Punschkropfn

Aus Wikipedia
(Weidagloadt vo Punschkrapfen)
Der Artikl is im Dialekt Weanarisch gschriem worn.
Punschkrapfal

Punschkropfn, aa Punschkrapferl (Punschkrapfen) san a klassische Weana Möhspeis mit an feinen Rumaroma. Punschkrapferl san ähnlich wia de klaan fraunzesischn Petit Four.

Punschkrapfal kriagt ma heit in ana jedn Weana Bäckarei oda Konditorei.

Zaumsetzung[Werkeln | Am Gwëntext werkeln]

Punschkrapfal san Wiafe aus an lockan Biskwitdag, de wos a Füllung aus oide Biskwitbreckal (Restln), Marünmarmelad und Nougat-Schoklad hom, de wos mid vü Rum voigsaugt is. Des gaunze wiad daun mid ana rosarotn Punschglasua iwazogn. Gnau gnumman san Punschkropfn a Punschduatn, de wos vuam Glasian in Wiafe gschnittn wuan is.[1][2] De klassischn Punschkrapfal san deswegn eckad, heit gibts owa a zylindrische.

Gschicht[Werkeln | Am Gwëntext werkeln]

Wea in easchtn Punschkropfn gmocht hod und wo a heakummt, is umstrittn. Es kennt sei, dass a im Middloita vo de Awaren noch Wean brocht wuan is oda vo de Ottomanen bei da zweitn Tiaknbelogarung oda dass a von an k.u.k. Hofzuckabäcka eafundn wuan is.[3]

Rednsoat[Werkeln | Am Gwëntext werkeln]

A Weana Rednsoat iwa Punschkrapfal und iwan ewiggestrign Charakta vo de Östareicha geht so: "Aussn rosa, innen braun und imma bsoffn."[4] Des is a oida Kalaua iwa Punschkrapferl und iwan ewiggestrign estareichischn Charakta. In dem Zaumanhaung hod da Robert Menasse ironischaweis vuagschlogn, 's Punschkrapfal zum estareichischn Nationalsymboi z'mochn.[5]

Beleg[Werkeln | Am Gwëntext werkeln]

  1. with the ideal dimensions 4×4×4 cm (www.wieninternational.at)
  2. The Original (www.wienerpunschkrapfen.com)
  3. A delicious bright pink cube (www.wieninternational.at)
  4. Ein Punschkrapfen zu viel (www.standard.at)
  5. Menasse, Robert: Das Land ohne Eigenschaften. Essay zur österreichischen Identität. Suhrkamp. Frankfurt/M. 1995, p. 37

Im Netz[Werkeln | Am Gwëntext werkeln]