Ruisreikäleipä

Aus Wikipedia
Zur Navigation springen Zur Suche springen
As Ruisreikäleipä
As Broud bein Drickan

As Ruisreikäleipä (ruis = Koan, reiskäleipä = Lochbroud) is a finnisches Broud. Es is a flocha Loab, aus Koanmejh gmocht, mid an Loch in da Middn. Es hod an Duachmessa vo umara 30 Zantimäta und is 3-4 Zantimäta dick.

As Loch in da Middn hod an praktischn Nuzzn. Friacha is as Ruisreikäleipä Broud nua a boa moi im Joar bocha woan. Nacha iss, moast in da Kuche, auf Schtanga aufghengt woan. So woars lang hoitboar und a guada Proviant. Omdrei sois recht gsund sei.[1]

As Ruisreikäleipä kimmt uaspringle aus Westfinnland. Des kimmt dohea, wei in Westfinnland moast nit mitn Head Broud bocha woan is, sundan mid an ausglogadn Broudbochofa. Des is vii aufwendiga und deshoib hod ma do imma glei an Haufa Broud bocha und des hod hoitboa sei miassn.

Im Netz[VE | Weakln]

 Commons: Ruisreikäleipä – Oibum mit Buidl, Videos und Audiodateien

Beleg[VE | Weakln]

  1. Bondia-Pons I, Nordlund E, Mattila I, Katina K, Aura AM, Kolehmainen M, Orešič M, Mykkänen H, Poutanen K. (October 2011). "Postprandial differences in the plasma metabolome of healthy Finnish subjects after intake of a sourdough fermented endosperm rye bread versus white wheat bread". Nutrition Journal 10: 116. doi:10.1186/1475-2891-10-116. PMID 22011443. PMC: 3214176. http://www.nutritionj.com/content/10/1/116/.