besucher) 2. Microsoft (527 Millionen Besucher) 3. Yahoo (473 Millionen Besucher) 4. Time-Warner (272 Millionen Besucher) 5. Ebay (256 Millionen Besucher) 6. Wikipedia (212 Millionen Besucher)“
  40. netzwelt.de: Geoeye-1: Googles Satellit liefert easchtes Bild
  41. silicon.de: Google wirft ein GeoEye-1 auf Earth
  42. theinquirer.de: Google sieht dich – jetzt noch schärfer
  43. AdSense Blog: Höhere Einnahmen durch maßgeschneiderte Anzeigen
  44. golem.de: Behavioral Targeting bei Google AdSense und Youtube
  45. sueddeutsche.de: Personalisiade Werbung – Google weiß, wo du surfst
  46. Google Inc.: Google Fusion Tables
  47. Google Inc.: Google Translator Toolkit
  48. Google Labs: Google Squared
  49. Techcrunch: What Is Google Squared? It Is How Google Will Crush Wolfram Alpha (Exclusive Video)
  50. heise online: Google Squared ist online
  51. Chrome OS: Google bringt ein eigenes Betriebssystem. Heise Online. Fehler im Ausdruck: Unerkanntes Wort „juli“, obgruafa am Fehler im Ausdruck: Unerkanntes Wort „juli“.
  52. WirtschaftsBlatt.at: Google Ventures verteilt 100 Millionen an Start Ups
  53. ZDnet: Google startet Beteiligungsgesellschaft Google Ventures
  54. Google Blog: Google’s newest venture
  55. Netzwelt: Google kauft Pittsburgh Pattern Recognition, 26. Juli 2011
  56. http://www.heise.de/newsticker/meldung/Google-uebernimmt-Motorola-Mobility-1323148.html
  57. Pressemitteilung von Google am 1. Feba 2011. Obgruafa am 11. Februar 2011. (en)
  58. Netzwelt.de: Google Cloud Connect für Microsoft Office, obgruafa am 19. August 2011
  59. code.google.com: Google Translate API - Google Code, Zuagriff am 14. Juli 2011
  60. Rene Pickhardt: First Impressions of Google+ Usability Reminding of Apple. 30. Juni 2011, obgruafa am 30. Juni 2011. (en)
  61. Lobbycontrol: Google drängt auf das Parkett der Super-Lobbyisten, 29. Juli 2011
  62. Newsweek: Google’s Lobbying Blitz, 23. Juli 2011
  63. Internet und Gesellschaft: Google baut Forschungsinstitut in Berlin – Artikel bei Golem.de, vom 16. Feba 2011
  64.  Google-Suche: miserable failure. ([4], abgerufen am 8. Februar 2008).
  65. Google: Digital Millennium Copyright Act (DMCA) – Benachrichtigung über eine Urheberrechtsverletzung in der Websuche und allen anderen Produkten.. Obgruafa am Fehler im Ausdruck: Unerkanntes Wort „april“.
  66. Sascha Zäch: Google zensiert Suchresultate. PCtipp. Fehler im Ausdruck: Unerkanntes Wort „oktober“, obgruafa am Fehler im Ausdruck: Unerkanntes Wort „april“.
  67. Burkhard Schröder: Google filtert: Zensur bei Suchmaschinen und jugendschutz.net. Telepolis. Fehler im Ausdruck: Unerkanntes Wort „juli“, obgruafa am Fehler im Ausdruck: Unerkanntes Wort „april“.
  68. German regulatory body reported illegal material. Fehler im Ausdruck: Unerkanntes Wort „dezember“, obgruafa am Fehler im Ausdruck: Unerkanntes Wort „april“.
  69. persoenlich.com - s Onlineportal vo da Schweiza Kommunikationswirtschoft (obgruafa am 29. August 2009