Quantitatives Management

Aus Wikipedia

Da Begriff quantitatives Management bedeit de Owendung vo mathematischn, rationoin Methodn bei da Entscheidung iwa de Zammsetzung vo om Aktienportfolio oda Investmentfond. Dobei werd vasuacht, quajitative und subjektive Entscheidunga duach'n Eihsotz und de Integration vo objektivn Kriterien aus'm Prozess vo da Ologentscheidung meglichst ausz'klomman. Um des Zui z vawiaklichn wean haifig mathematische Algorithmen innahoib vo om Rechnamodej und -programm eihgsetzt, des iwa diese a meglichst optimois Portfolio eamiddlt.

Voatei und Nochtei[Werkeln | Am Gwëntext werkeln]

Fiasprecha vom Eihsotz vo dene quantitativn Methodn nenna unta ondam de rasante Zuanohm vo da wejdweitn Datnbständ (Datnflut) und Informationsdichte ois Ausgongspunkt fia diese Osätz, do automatisiate Rechnaprogramme an Iwablick iwa meah Parameta behoitn kenna ois a menschlichs Individuum. Emfois vanochlässing de Methodn menschliche Emotiona, de in friahran Zeidn oft aa Basis fia Spekulationsblosn woan.

Kritika higeng nenna grod diese Emotiona ois entscheidndn Faktoa, dea in da Vagongaheit zu de eagebnissteakstn Portfolios gfiaht hod. Emfoiss schoffn es quantitativ vawoitete Fonds oft ned de Performance traditionej vawoiteta Produkte z eareichn oda goa z iwabietn (schau aa: Alphafaktor).