Mejchmaschiin

Der Artikl is im Dialekt Sidostobaboarisch gschriem worn.

A Mejchmaschiin is a Maschiin, wos zum Mejcha vo de Kia heagnumma werd. Friaha ham de Bauan zwoa Moi am Dog olle Kia mid da Hond gmojchn, wei des owa oiwei recht vui Arbat woa, hod ma de Mejchmaschiin eafundn. S'gibt aa nu gloanane Mejchmaschiindln fia Schoof oda Goaßn.

Wias funktioniat

Des is a kompliziata Apparat mid am Haffa Schleichln, a Pumpn, am Bhejta fia d'Muich und ollawei via Saugnäpf, de wo on de Zitzn vo da Kuah oghengt wern. Oiss wos da Mensch no doa muass, is des Eita und de Zitzn schee sauba mocha, de Saugnäpf ohenga (de hoitn vo seiba wega dem leichtn Vakuum) und donn wieda owedoa, wanns Eita laar is. De Muich wart' dann scho in dem Bhejta, wos koid ghoitn werd bis mas weidavaarbat, oda meistns, bis da Muichlosta vo da Moikarei kimmt.