Nutza:Kazu89/Gustav
Da Hörrikän Gustav is a Tropensturm in da atlantischen Hörrikänsaison 2008, der wo Auswirkunga af d'Dominikanische Republik, Haiti, Jamaika, Kuba, Florida, Alabama, Mississippi, Louisiana und Texas haud. Durch de Auswirkunga vu dem Sturm san in da Dominikanischen Republik, Haiti und Kuba insgesamt 85 Leid ums Lem kumma, bevor da Gustav richtung Nordwestn iwa'n Goif vu Mexiko zong is, pfeigråd af's Mississippi-Döita zou.
Sturmverlauf[Werkeln | Am Gwëntext werkeln]
A tropische Wöin, daj wo vu Afrika iwa'n Atlantik gwandert is, haud iwa de Inseln iwa'm Wind stårke Windböhn und Rengfäj produziert. Daj Wöin haud se immer besser organisiert, fir a kurze Zeit a Aug büdt und und a Konvektion afbaut. Nauchdem a „Hörrikän-Jäger“ am 26. August a gschlossne Zirkulation festgstöit haud, haud a Nationale Hörrikän-Zentrum ajs zouständigs regionajs spezialisiads Meteorologie-Zentrum festgstöit, dass's ca. 415 km südöstlich vu Port-au-Prince (Haiti) a tropischs Tiefdruckgebiet gibt, wos kurz draf zum Tropischn Sturm Gustav afgstuft worn is. Kurz bevor'a de südwestliche Hajbinsl erreicht haud, haud ma bei am Afklérungsflug festgstöid, dass se da Gustav mit Windgeschwindigkeitn vu über 150 km/h scho zu am Hörrikän entwicklt haud. In dera Stärkn is da Hörrikän iwa d'Hajbinsl Tiburon zong. Im Golfe da la Gonâve haud da Gustav, der wo weng de hohn Berg in Haiti schwächer worn is, nauch Westn abdraht.
De Zugbahn is in dera Zeit weida südwestlich valoffa ajs ma's erwartet haud und desweng haud da Eifluss vum Festland vahindat, dass da Gustav no stärka worn waar. In da Nacht zum 28. August haud se as Sturmzentrum weider südlich nei formiert oder da Sturm haud se unerwartet nauch Südn verlagert. Ajs tropischer Sturm is'a iwa Jamaika zong, wobei sei Zentrum knapp inland an da Südküste vu de Insln entlanggwandert is. Nauchdem da Gustav westlich vu Jamaika iwa a sehr warms Wasser kumma is, haud'a se no amãi zum Hörrikän verstärkt und is dann àwa stärker worn, bis a zum am Hörrikän vu da Kategorie 4 af da Saffir-Simpson-Hörrikän-Skala worn is. In dere Stérkn is as Sturmzentrum zuerst iwa da Isla da la Juventud und dann iwa de Hauptinsl vu Kuba in da westlichn Provinz Pinar del Río zong.
De Auswirkunga vum Festland håm in Gustav stärka abgschwächt ajs ma's ursprünglich erwartet haud. Ganz frajh am 31. August haud da Gustav in Goif vu Mexiko mit konstante Windgschwindigkeitn vu 215 km/h und am Kerndruck vu 958 hPa (mbar). Trotzdem is da Hörrikän numãi vu da Kategorie 1 bis zur Kategorie 3 afgstieng. Der Sturm is weida nauch Nordwestn zong und is am 1. September ajs Hörrikän in da Kategorie 3 im Großraum vu New Orleans åkumma - genau dau, wo fast drei Johr vorher da Hörrikän Katrina a grouss Kaos ågricht haud. As Windföid vu derm Hörrikän is owa so grouß, dass's fast an da ganz Goifküstn vu de USA stårke Wind gem haud, daj wo mindestns da Stérkn vu am tropischn Sturm håm. Bevor as Aug vum Hörrikän d'Küstn iwaquért haud, is da Gustav a weng schwächa worn und haud beim „Landfaj“ (ajso waj'a an Land kumma is) no d'Kategorie 3 erreicht.
Vorbereitunga[Werkeln | Am Gwëntext werkeln]
Af Kuba håm de Behördn 12.900 Bewohner aus de betroffna Provinzn vu da Insl in Sicherheit braucht. Da US-Präsident George W. Bush haud genau drei Johr nauch'm Hörrikän Katrina in Notstand fir'n Bundesstaat Louisiana ausgrouffa. Aso haud'a de Freigabe vu Bundesmittl ermöglicht. De Bundesagentur fir Notstandsmanagement (Federal Emergency Management Agency) haud de Evakuierung vu de Einwohner vu New Orleans vorbereitet. Ungeféhr 750 Busse, owa aa Eisenbahnziig san bereitgstöid worm, um de Betroffna weider ins Landesinnere zum bringa. Die Interstate-Audobahnen (ajso daj, wo iwa mehrare Staatn genga) san auf a Einbahnstraßnsystem umgstöid worn, des hoißt das aa daj Fahrbahna, wo normalerweis nauch New Orleans neifihrn, fir'n Verkehr rauswatts freigem worn san. Insgesamt håm bis am Abnd vum 31. August rund 1,9 Milliona Menschn in Südn vu New Orleans valassn. Im Superdome is im Gengsatz zum Johr 2005 koã Notuntakunft eigricht worn. Am Samdåg, in 30. August haud da Ray Nagin, da Birchamoasta vu da Ståd, seine Eiwohna afgfordert, aus da Ståd rauszumgeh. Außerdem haud'a a Ausgangssperre fir daj Ståd verhéngt, daj wo vu Sunnauntergang bis Sunnaafgang gütt.
Auswirkunga[Werkeln | Am Gwëntext werkeln]
In da Dominikanischen Republik und af Haiti hau da Sturm stoake Rengfäj vaursacht, wo zu Sturzflutn und Erdrutsch gfihrt håm. Daudurch san in da Dominikanischen Republik acht und af Haiti 66 Leid umkumma. Af Haiti wirkn tropische Wirblstirm schlimmer ajs af den benachbattn Insln, wei d'Wöider zum greisstn Teil abghoizt worn san und darum as Rengwasser vüü schnöller af da Owaflächn ablafft. Af Jamaika håm öif Leid ihr Lem wega'm Sturm verlorn.