Neandertaler

Neandertaler Neandatola
Skelett von oan Neandatola (American Museum of Natural History)
Zeidraum
Pleistozän
230.000 (130.000) bis 30.000 Jahre
Fundort
Europa Kleinasien Naher Osten (Levante, Mesopotamien) Zentral-Kasachstan
Systematik
Altweltaffen (Catarrhini) Ibafamij: Menschenartige (Hominoidea) Famij: Menschenaffen (Hominidae) Tribus: Hominini Goddung: Homo Oart: Neandertaler Neandatola
Wissnschoftlicha Nama
Homo neanderthalensis
King, 1864

Da Neandatola (dt.: Neandertaler) is a ausgstuabana Vawonta vom heitign Mensch. Wissnschoftlich haaßt a Homo neanderthalensis, da heitige Mensch, oisa mia, haaßn jo Homo sapiens.

De Neandatola hod si in Eiropa entwicklt, woi parallöö zum Homo sapiens in Afrika. Beide haum de gleichn Voafoan und ghean zua gleichen Gattung Homo. Nochdem, wos ma bis jez gfundn hod, hod a große Täu vo Sid-, Mittl- und Osteiropa besiedlt. Ma hod obaraa seine Baana in Westasien, in da Tiakei, de gaunze Levante, Noadirak und in Täun vo Zenträuasien gfundn. De Fossülien, de ma bis zu aan Oita vo ziaka 130.000 Joa datiat, haum eana Merkmole bsundas deitlich, wegn dem sogt ma, des waa da „klassische“ Neandatola.

Wäu ma kaana Baana vom Neandatola gfundn hod, de wos jinga ois wia 30.000 Joa san, is a woi domois ausgstuam. Oba warum, waaß ma ned. Kloraweis gibz oba a gaunzes Schibbl Theorien.

Wäu zumindest einige von eana offnboa reglrecht bestottet wuan san, stööt da Neandatola neman Homo sapiens de woi ab bestn fossüü dokumentiate Oat vo de Hominini doa.

Da Nauman

Den Nauman Neandatola kennt jo a Jeda. Der kummt vo dem hea, doss ma 1856 im heitign Bundeslaund Nordrhein-Westfalen, im „Neandatoi“, des easchte Gerippe gfundn hod, wenigstns a boa Täu davo.

A Zeidl hod ma in Neandatola goa ned ois eigane Oat gsegn, sondan nua ois Untaoat vom Homo sapiens, da woara da Homo sapiens neanderthalensis, und mia woan da Homo sapiens sapiens.