Lafonia

Aus Wikipedia
Zur Navigation springen Zur Suche springen
Lafonia
Siedlung Goose Green
Siedlung Goose Green
Gwassa 1 Scotiasää
Gwassa 2 Falklandsund

Geographische Log

52° 0′ S, 59° 24′ WKoordinaten: 52° 0′ S, 59° 24′ W
Karte von Lafonia
Läng 77 km
Brean 75 km
Flächn 2.400 km²
Siedlung Darwin
Siedlung Darwin

Lafonia bezeichnd'n sidlichn Tei vo da Insl Ostfalkland, wejche za de sidatlantischn Falklandinsln ghead.

De 2400 km² große Hoibinsl Lafonia is duach a schmoje Landenge, de on da schmoisdn Stej nua guad oan Kilometa broad is, mid'm neadlichn Tei vo Ostfalkland vabundn. De Landenge trennd'n Choiseul Sound (innasda Tei Darwin Harbour) im Ostn van Brenton Loch (innasda Tei Camilla Creek) im Westn. Barren Island, Bleaker Island, George Island, Lively Island, Sealion Island und Speedwell Island lieng voa Lafonia und ghean geografisch za deara Region.

Da Nam gehd af'n britischn Schofzichta Samuel Fisher Lafone zruck, dea's Areoi 1846 kaffd hod, um duat Schof z'hoidn.

Lafonia is extrem dinn bsiedld. De zwoa gressdn Siedlunga, Goose Green (mid 40 Eihwohna zwoatgressda Ort vo de Falklandinsln) und Darwin lieng af da Landenge. Weidare Siedlunga san: North Arm Settlement (20 Eihwohna) und Walker Creek. Valossne Siedlunga san: Hope Place, Kelp Creek und Egg Harbour. De Hoibinsl hod jedoch a reichs Wuidlem. Nem vaschiedne Entnaoartn, wia Chilepfeifente oda Versicolorente gibd's aa: Säälewn, Delfine und Pinguine.

Af'm Gebiet Lafonias bfindd se de sidlichsde Hengebruck vo da Wejd. Se is 1825 eabaud und fiaNn Schoftrieb za Schur gnutzd worn.

Schau aa[Weakln | Am Quelltext weakln]