Laterndlmass
A Laterndlmass (dt.: Laternmaß) is a oikoholisches, weinhoitigs Mischdrangl.
Es setzt se zam aus an hoibadn Lita trockna Weißwein, an hoibadn Lita weißm Kracherl und am Stampal (uma 4 cl) Kirschlikea.
Des Kracherl und da Weißwein wern in am Masskruag zu ana Schorle gmischt und in de Mass wead des Stampal mitm Kirschlikea vorsichtig einegstejt. Weil da Kirschlikia schwaara is wia de Schorle, bleibta im Stampal drin und es laaft oiwei nua a Spur auße, wenn ma ausm Masskruag drinkt.
Wei de roude Farb vo dem Kirschlikea durch des Gejb vo da Schorle so rausleicht ois wia de Keazn in da Latern, hoaßt ma des Drangl Laterndlmass.
Im Netz
[Werkeln | Am Gwëntext werkeln]
Commons: Laterndlmass – Sammlung vo Buidl, Videos und Audiodateien