Ponzauner Wigg

Aus Wikipedia

Da Ponzauner Wigg, amtli Ludwig Gruber, (* 15. August 1922 afm Ponzaunerhof z Obaponzaun; † 10. Dezemba 2005 ebmdo) wor a boarischa Gstanzlsenga und a Dichda in boarischa Sproch.

Lebm[Werkeln | Am Gwëntext werkeln]

Sei Lebm lang wor da Ponzauna Wigg mit Leib und Sej Baua afm "Ponzauner-Hof" z Obaponzaun ba Niedankircha/Gmoa Hebartsfejdn. So is a za sein Nama keman. Da Wiggal wor a begnadeta Gstanzlsenga, Prograda und Festredna. Frua is a ba Hoagascht aftretn, spoda oft aa mitm Roider Jakl.

Eascht in de 1970 Joar hod a ogfongt Biacha z schreibm. Im Boarischn Feansegn hod a reglmassi seine Gedichtln glesn.

Da Prunner Gunther, Hoamatpflega vo da Gmoa Pleiskircha ba Oideding, hod anno 2008 zamma mitm Trachtlavarein Pleiskircha und vaschiedanan Musigruppm aus da Region de Niederbayerische Weihnacht vom Ponzauner Wigg vafuimt.

Zitat[Werkeln | Am Gwëntext werkeln]

Da Herbst

D‘ Sunn laßt scho a bisserl na,
D‘ Luft, de kriagt an rauha Gschma
Und da Tag kriagt kurze Füaß,
‘s Obst im Garten draußt wird süaß,
D‘ Nacht, de wachst, da Tag wird kurz,
Herbstln duads.

Ponzauner Wigg, "Da Herbst" (1. Strophm) ausm Buach "Herzhaft g‘sagt"

Weak[Werkeln | Am Gwëntext werkeln]

Ois Ponzauner Wigg:

  • Grüass Gott beinand. Vierlinger, Simbach am Inn 1990.
  • Unter uns gsagt. Vierlinger, Simbach am Inn 1988
  • Unter uns gsagt. Vierlinger, Simbach am Inn 1987
  • Für Feste und Feiern in Niederbayern. Vierlinger, Simbach am Inn 1983, 2. Aufl.
  • Bei uns dahoam. Vierlinger, Simbach am Inn 1980
  • Niederbayerische Weihnacht. Vierlinger, Simbach am Inn 1976
  • Herzhaft gsagt. Vierlinger, Simbach am Inn 1975, 2. Aufl.

Audio[Werkeln | Am Gwëntext werkeln]

  • Hans Göttler lest: Ponzauner Wigg - Niederbayerische Weihnacht: Die Weihnachtslegende in Rottaler Mundart. [Audiobook] [Audio CD] Edition Töpfl, 2009. ISBN 978-3-927108-96-7

Im Netz[Werkeln | Am Gwëntext werkeln]