Nochthemmad
(Weidagloadt vo Nochtpfoadl)
| Der Artikl is im Dialekt Noadboarisch gschriem worn. |
A Nochthemmad[1] oda Nochtgwand[1] is a Gwand, wos noamoiaaweis zum Schloufa oziagt. Wenn ma heind vu am Nochthemmad redt, moand ma in de meistn Fäj d'Nochtwesch vu ara Frau. Nochthemmada gib't s aa fia d'Maana, owa daj hod ma heidzdoch nimma so oft. A klassischs Nochthemmad is aus Leina oda Baamwoi, s guit owa aa edlare Modöi aus Seidn, Satin oda Nylon. Monche Modöi san aa mit Spitze vaziat oda bstickt.
A Nochthemmad ko an Ausschniid hom. Monche hom Öame, ondane hom Träga oda wean om Buckl festgmocht. Aa bei da Leng gibt's untaschidliche Oatn. A klassischs Nochthemmad gejt noamalaweis bis zu de Knaj oda a Stickl weida. A Babydoll gejt bis zu de Hüftn und a Neglige ko bis am Bôn gaj.
Beleg
[Werkeln | Am Gwëntext werkeln]- ↑ 1,0 1,1 Ejtrog im Österreich-Wörterbuch. Aa d'Foam Nachtgewand (dt.: Nachthemd) ko ma in de Kommentare lesn