Loamklimadeckn
A Loamklimadeckn (dt. Lehm-Klimadecke, engl. clay climate ceiling) is a Zimmadeckn, wo hoazt und kuit.
In de Deckn wean im Loam Realn valegt, wo entweda woarms oda koids Wossa duachrinna duad. Am oafochstn funktioniad des iwa a reversible Wärmepumpn, wei ma de af woarm oda koid umschoitn ko. Es gähd owa aa mid jeda Hoazung und jeda Käidnmaschiin.
D Basis vo na Loamklimadeckn buid imma a Hoiz-, Bedaun- oda Ziagldeckn. Af so ana Deckn wead nacha d Loamklimadeckn afbrocht. Des gschiacht entweda im Noss- oda im Druckabau. Im Nossbau wean d Realn in an Loambutz eineglegt, im Druckavafoarn wean Loambauplottna an da Deckn valegt, wo d Realn scho im Weak integriad woarn san. D Realn wean nacha ans Hoazsystem oogschlossn. Loamklimadeckn konst im Oidbau genauso nutzn wia im Neibau.
Es gibt aa elektrische Variantn vo da Loamklimadecken. D kina owa nua hoazn und ned kuin. D elektrische Variantn gibts zua Zeid nua fian Druckabau. Do wead Hoazdroht in Loamplottna im Weak eihbaut.
ArgillaTherm, WEM und Naturbo san zua Zeid d wichtigstn Heasteja vo Loamklimadeckn in Deitschland und Eiropa.