Massaka vo Ascq
Es Massaka vo Ascq is a Kriagsvabrechn, wo vo oana Kampfgruppm vo da 12. SS-Panza-Division „Hitlerjugend“ in da Nacht vom 1. auf den 2. Aprui 1944 im besetztn Frankreich vaibt worn is. Dobei san 86 Menschn umkema.
Wegn da eawoatendn Landung vo de Alliiatn, is de 12. SS-Panza-Division „Hitlerjugend“ vo Bejgien in de Normandie valegt worn. Wie de Truppn zum Bohhof vo Ascq keman san, is a Bombm explodiat und zwoa Waggons san entgleist. Noch ana kuazn Untasuachung duachn Obastuamfiara Walter Hauck, san alo Vagejtung 86 Mona vo Ascq umbrochd worn.