Quöntext voh da Seiten Persephone auhschauh

[[Datei:Triptolemos Kore Louvre G452 full.jpg|miniatur|Da Triptolemos und de Kore (rechts), roudfigurige Vasn, umara 470/60 v. Kr.]]
[[Datei:Proserpina.jpg|mini|De Prosperpina (alias Persephone), vom Dante Gabriel Rossetti, 1874]]

De '''Persephone''' ({{ELSalt|Περσεφόνη}}), aa '''Kore''' ({{lang|grc|Κόρη}}, „Dochda“) oda '''Kora''' (latinisiad: ''Cora'') gnennt, is in da griachischen [[Mythologie]] de Kinigin vo da Untawejd und a Doudn- und Fruchborkeitsgeddin. Kore hoassts, weis de Dochta vom [[Zeus]] und vo seina Schwesta [[Demeter]] is. In da remischn Mythologie weads '''Proserpina''' gnennt und ia Muada is de [[Ceres]].

== Gschichtln ==

=== De Entfiahrung vo da Kore ===

Da [[Hades]], da [[God]] vo da Untawejd hod si in de Kore valiabt und ban Zeus um ia Hand ooghoidn. Da Zeus hod nix dazua gsogt, wei ra genau gwusst hod, dass de Kore nia und neama freiwuilli in de finstare Untawejd geh dad. Da Hades hod des oba ois Zuastimmung afgfosst. Wia de Kore af ana Wiesn Bleamen broggt hod, iss vom Hades gschnappt und entfiaht worn. Ia [[Gschroa]] hod da Zeus woi gheat, oba ignoriad.

In da Untawejd is de Kore nua no Persephone gruafa worn. Weis aa koan Ausweg gwusst ghobt hod, hod sa si in ia Schicksoi gfigt. Ia Muada, de Demeter, hod oba ned afgebn. Se is ganz vazweifed umadumgwandad. Mid ian Zoan und Gram hod se olle [[Pflanzna]] am Woxn ghindad. Wei de ganze Wejd so am Hunga zgrund häd geh kina, hod da Zeus eihgreifa miassn.

Ois Kompromiss hod da Zeus akzeptiad, dass de Persephone jeweis a hoibs Joar in da Untawejd ban Hades vabringa hod miassn und a hoibs Joar af da Eadn ba iara Muada. So is as Wintahoibjoar entstandn, wia de Kore wegga wor und as Summahoibjoar wia de Kore wieda do wor.

=== De Schwengarung duachn Zeus ===

Da Zeus is af de Persephone, sei oagne Dochta, gstandn. Amoi iss kema, dass a ia in a Hehjn nochgschlicha is. In da Gstoit vo ana Schlang hod a se nacha gschwengad. De Persephone hod eam an Suhn geboan, en [[Zagreus]].

Da Zeus wor in de Persephone so valiabt, dass a en Zagreus za sein Nochfoiga bstimmt hod. Damid wor de [[Hera]], sei Schwesta und sei Wei, natiale ned eihvastandn. Se hod imma wieda sinniad, wias en Zagreus umbriga kunnt.

Obwoi da Zeus ois vasuacht hod, um sein Suhn z schitzn, hod de Hera zlezt gwuna. Mid ana List ham de Titana en Zagreus im Afdrog vo da Hera obgmuakst.

== Interpretation vom Mythos ==
Da Hades symbolisiad de Untawejd sejm. De Untawejd is unta da Eadn. Do liegn de Doudn, do liegt da Reichdum vo de Bodnschätz und do liegt de Soot und de Wuazn vo de [[Pflanzna]]. Deswegn is da Hades aa fia de Doudn, fian Reichdum vo de Bodnschätz und fia de Fruchtborkeit vom Bodn zuastendi.<ref name=Hansen>Hansen, ''Classical Mythology'', p. 182.</ref><ref name=Athanas56>Ap. Athanassakis (2004), ''Hesiod. Theogony, Works and Days, Shield'', Johns Hopkins University Press, p. 56.</ref> De Persephone ois de Kinigin vo da Untawejd steht fias Gleiche.

In iam Mythos steggt oba aa de Gschicht vom geddlichn Kindl, wo jeds Joar wiedageboan wead. Bsundas symbolisiad de Kore/Persephone de Fruchtborkeid vom Bodn im Wexl vo de Joareszeidn. De reglmassige Vaoanigung mid iara Muada steht aa fias Weidalebn vo de Menschn in da naxtn Generation, wo bsundas im Kuit a grousse Roin gspuit hod.<ref name=Nilssonpopular51>{{cite web|url=http://www.sacred-texts.com/cla/gpr/ |title=Martin Nilsson, ''The Greek popular religion'', The religion of Eleusis, pp 51-54 |publisher=Sacred-texts.com |date=2005-11-08 |accessdate=2012-07-06}}</ref><ref>Martin Nilsson (1967) Vol I, pp. 473–474</ref>

== Galerie ==
<gallery heights="250" widths="150">
Dürer - Die Entführung auf dem Einhorn - Herzog Anton Ulrich-Museum.png|''Da Raub vo da Proserpina'' (vom [[Albrecht Dürer]] 1516)
FredericLeighton-TheReturnofPerspephone(1891).jpg|De Hoamkeah vo da Persephone, wann aa imma nua fia a hoibs Joar.
</gallery>

== Literatua ==
* {{Roscher|2,1|1284|1379|Kora und Demeter|Leo Bloch}}
* James George Frazer: ''Der Goldene Zweig. Das Geheimnis von Glauben und Sitten der Völker.'' Rowohlt, Reinbek bei Hamburg 1994, ISBN 3-499-55483-6, S. 572–581.
* Robert Graves: ''Griechische Mythologie. Quellen und Deutung.'' Rowohlt, Reinbek bei Hamburg 1984, ISBN 3-499-55404-6, S. 77–83.
* {{DNP|Suppl. 5|563|566|Persephone|Berthold Hinz}}
* Valentia Hinz: ''Der Kult von Demeter und Kore auf Sizilien und in der Magna Graecia.'' Reichert, Wiesbaden 1998, ISBN 3-89500-052-3.
* Karl Kerényi: ''Kore. Zum Mythologem vom göttlichen Mädchen.'' In: ''Paideuma.'' Band 1, 1940, S. 341–380.
* Karl Kerényi: ''Die Mythologie der Griechen. Die Götter- und Menschheitsgeschichten.'' Band 1, dtv, München 2003, ISBN 3-423-30030-2, S. 183–193.
* Ruth Lindner: ''Der Raub der Persephone in der antiken Kunst.'' Triltsch, Würzburg 1984, ISBN 3-87825-039-8.

== Im Netz ==
{{Commonscat|Persephone}}
* [http://www.theoi.com/Khthonios/Persephone.html Persephone] im Theoi Project (engl.)
* {{Webarchiv | url=http://www.thais.it/scultura/image/sch00001.jpg | wayback=20070323111915 | text=Raub der Proserpina}}

== Beleg ==
<references />

[[Kategorie:Griechische Gottheit]]
[[Kategorie:Weibliche Gottheit]]