Gwand

Aus Wikipedia
Wexln zua: Navigation, Suach
Diandlgwand
Isarwinkla Miadagwand
Boarische Lederhosn

Gwand oda Gwanda is da Sammebegriff fia olle Stoffe, wo in Keapa vom Menschn eng eihhuin und eam ois Schutz und Ausdrucksmiddl deana.

Sinn und Zweck

Da Sinn vo dem Gwand is zum oan da Schutz:

  • vor da Wittarung

voa da Hitzn zum abkuin und voa de stoarkn Sunnastroin voa da Käidn, doß ma ned dafreat

  • vor da Neigia

wens Gwand aus am Stoff gmacht is durch den ma net durchschaung ko und vo dem duach de Mode no ebbs iwabliem, is, dann schitzts vor neigiarige Blick. Des is guad zwengs da Scham.

  • vor da Gwoit

a Gwand des aus am festn Stoff is, des schitzt ned nua voa da Witterung sondan a voa grebare Valetzunga. So hom de oidn Rittasleidt eana Gwand aus Eisn und Leda gmocht. In da Orwadswejd gibts a Reih vo Spezialgwanda, wia zum Beispui bei da Feiaweah oda beim Militea.

  • fia an bstimmtn Zweck

Gwand des an bstimmtn Zweck dafuin soi owa ned umbedingt zum onlegn gmocht is, so z.B. as Socktiachl

Zum andan, daß ma gwisse Gruppn ausanandahoitn ko, de se gean ausanandahoidn lossn woin.

  • Hozadsgwand
  • Orwadsgwand
  • Religionsspezifisches Gwand (Menchskuttn, Chorgwand, Burka)
  • Trachtn: Lederhosn, Diandl
  • Trauagwand
  • Uniform, Amtstracht, Firmengwand
  • Vareinsgwand

Und ledztlich hods an gewissn Lustfaktor, wo ba da Mode in Vordagrund tritt.

Eihteilung

Gwand kennt ma so eihtein:

  • Freizeitgwand: Bikini, Jogginghosn
  • Gschlecht und Oita: Diandlgwand, Lederhosn, Kindagwand
  • Fia bstimmte Keapatei: Haferlschuah, Untahosn, BH, Handschuah
  • Materiai: Ledergwand, Pejz, Baamwoi, Schofwoi, Seidn
  • Modegwand, Szenengwand
  • Fian bstimmtn Oloss: Trauagwand, Hozatsgwand, Umstandsgwand
  • Orwadsgwand: Amtstrocht, Ordnsgwand, Kluft (Zunftgwand), Freimauragwand, Deanstgwand, Birogwand
  • Qualitet: Markngwand, Biogwand, Lumpmgwand
  • Ois Schutz: Tarngwand, Hitzeschutzgwand, Regngwand, Seglagwand, Tauchagwand
  • Sträflingsgwand, KZ-Gwand
  • Gwand fia Viecha

Materiai, aus dem Gwand gmocht is

Im Prinzip wead a Gwand heidzdog aus am jedn Materiai gmacht, des se in Fasan spinna und draus a Stoff webn lasst oda des ois soichs scho dafüa geigned is, heagstejd.

Doi spuit hauptsächle da Vawendungszwegg, de Hoitbarkeid und da Preis a Roin. Huptmaterialen aus dene Gwand gmacht wead:

Bapia
Fasan von am Viech
  • Seidn
  • Woi
    • Alpacawoi
    • Angora- oda Karnicklwoi
    • Schofwoi
Haud von am Viech
  • Leda
    • Glattleda
    • Spoitleda
Kunstfasan
  • Polyacrylate
  • Polyamide (z.B. Nylon)
  • Polycarbonate
Kunststoff
  • PVC-Folie
  • Tyvek (R)
Mineralien
  • Asbest
  • Glosfasa
  • Stoafasa
Pflanzliche Fasan
  • Baamwoi
  • Blattln vo Schuif oda Palmen
  • Hanf
  • Leinen
  • Sisal

Im Netz