Obaöstareich

Aus Wikipedia
(Weidagloadt vo Owaöstareich)
Der Artikl is im Dialekt Obaöstareichisch gschriem worn.
Obaöstareich
Owaöstareich
Oberösterreich
Östareich Koartn (Obaöstareich)
Fahna Woppn
Fahna Woppn
Basisdatn
Haptstod: Linz
Gresste Stod: Linz
Hymne: Hoamatgsang
ISO 3166-2: AT-4
Netzseitn: www.ooe.gv.at
Politik
Laundeshauptmau: Thomas Stelzer (ÖVP)
Regierade Partein: Sitzvateilung im Launddog
(56 Sitz):
ÖVP 22
FPÖ 11
SPÖ 11
Greane 7
MFG 3
Neos 2
letzte Woih: 26. Septemba 2021
nexte Woi: 2027
Bevökarung
Einwohna: 1.465.045 (Staund: 1. Jenna 2017)
- Rang: 3. vu 9
Bevökarungsdichtn: 122 Eihwohna/km²
Eadkunde
Fläch: 11.979,91 km²
- davo Lond: 11.718,32 km² (97,8 %)
- davo Wossa: 263,6 km² (2,2 %)
- Rong: 4. vu 9
Geografische Log: 47° 27' - 48° 45' n. Br.
12° 44' - 14° 59' ö. L.
Ausdehnung: Noad-Sid: uma 145 km
West-Ost: uma 165 km
Hexta Punkt: 2.995 m
Hocha Dochstoa
Tiafsta Punkt: 239 m
Grein
Vawoitungsgliedarung
Beziak: 3 Statutarstädt
15 Beziak
Grichtsbeziak: 18
Gmoana: 442
- davo Stodgmoana: 32
- davo Moarktgmoana: 151
Koatn: Obaöstareich und Beziake
 
Thomas Stelzer (2015)

Obaöstareich oda aa Owaöstareich (dt.: Oberösterreich, oida Naum: Erzherzogdum Östarreich ob da Enns) is a Bundeslaund in da Republik Östarreich. Es grenzt an Bayern (Oba- und Niedabayern) in da Bundesrepublik Deitschland, an de Tschechei und an de östareichischn Bundeslända Niedaöstarreich, Steiamoak und Soizburg. Obaöstareich hod a Fläch va 11.979,91 km² und 1,465 Milliona Eihwohna (Stond: 1. Jänner 2017) und is somid vo da Fläch hea des Viatgresste und vo de Leit hea des drittgresste Bundeslaund.

Gschicht vo Obaöstareich[Werkeln | Am Gwëntext werkeln]

Da behmische Kini Ottokar Přemysl hod 1254 im Friedn va Ofen und daun im Friedn va Wean (1261) en Traungau va da Steiamoak, zua dera er vorher ghert hod, otrennt und hod aus eam und aus de umliegendn Laundstrich s Fiaschtndum ob da Enns gmocht. Waun ma dem Geschichtsforscha Julius Strnadt glaubm derf, is des Joar 1261 woarscheinli des Geburtsjoar vam Laund ob da Enns. In Joar 1264 is da Naum Austria superior (Obaöstareich) oda supra anasum (ob da Enns) des easchte Moi urkundlich aufkemma und Konrad va Summerau is ois Laundrichta va da Provinz gnennt woan.

Va 1490 au hod des Teufiaschtndum Östarreich ob da Enns a gwisse Söbstständigkeid im "Heilign Remischn Reich Deitscher Nation" ghobt. Seid dera Zeid haum de boarischen Ständ vam Teufiaschtndum a poar Laundtog in Linz oghoidn. Neem de Herrn, de Ritta und de Prälatn haum do a de laundesfiaschtlichn Städt a wichtige Roin gspüit. Va 1530 au hod de Reformation Einzug ghoiden, 30 Joar späda woan de mehran va de boarischen Obaöstarreicha schoau evangelisch. Ba da Habsburgischn Ländatoulung va 1564 is Obaöstarreich midanaund mid Niedaöstarreich und de behmischn Lända zu da Hausmocht vam remisch-deitschen Kaisa Maximilian II. kema. No n'Joar 1600 hod untan Kaisa Rudoif II und sen Nochfoiga Matthias de Gegnreformation oaugfaungt. Wegn dem san de Ständ va Obaöstarreich 1619 a Bündnis mid de behmischn Lända eeigaunga. In Auftrog van Kaisa Ferdinand II. haum Soidodn vam boarischn Kurfiaschtn Maximilian 1620 gegn de Aufständischn Kriag gfiaht. No da Niedalog is des Fiaschtndum daun fia a poar Joar unta d'Herrschoft vam Maximilian kema. De evangelischen Adelign haum se aussuacha kinna, obs konvatiern oda s'Laund valossn. Gegn de boarische Besotzung is 1626 da Bauankriag untam Stephan Fadinger ausbrocha.

1779 is im Friedn va Teschen des innvierdl, des vorher zu Bayern ghert hod zu Obaöstarreich dazua kema. Untam Napoleonischen Kriag ist Obaöstarreich efta va franzesische Soidodn bsetzt woan. De Laundeshauptstod Linz hod va 1814 bis 1854 a Soizburga Laund vawoitet. 1918, non Easchtn Wödkriag und wia Donaumonarchie vanaundgfoin is, is Obaöstarreich va da neichn deitschen Republik Östarreich ois offiziella Naum va da Region festglegt woan. ooa Joar nochdem de Deitschn am 13. März 1938 in Östarreich eimarschiad san, is am 1. Mai 1939 as sogenannte "Reichsgau Obadonau" gegründet woan, zu dem a de südbehmischen Gebiete (südliches Sudetnlaund) und s'Aussea Laund ghert hod. Non Zweitn Wödkriag is Obaöstarreich mit da oidn Grenz wiedahergstödt und a Bundeslaund va da Republik Östarreich woan.

Verwoitung[Werkeln | Am Gwëntext werkeln]

Obaöstarreich wiad traditionell in via Viadl eiteit, s'Hausruckviadl, s'Innviadl, s'Mühviadl und s'Traunviadl. Heitzutogs wead meistns da Bereich zwischn de Städt Linz, Efading, Wös, Steyr und Enns als Obaöstarreichischa Zentralraum gnennt. Nem da oidn Eiteulung wiad heint aa as Traunviadl in Soizkaummaguad, de Region Pyhrn-Eisenwurzn undn Zentralraum auftrennt.

Laut da Verwoitungseiteulung gliedat si des Bundeslaund in 3 Statutarstädt und 15 politische Beziake.

Obaöstarreich grenzt auf oana Läng va 321 km an Deitschlaund und da Tschechei.

Statutarstädt[Werkeln | Am Gwëntext werkeln]

Beziak[Werkeln | Am Gwëntext werkeln]

Wichtige Städt in Obaöstarreich[Werkeln | Am Gwëntext werkeln]

Linz (Laundeshauptstod), Wös, Steyr, Lauding, Traun, Vöcklabruck, Aunsfödn, Gmundn, Braunau am Inn, Riad im Innkroas, Enns, Freistod, Roiwa-Berg, Bod Ischl, Schärding, Morchtrenk, Efading, Mattighofn, Bod Hoi, Peag;

Laundeshymne[Werkeln | Am Gwëntext werkeln]

De Laundeshymne va Obaöstareich is da Hoamatgsang. Des Liad is 1841 vom Franz Stelzhamer im obaöstarreichischn Dialekt gschriem woan. De Melodie is vam Hans Schnopfhagen. Da Hoamatgsaung is 1952 vom obaöstarreichischen Launddog zua Laundeshymne gmochd woan.

Schau aa[Werkeln | Am Gwëntext werkeln]

Im Netz[Werkeln | Am Gwëntext werkeln]