Metropolitanstod Messina

Metropolitanstod Messina
Stoot:	Italien
Region:	Sizilien
Haptstod:	Messina
Fläch:	3.247,34 km² (30.)
Eihwohna:	640.675 (31. Dez. 2015)
Dichtn:	197 Einwohner/km²
Oozoi Gmoana:	108
Kfz-Kennzoachn:	ME
President:	Renato Accorinti Metropolitanbuagamoasta
Hoamseitn:	Metropolitanstod Messina
Karte

De Metropolitanstod Messina (dt.: Metropolitanstadt Messina, italienisch: Città Metropolitana di Messina) is oana vo de drei Metropolitanstädt vo da Autonoma Region Sizilien vo da Republik Italien. Haptstod is Messina.

De Metropolitanstod Messina is de Rechtsnochfoigarin vo da Provinz Messina (italienisch: Provincia di Messina).

Oigmoans

De Metropolitanstod Messina nimmtn noadestlichn Tei vo Sizilien eih. Se grenzt im Sidn on de Metropolitanstod Catania und de Provinz Enna, im Westn on de Metropolitanstod Palermo, im Noadn ons Tyrrhenische Meea und im Ostn ons Ionische Meea und de Stroß vo Messina, de Sizilien vom Kontinent trennt.

De Metropolitanstod is in 108 Gmoana gliedat, zu dena aa de Gmoana vo de Liparischn Insln voa da Noadgstod ghean. Af ana Fläch vo 3247 km² lem 640.675 Eihwohna (Stond: 31. Dezemba 2015). Duach de Monti Peloritani und de Monti Nebrodi is de Metropolitanstod gebiagig, so doss si de Bevejkarung voawiengd on da Gstod konzentriat.

Touristische Zentren vo da Metropolitanstod san: Tindari, Taormina, Capo d’Orlando, Milazzo und de Liparischn Insln midm Haptort Lipari. Se wean aa Äolische Insln gnennt nochm mithischn God Aiolos.

Haptstod Messina

Hofn vo Lipari

Greßte Gmoana

(Stond: 31. Dezemba 2015)

Messina	238.439
Barcellona Pozzo di Gotto	41.583
Milazzo	31.646
Lipari	12.753
Taormina	10.960
Giardini-Naxos	9415
Santa Teresa di Riva	9377
Villafranca Tirrena	8584
Torregrotta	7431

→ Olle Gmoana

Schau aa

• Listn vo Woppn in da Metropolitanstod Messina

Im Netz

 Commons: Metropolitanstod Messina – Sammlung vo Buidl, Videos und Audiodateien