Oarlengde Woimuichsau
| Der Artikl is im Dialekt Obaboarisch gschriem worn. |
De oarlengde Woimuichsau war a Sach, vo de a jeda Baur dramt. S' is aba eascht amoi a Fabewesn wia da Woiperdinger. Der Begriff hod heitzdog vor oim a Vabroadung in da moderna Technik und Wirtschaft. Ma moant damit Sachan, de bsundas vui kenna, oda vui Vortee in si vaeina. Oft weads nacha aba ironisch gmoant, wenn de Sachan doch ned so guad han, wia da Heasteja vaspricht. Ab und diam moant ma damit a Forderunga, de oafach ned erfüllt wern kenna. Wenn zum Beispui nach am Midorbata gsuacht wead, de wo a abgschlossns Studium und vui Beruafserfohrung ham soi, aba ned ejta ois 28 Joar sei deaf. Nacha is do woi jemand auf da Suach nach da oarlengde Woimuichsau.
Heakunft voo dem Begriff
[Werkeln | Am Gwëntext werkeln]1968 is beim Barras dea Begriff eierlegendes und milchgebendes Wollschwein im Rekrutnjargon s easchte Moi auftauchd. Boid scho hod se awa da Begriff oarlegade Woimuichsau duachgsetzt. Bezeichned homs damid z'eascht an Panavia Tornado. Um 1985 hom se den Begriff nacha d'EDV-Leid z eign gmocht und damid hod a se recht schnejj in da Bevejkarung vabroadt.
Beleg
[Werkeln | Am Gwëntext werkeln]- Zua Heakunft vo dem Woat:Heinz Küpper: Illustriertes Lexikon der deutschen Umgangssprache in 8 Bänden. Bd. 8. Stuttgart 1984, S. 3117. Fundstejjn füa den Begriff Wollmilchsau im Online-Archiv vom Magazin Der Spiegel, in Google Books und in der Fachpresse-Datenbank von GBI-Genios.