Schlogzeig

Aus Wikipedia
Wexln zua: Navigation, Suach
Der Artikl is im Dialekt Weanarisch gschrim worn.

Vorlage:Infobox Musikinstrument/Wartung/Parameter Tonumfang fehlt

Schlogzeig
engl.: drum set, italienisch: batteria, franzesisch: batterie
Drumsetmike.jpg
Klassifikation Membranophon (Drommen)
Idiophon (Becken, Cowbell)
Schloginstrument
Klangbeispui Rockbeat auf am Schlogzeig
Vawandte Inschtrumente Elektronisches Schlogzeig, Listn vo de Schloginstrument, Perkussion
Musika
Listn vo Schlogzeiga, Kategorie:Schlagzeuger


A Schlogzeig (aa: Drums, vo engl. drum kit/drum set) is a Kombination vo vaschiedane Schloginstrumente.

Je noch Musikstij und Musika kaun a Schlogzeig gaunz untaschiedlich aufbaut wern, es gibt oba an Standard, der an eascht amoi aufs Aug druckt wiad, waun ma des Instrument in ana Schui odar an Konservatorium leant. Neman akustischn Schlogzeig (oisa Trummln mid an Föö, wos heit oba normoi aus an Plastik is) gibz aar a elektronischs Zeigl. Schlogzeignotn wern innahoib vo da gängign Notnschrift notiat, da gibz fia bestimmte Trummln immar a bestimmte Tonhechn. Und fia olle Oatn vo Tschinöön, oisa a fia de Hi-Hat, mocht ma stott an Notnkopf an "x".

Schloginstrumentarium[VE | Weakln]

Standardaufbau vom Schlogzeig
1. Crashbeckn
2. Floortom (Staund-Tom-Tom)
3. Tom Tom (Hänge-Tom-Tom)
4. Kick-Drum (Große Trumml)
5. Snare-Drum (Klaane Trumml)
6. Hi-Hat

De aanzlnan Instrumente vom Schlogzeig-Set ghean entweda zua de Idiophone („Sööbstklinga“) oda zu de Membranophone („Fööklinga“). De Auswoi vo de Instrumente hängt vom musikalischn Kontext o, äussa vo da Stülistik und de Vuastöllungan vom Zeigla (des is a Kuazfuam vo „Schlogzeiga“).

De große Trumml hod a Fuaßpedäu mid an Schlegl auffegschrauft, de wiad min Fuaß tredn. Es gibt owaraa Zeigln mid zwaa große Trummln und aa wöche mit aana großn Trumml mid zwaa Pedäu. De klaane Trumml hod auf da Untaseidn meist a poa Stoifedan, damiz mehr scheppad und mea Obatöne kriagt. De Hi-Hat hod zwaa klaane Beckn, di ma mid an Pedäu zammtuschn lossn kau, heizudog wiaz oba hapsächli nua min Steckn gschlong, und min Fuaßpedäu wean de zwaa Beckn entweda mehr offn ghoidn, do rauschz mea und länga, oda zuagmocht, do wiaz daun mear a Tickn.

Literatua[VE | Weakln]

  • Tom Börner: Stimmen der Trommel. Im Handumdrehen zum guten Sound, Tipps zum Stimmen des Schlagzeugs. Verlag musiktotal, ISBN 3-9809547-9-X
  • Geoff Nicholls: The Drum Book. A history of the rock drum kit. Miller Freeman, San Francisco 1997, ISBN 0-87930-476-6
  • Peinkofer/Tannigel: Handbuch des Schlagzeugs. 2., rev. u. erg. Aufl., 1981

Im Netz[VE | Weakln]

 Commons: Schlogzeig – Sammlung vo Buidl, Videos und Audiodateien