Nutza:Luki/Es wiad scho glei dumpa, es wird scho glei Nocht

Aus Wikipedia
A Foto vom Pfora Anton Reidinga
As Notnbladdl zan Liad, 1884

Es wiad scho glei dumpa, es wiad scho glei Nocht [dt. Es wird schon gleich dunkel, es wird schon gleich Nacht] is a bkaunts Owaöstareichisch Weihnochtsliad. Es is in da owaöstareichischn Variantn vo da Boarischn Sproch vom katholischn Pfora Anton Reidinger (da dichtande Dechant) 1884 im Innviatl gschrim und vatont wuan.

De Gschicht vom Liadl[Werkeln | Am Gwëntext werkeln]

Anno 1913 is des Liadl vom Franz Friedrich Kohl und vom Josef Reiter in de Saummlung: Echte Tirola Liada afgnumma, Bd. 1, Leipzig 1913, S. 24. Da Viktor Zach hod daun des Liadl iwanumma und hods in da Saummlung: Oide Krippn und Hiatnliada vaeffentligt, Graz 1918, S. 16). Und so san de Moanungan afkema, das easchtns a oids tirola und spada aa a steiamoaka Liadl warad. Owa 1212 hod da Krenglbocha Hoamatfuascha festgstöd, das ned nua da Text sundan a de Melodie vom Anton Reidinga schtaummt, dea wos am 29. April 1839 in Krenglbach, Owaröstareich, gbuan wuan is undam 24. Dezemba 1912 in Obernberg am Inn gstuam.

Da origineu Liadltext[Werkeln | Am Gwëntext werkeln]


Es wird scho glei dumpa, es wird scho glei Nacht,
Drum kim i zu dir her, mei Heiland auf d'Wacht.
Will singen a Liadl, dem Liebling dem kloan,
Du magst ja net schlafn, i hör die nur woan.
Hei, hei, hei, hei!
Schlaf siaß, herzliabes Kind!

Vergiss hiaz, o Kinderl, dein Kummer, dei Load,
dass d'dada muaßt leidn im Stall auf da Hoad.
Es ziern ja die Engerl dei Liegerstatt aus.
Möcht schöna nit sein drin an König sei Haus.
Hei, hei, hei, hei!
Schlaf siaß, herzliabes Kind!

Ja Kinderl, du bist halt im Kripperl so schen,
mi ziemt, i kann nimmer da weg von dir gehen.
I wünsch dir von Herzen die süaßte Ruah,
die Engerl vom Himmel, die deckn di zua.
Hei, hei, hei, hei!
Schlaf siaß, herzliabes Kind!

Mach zua deine Äugal in Ruah und in Fried
und gib mir zum Abschied dein Segn no grad mit!
Aft werd ja mei Schlaferl a sorgenlos sein,
aft kann i mi ruahli aufs Niederlegn gfrein.
Hei, hei, hei, hei!
Schlaf siaß, herzliabes Kind!

Im Netz[Werkeln | Am Gwëntext werkeln]

Video[Werkeln | Am Gwëntext werkeln]

Interwiki Notiz[Werkeln | Am Gwëntext werkeln]

Voh „https://bar.wikipedia.org/w/index.php?title=Nutza:Luki/Es_wiad_scho_glei_dumpa,_es_wird_scho_glei_Nocht&oldid=360072“