Obaulro

Aus Wikipedia

S Doaf Obaulro, sog Oba-ulro (amtli: Oberulrain) is a Oartstei vo da Stod Neistod an da Doana im Landkroas Kelheim, Niedabayern und ghead zua Holladau.

D'Lag[Werkeln | Am Gwëntext werkeln]

St. Achatius

D Oat is südli vo da Daona, an da westlichn Seitn vo an flachn Hang, ders Doana- und des Omstoi voananda trennt und in de ebnan Auen vo de zwoa Fliss valaft. Rengsbuag is östlich grob 45  km und Inglstod im Westn 30  km entfeant. Minga liegt zika 90  km südlich vom Oat.

D'Geschicht[Werkeln | Am Gwëntext werkeln]

Niedaulro und Obaulro und da Weila Lina ham in da Vagangaheit politisch zamaghert und oa Gmoa buid. De drei Oat san in de 1970er Joa durch a Gebietsrefoam ind Stod Neistod eigmeind woan.

De zwoa Kiachdeafa Niedaulro und Obaulro san scho im Joar 901 ois „Olreini“ und 1018 ois „Olrenna“ urkundli gnennt woan.[1].

D'Kiacha[Werkeln | Am Gwëntext werkeln]

D'Kiach St. Achatius is im 13. Jahundat baut woan. Da Baustui is spätromanisch.

D'Struktur[Werkeln | Am Gwëntext werkeln]

S'Doaf hod ca. 100 Eiwona de fast olle Bauern san. Hopfa is dabei ganz wichti. In da Näh is da Kuaoat Bad Gegging. Desweg ko ma in Obaulro a Ferienwohnungen omietn.

Oanzelnochweis[Werkeln | Am Gwëntext werkeln]

  1. Indanetseitn vo Neistod

Koordinaten: 48° 48′ N, 11° 49′ O