Noren

Aus Wikipedia
Wexln zua: Navigation, Suach
Der Artikl is im Dialekt Nordboarisch gschrim worn.
Traditionella Stofflôn in Nara mit am Noren vorm Eingang
A Noren mit am ゆ, as Zaichn fir a Badehaus

Noren (暖簾) san traditionelle japanische Raumtaila aus Stoff. Ma héngts zwischn zwoa Kammern, an d'Wend, in Géng oda Fenster. Normalawaiß håm Noren oan oda meija vertikale Eischnitt vum untan End bis fast ganz ôm, damid ma laichta durchgajh oda -schaung kånn. Noren han viereckig und daj gibts in vaschidne Materajien, Greißn, Fâm und Muster.

Noren hénga traditionellawaiß vor japanische Lên und Restoras ajs Schutz vor Sun, Wind und Staub. Wenn da Noren vorm Eingang héngt, hoißt des, daß Lôn off håud und wenn da Noren weg is, is zou. Aa d'Sentō, d'öffntlichn japanischn Badehaiser, hénga an Noren iwan Eingang, und zwaa an blaun fir d'Ménna und a råudn fir d'Fraun. De Noren vor de Badehaiser håm entweda as Kanji (yu, hoaß Wassa) oda as entschbrechenda Hiragana draaf.

Sprichwerta[VE | Weakln]

  • Wenn a Lôn in Noren åhéngt, macht a zou, fir imma.
  • We'mma in Noren doit, hoißt des, daß da Stift vu a Lôn åis glernt håud und sai aings Gschäft aafmacha kå. Er derf nåu in bekanntn Nama vu seim Maista trång, grajgt ajso quasi a Stickl vu seim Noren mit'm Nama draaf.
 Commons: Noren – Oibum mit Buidl, Videos und Audiodateien