Muich

Aus Wikipedia
Wexln zua: Navigation, Suach
Der Artikl is im Dialekt Südostobaboarisch gschrim worn.
A Glasl Muich

Muich (in andre Gegndn sogt ma aa Mülli oda Milli oda a einfach nua Mil) nennt ma des weiße Zeig, wos ausm Eita vo de Kia aussakimt. Muich wead gmoikn, heitzdog nimma vo da Hand, sondan mit da Meichmaschin.

Muichwiatschafd[VE | Weakln]

D'Muichwiatschafd is a wichtiga Standfuaß vo de Bauan im boarischn Raum. In de Berg hods mit da Oimwiatschafd a zentrale B'deitung fia d'Landschaft.

Muichprodukte[VE | Weakln]

De meistn Leit tringan d'Muich zum Kafää oda in da Fruah ind Koanfleiks. Ma ko oba aa an Haffa andre Sachan aus Muich macha:

De Muichprodukte wern greßtnteils in da Moikarei oda da Kaaserei hergsteit. Manche Bauan dean aba aa seiba Buddan oda Kaasn.

Freara und heitzdog[VE | Weakln]

Freara is ma no oft jedn Doog mit da Millebitschn zum Baua ganga und hod dortn a frisch gmoichane Muich griagt. In da Eiropäischn Union is des owa seit 1984 weng da Gesetzgebung nimma so oafoch, weil de Bauan blos no a gloans bissl Muich seiba vakaffa derfn. Insgsamt is de Gschicht mit da Muichwiatschafd scho recht vazwickt, ma braucht ois Muichbaua zum Beispui aa a Muichkontingent.