Nutza:Luki/De Gschicht vom Busnhoata

Da Busnhoida [dt. Büstenhalter], kuaz BH, is a Untawäsch, de wos de Brust untastizn soi.

Lange Zeid woa ma da Moanung, das da Busnhoida eascht 1899 eafundn wuan is. Owa anno 2008 hod ma in Osttiroi a 550 Joa oide Untawäsch gfundn.^[1]

De easchtn Busnschtiza

Gschichtli Intaressiade hom oiwei scho gwisst das da Busnhoida weid öda wa ois wos vo da Modeindustrie bhaupt wuan is. De easchtn Nochwoas gibts aus ana Gegnd, de heid za de barisch bsidltn keat. Waun ma se de Figurin vo da Venus vo Willendorf genaua aschaugt, daun foin an glei de dickkan Wuist af da Busnowaseitn af. Des kanntn de umgendldn Rand vo an Föbusnhoata gwest sei. Fia Tetowiarunga gengan de Wuist zweit vo da Haut viara und wiaso hods daun an de aundan Köapeiteu koane? Waun de Weibaleid domois, im heitign Nidaöstareich scho Busnstiza trogn hom, daun wa da BH scho iwa 27.000 Joa oid.

De Venus vo Willendorf, mid de Randln vo an Busnhoida
Grosse Schlaungangeddin, Miona
Kloane Schlaungangeddin, Minoa

Busnschtiza in da Antike

An kretische Figurinen, Geddina, schaugt ma oa aundare Fuam au. De kretischn Damen hom eanane Brist offn trogn und nua va untn intaschtizt. Des hom woascheinli owa a nua de jungan Madln trogn kena. Bei de Ödan hod do megligawois de Gravitation aun da Fuam a wengl dreipfuscht. Im Oiddog weans sa se aa mid noameule Busnbindn bhoifn hom. Wia de Griachinan oda de Remarinnan. De hom se de Busadua mid Bindn, de Fascia Pectoralis, zuwigschniad.

De Busnhoata im 19/20 Joahundat

Im Joa 1893 hod da Hugo Schindler aus Sidbehman in da Schweiz a Patent fia oan Busnhoita augmöd. 1899 is de Säxin Christine Hardt mid vaknipfte Socktiachl aun Maunahosntraga ois Busnhoita dahekema. Und im söm Joa woa a de Franzesin Hermine Cadolle mid oan Patent af a bessans Modö drau. Und de easchtn serienmassign Busnhoita, Modö Prima Donna san in Cannstatt 1912 fabriziat wuan.

Skizzn vom Busnhoita da Hermine Cadolle, 1899
Busnhoata uma 1900

Duttnseck und Untahosal ausn Middloita

2008 hod ma im osttirola Schloss Lengbeag zweng oan Umbau de oidn Mauan untasuacht. Und do hod ma untan Fuassbodn im zwoatn Schtock oan Hoihraum endeckt, dea wos mid ollalei Grafföwea augfüd woa. Drunta woan a mera Textülian, de wos nu gut beinaunda woan, weus do untan Bodn trucka woa. Do woan a via Busnhoata und oa Untahosal (Slip) dabei. Mid da Radiokarbonatmethodn hod mas in da technischn Hochschui Zürich af a Oida zwischan 1440 und 1485 eigschtuaft. De Busnhoida woan lufti und leicht zan Trogn und ned soichane Monsta wia de spadan Modö ausn 19/20 Joahundat. ^[2]

'Oiso so wias ausschaugt is de modeane Fuam vo de Busnhoata a Eafindung aus an Boarisch-Östareichischn Land.

Beleg

↑ Sensation: 532 Jahre alter BH gefunden. (tirol.orf.at, 18. Juli 2012)
↑ [ http://www.spiegel.de/panorama/bh-aus-mittelalter-archaeologen-finden-buestenhalter-in-tiroler-schloss-a-845349.html Büstenhalter aus dem Mittelalter – Der Sonder-Bra. Spiegel Online, 19. Juli 2012]

Im Netz

Commons: Busnhoida – Sammlung vo Buidl, Videos und Audiodateien

Video

http://www.welt.de/vermischtes/article116052727/Sobald-Sie-zu-Hause-sind-Weg-mit-dem-BH.html (Links im Atüki a Kuazfüm iwa de 550 Joa oide Osttirola Untawesch)

Interwiki Notiz

http://de.wikipedia.org/wiki/B%C3%BCstenhalter

[1] Sensation: 532 Jahre alter BH gefunden. (tirol.orf.at, 18. Juli 2012)

[2] [ http://www.spiegel.de/panorama/bh-aus-mittelalter-archaeologen-finden-buestenhalter-in-tiroler-schloss-a-845349.html Büstenhalter aus dem Mittelalter – Der Sonder-Bra. Spiegel Online, 19. Juli 2012]

[1]

[2]