Mhairi Black

Aus Wikipedia
Wexln zua: Navigation, Suach
De Mhairi Black

De Black Mhairi (* 12. Septemba 1994 z Paisley, Schottland) is a schottische Bolidikarin (SNP). Ba de Britischn Untahauswoin 2015 is se ois jingste Ougoadnete ins House of Commons gwejt worn.[1] Zua Zeid vo da Woi wors 20 Joar und 237 Dog oid und Studentin. Domid is oane vo de jingstn Untahausougoadnetn seids as House of Commons ibahapts gibt, im 20. und 21 Joarhundat hods no koane jingan gebn.

De Black hod en Untahaussiz im Woigroas Paisley and Renfrewshire South mid 50,9% vo de Stimma mid an grousn Oustand voan Douglas Alexander (38.6%) gwuna[2], am bolidischn Schwaagwicht vo da Labour Party, en Schoddn-Aussnminista und Woikampfmanager vo da Partei.[3] Da Alexander hod ba da lezdn Untahauswoi en Woigroas no iwalegn gwuna ghobt.

Ian schottisch-gälischn Fianama Mhairi (IPA vaːɾʲɪ) sogt de Black iwrigns wia englisch Mary.[4]

Bolidische Karrier[VE | Weakln]

Bolitik interessiad se, zweng iara Famij, scho vo kloa af. Mid 9 Joar hod se an oana Anti-Irak-Kriags-Demo teignumma. De Famij wor seit Generationa Ohenga vo da Labour Party. Vo dera Partei worns oba imma meara ogfressn, so dass zamm mid ian Vodan in de Scottish National Party eine ganga is.

Zua Frog, worums in de Bolidik ganga is, sogt se:

“People have been battered by a system that doesn’t care about them and they’ve had enough of austerity. You can feel the frustration that people have, that the principles have been abandoned by Labour. My dad is a lifelong Labour voter: my family was all proper Clydeside-shipyards Labour.[5]

„De Leit san vo an System ogschmiad worn, des wo si an Dreeg um se kimmad und se ham gmoa vo da Sporbolitik. Du gspiasd de Wud und Vazweiflung vo de Leit, wia de Labour Partei iare Grundsez varodn hod. Mei Voda wor sei Lebdog lang a Labour Wejla: meine Leit, mei Famij, ham olle in de Weaftn am Clyde Fluss (Clydeside) gorbad und worn eigfleischte Labour-Ohenga.“

De Black studiad an da Universitet Glasgow Bolitdikwissenschoftn.[6] Ia Obschlussorbad wuis no im Mai 2015 ougebn; Thema: Wia de SNP midn massivn Midgliedazuawox vi de vagangna Joar umgehe wui.[7]

Im Netz[VE | Weakln]

Beleg[VE | Weakln]

  1. Wahl in Großbritannien: Schottin wird jüngste Abgeordnete seit 1667 (auf spiegel.de)
  2. Election 2015: Paisley & Renfrewshire South (auf BBC.com)
  3. Mhairi Black: the 20-year-old who beat a Labour heavyweight (auf theguardian.com)
  4. Schottische Nationalisten vernichten Labour (auf welt.de)
  5. Mhairi Black: the 20-year-old student poised to unseat Douglas Alexander, (auf theguardian.com)
  6. McKirdy, Euan. UK Elections: Mhairi Black, the 20-year-old who's Britain's youngest lawmaker , CNN, 8. Mai 2015. 
  7. Das ist... Mhairi Black, jüngste Abgeordnete im britischen Parlament (auf jetzt.süddeutsche.de)