Markgräfliches Opernhaus

S Markgräfliche Opernhaus in da bayerischn Stod Bayreith is a Juwel unta de Theatabautn vom 18. Joarhundat.

Am 30. Juni 2012 is dees Markgräfliche Opernhaus vo da UNESCO ins Wejdkuituaeabe afgnumma worn.^[1]

Gschicht

Dees Opernhaus is zwischn 1744 und 1748 baut worn und zejd zu de sejtanan im Original dahoidanan Theata- und Opernbautn vo da domolign Zeit in Eiropa. Es gheat zan italienischn Spodbarock-Stil. Nua da Theatavorhang is nimma im Original do; dea is vo de Truppm vom Napoleon (afm Rickzug vom Russland-Fejdzug) gstoin worn. Dees Opernhaus is ois Logentheata ganz aus Hoiz baut. De drei Logenrenge san dena drei Stendn vo da Gsejschoft zuagoadnet. S Deckngmejde is vom Johann Benjamin Müller aus Dresden und zoagt Apollo und de nein Musn. In de Rundbuidln im Decknrahma ko ma mythologische Szenen aus de Metamorphosn vom Ovid segn.

S Woppm vo de Markgrofn
De Loge fia de Fanfarnblosa
De drei Etagen fia de Zuaschaualogen

Reglmassige Vaostoitunga

Neijoarskonzeat vom Oid-Weana Strauss-Ensemble
Bayreitha Ostafestival: Benefizkonzeat zugunsen vo krebskranke Kinda vom Klinikum Bayreith
Musica Bayreith: is s „wichtigste Musikereignis außerhalb der Bayreuther Festspiele“ (dpa). Klassik-Festival seit 1961.^[2]
Bayreitha Barock: Festival vo Barockopern

Literatua

August Gebessler: Stadt und Landkreis Bayreuth. Die Kunstdenkmäler von Bayern, Kurzinventare, VI. Band. Deutscher Kunstverlag. Minga 1959. S.47-50.