Red Abbey Cork
De Red Abbey Cork (irisch An Mhainistir Dhearg) is de Ruine vo am Klosta vo de Augustinereremitn in da irischn Stod Cork in da gleichnomign Grofschoft.
Gschicht[Werkeln | Am Gwëntext werkeln]
Da Viarungstuam vo da Red Abbey in Cork guit ois des oanzige sichtbore Relikt vom Middloita in Cork. De Bezeichnung „Red Abbey“ geht af'n rödlichn Sandstoa zruck, dea beim Bau vo diesa ehemolign Klostakiach vom Priorat vo de Augustiner vawendt worn is. As ehemolige Prioratsglände findt se im Bereich vo da Dunbar und Margaret Street.
De Augustiner hom ihre Niedalossung in Cork zwischn 1270 und 1288 af Wunsch vo normannischn Stodherrn grindt. As Patrozinium vo da Klostakiach woar de Heilige Dreifaltigkeit. Augustinerbriada scheina bis zua Rebejion vo 1641 in da Priorei glebt z' hom.
Ob 1717 san de Klostagebaide ois Zuggaraffinerie gnutzt worn. Am 7. Dezemba 1799 san's weitgehnd bei am Brand vo da Fabrik zasteat worn, ledigli da Kiachtuam hod iwalebt. Am 20. Novemba 1780 hom de Augustiner in Cork den Grundstoa fia a neie Niedalossung in da Washington Street glegt. De neie Kiach is weahnd des Zwoatn Wejdkriags duach an Neibau easetzt worn, dea no heit zum Augustinerordn gheat.
Literatua[Werkeln | Am Gwëntext werkeln]
- Gwynn, Aubrey/Hadcock, R. Neville, Medieval Religious Houses Ireland, London 1970, S. 297.
- Harbison, Peter, Guide to the National Monuments of Ireland, Dublin 1970.
- Sheenan, C. u. a., Excavations at Red Abbey Cork 1992 and 2000, in: Journal of the Cork Historical and Archaeological Society 109 (2004), S. 1-38.
Im Netz[Werkeln | Am Gwëntext werkeln]
Commons: Red Abbey – Sammlung vo Buidl, Videos und Audiodateien
Koordinaten: 51° 54′ N, 8° 28′ W