Mamalad

Aus Wikipedia
Zur Navigation springen Zur Suche springen

Mamalad (dt.: Marmelade) hoasd ma a Muas aus Obsd, wos mid Zucka eikocht wiad, damiz hoidboar wead.

Da Nam[VE | Weakln]

Uaspringli waarad a Mamalad, genau aso wia de deitsche "Marmelade" oda de englische "marmalade" eigndlich a Muas aus Pommarantschn. Da Nam "Mamalad" wead inzwischn aba fia Muas aus so ziemli jedm Obsd heagnumma, so ähnlich wia des deitsche "Konfitüre", nua dass bein Mamalad wuaschd is, ob no Fruchdstiggal drin san oda ned.

Wia mas mochd und woss is[VE | Weakln]

Mamalad mochd ma aus Obsd. Dabei is ziemli wuaschd, wos fiara Obsd, des ko a Stoaobsd sei, des kennan Bearl wia Ribisln oda Kroazbeern sei, Äpfe oda Quiddn, oda sogar Kiabis (wos ja offiziej a Gmias is). Des Obsd kochd ma mid Zugga (am bessdn mid oan Gelier-Zugga) in a wengal Wossa, nachdem ma (bei Stoaobsd) d'Kean außado und den Resd aus- und gloagschnien hod. Nochm Aufkocha fuid ma des ganze in ausgwoschne Glasln und machds no oisa hoassa fest zua. Beïm Obkuin buidt si im Glasl a Undadrugg, sodass gscheid zua is und so lang hoidd.

Wia weads gessn[VE | Weakln]

Mamalad wead meisdns aufm Broud oda auf Pfannakuacha gessn. Ma kos aba aa in Joghurt doa oda do hi, wo s an schmeggd.

As Mamalad aus Preißlbeern wead aa zum Fleisch, meisdns zum Wuid gessn.