Kina

Aus Wikipedia
(Weidagloadt vo China)
Der Artikl is im Dialekt Owaöstareichisch gschriem worn.
Dea Artikl do is iwa d Voiksrepublik Kina, fia de Republik Kina (Taiwan) klik da: Taiwan, weidare Bedeitungen stengan a in da Begriffsklearung China.
Flagn fu da Foiksrepublik Kina
Flagn fu da Foiksrepublik Kina
Wapn fu da Foiksrepublik Kina
Wapn fu da Foiksrepublik Kina
Flagge Wappen
Amtssprache Chinesisch (Hochchinesisch)1
Hauptstadt Peking (Beijing)
Staatsoberhaupt Stootspresident Xi Jinping
Regierungschef Premier des Stootsrots Li Qiang
Fläche 9.571.302 4. km²
Einwohnerzahl 1.367.485.388 (Juli 2015) (1.)[1]
Bevölkerungsdichte 143 Einwohner pro km²
Bruttoinlandsprodukt

- Total (PPP)
- Total (Nominal)
- BIP / Einw. (PPP)
- BIP / Einw. (Nominal)

2005

$8.091 Mrd. (2.)
$2.279 Mrd. (5.)
$7.198 (87.)
$1.709 (110.)

Währung Renminbi (CNY)2
National­hymne Marsch fu de Fraiwilign
Zeitzone UTC+8
Internet-TLD .cn
Telefonvorwahl +863
1 Kantonesisch und Englisch bzw. Poatugisisch san zsaum mid Mandarin de Aumtschbrochn fu de Sondafawoitungszonen Hongkong und Macao.

2 Da Hongkong-Dollar bzw. Pataca san de ofiziele Wearung in Hongkong und Macao 3 Weitere Abweichungen in Hongkong und Macau siehe dort. Chinesische Währung
3 Weitere Abweichungen in Hongkong und Macau siehe dort.

D Voiksrepublik Kina (chinesisch: Zhōnghua Renmín Gòngheguó), maistns sogt ma Kina, is mit 1,3 Miliardn Einwohna (2015) s Land mid de olamaistn Leid auf da gonzn Wöd iwahapt. Außadem is Kina vo da Flechn hea s greßte Land vo Ostasien und insgesamt s fiatgreßte Land auf da Wöd (noch Russland, Kanada und de USA). Da Nam Kina kumt genau so wia de lateinische Iwasezung Sina (Sinologi) woascheinli vo da Qin-Dinasti. Iwa mearane Stationa und Sprochn is des Woat Qin entlong vo da Saidnstroßn bis noch Eiropa kuma und doat in vaschidane Aussprochfoamen aufgnuma woan. Auf Boarisch und a auf Hochdeitsch sogt ma in Östareich und Siiddeitschland owa Kina mid K am Anfang.

S kinesiche Equivalent zu unsam Woat Kina is Zhōngguó, wos wöatlich iwasezt umara "s Reich in da Mitn" hoaßt. D Voiksrepublik Kina umfosst heit praktisch des gounze kuidurell und geografisch ois kinesisch bekonnte Gebiet in Asien, mid Ausnom vo Taiwan und a boa kloane Insln voa da Küstn vo Fujian.

Seit da Grindung 1949, wia im kinesischn Biagakriag de anti-komunistische Kuomintang gschlong woan und ins heitige Taiwan gflicht is, wiad d Voiksrepublik vo da Komunistischn Partei vo Kina regiad. Da politische Status vo Taiwan is noch wia voa umschdridn; de mit 71 Milliona Leid dicht bevökate Insl Taiwan hoaßt offiziell Republik Kina.

Zum untascheidn vo de zwoa vawend ma infoamell auf Hochdeitsch aa in Begriff "Rotchina" und auf Englisch "Mainland China" (Festland Kina). Olle zwoa Begriffe schliaßn semantisch owa de zwoa Sondavawoitungszonen im Sidn, nemlich des 1994 vom Vaeinigtn Kinireich zruk gewane Hong Kong und des 1999 vo Portugal zruk gewane Macau aus, wai dort aa noch wia vui ondare Gsetz in Kroft san wia im Rest vo Kina.

S Stootsgebiet vo Kina is in 42 Provinzn untadailt, fimf autonome Regionen, vier regiarungsunmitlboare Städt und zwoa Sondavawoatungszonen. De drei flechnmeßig grestn Regionen Xinjiang, Tibet und de Inare Mongolai mochn davo owa aloa scho fost d'Höfte vo gonz Kina aus. Des san owa aa de am dinstn besidltn Regionen vo Kina und hom insgsomt net vier Prozent vo da Gsomtbevökarung. Damit de Zoi vo de Einwohna ned weita so schnö zuanimd, hod d Regiarung a "Neta-Oa-Kind" Gsetz in Kroft gsetzt, wos owa grod in de letztn Joa wida weniga streng duachzong woan is, weil s grouße Föplanungen gem hot und gfealiche demografische Unsimetrin entschdondn san. S Wogsdum vo da Bevökarung hot si owa in de letztn Joazehnt vo drei auf a Prozent pro Joa reduziad. trotzdem hot Kina zum Beispui mea Einwohna wia de USA und de EU zam.

D Voiksrepublik Kina is bis in de 90a Joa ois Entwicklungsland klassifiziad woan, obwoi si si scho seit da wirtschafdlichn Libaralisiarung noch da Kultuarewoluzion und n Dod vom Mao oiwai schnöla zu ana Groußmacht entwicklt. Noch außn vatrit d Regiarung vo da Voiksrepublik de "Neta-Oa-Kina" Politik, mid dem Zui, dass aa intanazional aneakennt wiad, dass net oan kinesischn Stoot gibt und Taiwan eigentlich a obtrinnige Provinz is. Wirtschafdlich is Kina heit so a dinamischs Land, dass im aktueln 5-Joares-Plan sogoa scho a Obremsn vom Wirtschafdswachstum eiplant woan is.

Beleg[Werkeln | Am Gwëntext werkeln]

  1. CIA World Factbook: China