Multics

Aus Wikipedia
Zur Navigation springen Zur Suche springen
Logo vom Betriabssysdem Multics

Multics (Multiplexed Information and Computing Service; deitsch, weatlich: Gebündelter Informations- und Rechendienst) is a Betriabssysdem fia Groussrechna.

Aas dea Weidaentwicklung des MIT Compatible Time-Sharing System (CTSS) entstand unta dea Federfihrung vo Fernando José Corbató, duach seine Oabatn im Bereich dea Multiple Access Computers, Multics. Es is ob 1963 in Zusammenoabat vo MIT, General Electric und den Bell Labs von AT&T entwickelt woan. 1969 zogn se de Bell Labs aas dem Projekt zuruck. De Entwicklung is vo dea ARPA finanziej gfördat woan. Des Sysdem is in dea Programmiasproch PL/I gschrim woan.

Ob 1969 wor des easchte Multics-Sysdem am MIT vafigbor. Des easchte kommerzieje Sysdem is vo Honeywell Information Systems, Inc. af oana Honeywell 6180 vatrim woan, bis 1986 des letzte Sysdem installiat woan is. Am 30. Oktoba 2000 is des letzte no lafande Multics-Sysdem des kanadischn Department of National Defence in Halifax, Kanada obgschoit und aussa Dienst gestäid woan.

De oanzige Multics-Installation in Deitschland wor vo 1984 bis 1991 an dea Universität Mainz in Betriab.

Multics is zum Vorläufa fia de Entwicklung vo Unix woan. Am 14. Novemba 2007 san de Multics-Quelltexte vo Bull unta dea MIT-Lizenz vaöffentlicht woan.

Literatua[VE | Weakln]

  • Elliott I. Organick: The Multics System: An Examination of its Structure, MIT Press, 1972, ISBN 0-262-15012-3

Im Netz[VE | Weakln]