Pozuzo

Aus Wikipedia
Pozuzo, de oanzige "österreichisch-deitsche Kolonie"
d'San-José-Kiachn in Pozuzo

Pozuzo is da Naum vu am Beziak in da Region Pasco im zentaln Peru und da Naum vum Hauptoat vu dem Beziak.

Da Naum „Pozuzo“ kimmd vu am Boch, dea aa so hoaßt, und is a Woat aus da Sproch vu de Amuesha und bedeitt „Fluss mi'm soizing Wossa“.

D'Bevöikarung lebt greßtnteus vum Tourismus und vu da Laundwiatschoft (Gugaruz, Südfrüchte, Kaffee, Tabak, Viehzucht und teuweis Koka-Ãnbau).

Geographie[Werkeln | Am Gwëntext werkeln]

Pozuzo liegt in da Provinz Oxapampa im Department vo Pasco, im zentraln Regnwoidgebiet (Selva Central) vo Peru. Da Oat liegt auf ana Hächn vu 750 Meta am Huancabamba-Fluss und hod 1000 Einwohna. Pozuzo is 520 km vo da peruanischn Haptstod Lima entfernt, 160 km vo da Stod La Merced und 78 km vo da Provinzhaptstod Oaxpampa. De Temperaturn bewegn si um an Joareschnitt vo 24 °C. Des Klima is hoass und regnarisch.

Sengswiadigkeitn[Werkeln | Am Gwëntext werkeln]

  • “San José” Kiach: de easchte vo de Kolonistn baute Kiach (1875)
  • Friedhof vo da Kolonie: molarische Olog mit Gräbern vo oin prominentn Kolonistn, wia beispuisweis Pforra José Egg
  • Schafferer-Museum: Sammlung vo Fotografien, Keramiken, Küchengerätn und Wertgegnständn aus da Gschicht vo da Kolonie

Gschicht[Werkeln | Am Gwëntext werkeln]

S'Toi vu Pozuzo woa, bevoa de Spania de Gengd kolonisiad hom, vu indigene Leid bewohnt. 1859 is de „Kolonie Pozuzo“ vu Tirola, Rheinlända und a boa Bayern gründt woan. Ãugwoam woan han de Auswaundara vum deitschn Foascha und Wöidreisndn Damian Freiherr vu Schütz-Holzhausen. Da Leita vu dea Gruppm woa da katholische Priesta Joseph Egg aus Tiroi. De Gruppm aus 180 Tirola und 120 Rheinlända und Bayern is 1857 vu Antwerpm weg mid am Frochtsegla Richtung Peru (Huacho) losgsögit, es haums vu de owa netta 156 bis noch Pozuzo gschofft. A zweite Wöin vu Einwaundara is 1868 kemma.

Laud am Schüdl am Oatsausgaung nennd si Pozuzo la única colonia Austro – Alemana del mundo („d'anzige östareichisch-deitsche Kolonie vu da Wöid“).

Gmoapartnaschaftn[Werkeln | Am Gwëntext werkeln]

Literatua[Werkeln | Am Gwëntext werkeln]

Habicher, Bruno: Pozuzo. Schicksal, Hoffnung, Heimat. Briefe, Berichte, Kommentare. Innsbruck:Berenkamp, 2001.

Im Netz[Werkeln | Am Gwëntext werkeln]