Leahling

Aus Wikipedia
A Leahling mid seim Moasta in ana Möwifabrik, 1954

A Leahling, aa Leahmadl oda Leahbua, is oane oda oana, wo noch da Schui bei am Moasta an Beruaf leant. Zeascht is ma a Leahling, noch da Gsejnpriafung wiad ma a Gsej. Und wau ma dann nu a Moastapriafung mocht, wiad ma a Moasta. Noamalawais dauat a Leah drei Joah.

Des Sistem fu da Leah gibt's eigentli blos im deitschn Sprochraum. In aundane Lenda is des moast aundas oaganisiad, mid polytechnische Schuin (wia in Fraunkraich), oda es gibt iwahaupt koa gschaid oaganisiade Beruafsausbuidung (wia in Englaund).

Nochn Zwoatn Wejdkriag is des tradizionelle Sistem fu da Leah in am Haundweaksberuaf eaweitat woan und a jeda Leahling muass heid neem da Oawad in da Fiama nu dazua in a Beruafsschui geh, entweda oan Dog in da Wocha, oda blockt fia/fimbf Wocha im Joa. Desweng hoasst ma des a duales Sistem, wäu ma sowoi inm Betrieb fum Moasta wos leand, ois aa in da Beruafsschui fum Leahra.

Heit hoassd a Leahling auf Breissisch: Auszbuidnda (Azubi).

Im Netz[Werkeln | Am Gwëntext werkeln]