Pernå

Aus Wikipedia
Zur Navigation springen Zur Suche springen
Woppn vo da ehemoling Gmoa Pernå

Pernå (schwedisch), finnisch: Pernaja), is a ehemoiige Gmoa in da Landschoft Ostuusimaa on da Sidgstod vo Finnland. Seit iahra Eihgmoanung 2010 is se vawoitungsmäßig a Tei vo da Stod Loviisa, wejche seit 2011 za Landschoft Uusimaa ghead.

As Kiachdoaf Pernå liegd om End vo da rund 20 km longa Meearesbucht Pernåviken (Pernajanlahti) 11 Kilometa westli van Zentrum vo Loviisa. Insgsomt hod de Gmoa a Gebiet vo 426,8 Quadratkilometa (ausschliassli vo de Meearesgebiete) umfossd.[1] De Eihwohnazoih hod zletzd 3961 betrong.[2] Dovo woan 57,8 % Finnlandschwedn, domid woa de Gmoa offiziej zwoasprochig mid Schwedisch ois Meahheits- und Finnisch ois Mindaheitssproch.

Giebe vo da Kiach vo Pernå

A fesde Bsiedlung hod woih scho seit'm 13. Joarhundad bstondn, easchtmois uakundli eawähnd is Pernå im Joar 1352 worn. Da Ort hod on da Kinistroß gleng, om oidn Weg vo de schwedischn Kinis vo Turku noch Viipuri. 1362 is Pernå za om eingständing Kiachspui worn, wos ofongs aa as Gebiet vo: Pyhtää, Ruotsinpyhtää, Lapinjärvi, Myrskylä, Loviisa und Liljendal umfossd hod. De bis heit dahoitane Kiach vo Pernå stommd aus'm Zeidraum uma 1440. Uma 1509 is da Reformator und Bibliwasetza Mikael Agricola in Pernå geboan worn. In Koskenkylä ba Pernå is 1682 a Eisnhittn grindd worn. In da Foigezeid san meahrare herrschoftliche Gutshäf entstondn.

Zan 1. Jenna 2010 hod se de z'voa sejbstständige Gmoa Pernå mid da Stod Loviisa sowia de Gmoana: Liljendal und Ruotsinpyhtää za da Stod Loviisa zsammgschlossn.

Im Netz[VE | Weakln]

 Commons: Pernå – Sammlung vo Buidl, Videos und Audiodateien

Beleg[VE | Weakln]

  1. Stond: 1. Jenna 2009, Quej: Maanmittauslaitos (finnischs Vamessungsamt): Suomen pinta-ala kunnittain 1. Jenna 2009.
  2. Stond: 31. Dez. 2009, Quej: Väestörekisterikeskus (finnischs Mejderegista): Läänien, maistraattien, kihlakuntien ja kuntien asukaslukutiedot kuukausittain.

60.4526.05Koordinaten: 60° 27′ N, 26° 3′ O