Kokuji
Kokuji (jap. 国字, boarisch Laundeszeichn oda 和製漢字 wasei kanji, boarisch japanische Kanji) san Kanji, de wos in Japan auf da Basis vau da kinäsischn Schrift entwicklt wuan san. De Zeichn gibts owa in da Regl nua im Japanischn. Nua in a boa Ausnauman is a Konkuji aa in Kina iwanumma wuan.
In da Tabön san a boa Beispü aungfiad.
| Zeichn | Hiragana | Romaji | Bedeitung | Aumeakung |
|---|---|---|---|---|
| 峠 | とうげ | tōge | Bergposs | zaumgsetzt ausm Radikal 46 山 (yama, „Beag“) und de Kanji 上 (ue, „obm“) + Kanji 下 (shita, „untn“) |
| 凧 | たこ | tako | Drochn | zaumgsetzt aus da Kanji 風 (kaze, „Wind“) und Radikal 50 巾 (haba, „Tuach“) |
| 辻 | つじ | tsuji | Kreizung | zaumgsetzt ausm geh und 十 (jū, „zehn“, Radikal 24) (es Zeichn fia de Zoi zehn is do büdlich ois Kreiz zum seng) |
| 杢 | もく | moku | Bauhoiz | zaumgsetzt ausm Radikal 75 木 (ki, „Hoiz“) und Radikal 48 工 (kō, „Bauorwad“) |
| 榊 | さかき | sakaki | Sperrstrauch | zaumgsetzt ausm Radikal 75 木 (ki, „Hoiz“) und 神 kami. |
| 鰯 | いわし | iwashi | Sardine/Sardön | zaumgsetzt ausm Radikal 195 魚 (sakana, „Fisch“) und 弱 jaku, „Schwäche“. |