Seeland (Dänemark)

Aus Wikipedia
Zur Navigation springen Zur Suche springen
Sjælland is a Weidaleitung fia den Artike. Fia de gleinamige Region schau: Region Sjælland.
Vorlage:Infobox Insel/Wartung/Bild fehlt
Seeland (Sjælland)
Gwassa Ostsee
Geographische Log 55° 30′ N, 11° 49′ O55.50444444444411.817222222222122.9Koordinaten: 55° 30′ N, 11° 49′ O
Lage von Seeland (Sjælland)
Leng 132 km
Broadn 116 km
Flechn 7.031,3 km²
Hechsta Beag Kobanke
122,9 m
Eiwohna 2.267.659 (1. Jänna 2018[1])
322,5 Einw./km²
Haptort Kopenhagen
Klimadiagramm vo Seeland
Klimadiagramm vo Seeland
Koartn vo 1665 mid Gliedarung in Harden (herrit)
Om Dom za Roskilde, Seeland (Dänemark)

Seeland (Vorlog:DaS) is mid ana Fläch vo 7031,3 km²[2] de gressde Insl vo da Ostsee und Dänemark im Ostn van Land. Mid 2.267.659 Eihwohna (1. Jänna 2018[1]) lem af iah rund 40 % vo de Eihwohna vo Dänemark; se is domid de mid Obstond bevejkarungsreichsde Insl van Land.

Nam[VE | Weakln]

De gnaue Heakunft van dänischn Nam „Sjælland“ is umstriddn. „Sjæl“ bedeidd im heiting Dänisch zwoar „Seele“, owa afgrund vo ejdan Afzeichnunga ko ma diese Deitung ausschliassn. Aa ane'm deitschn Nam entsprechnde Obleitung aus „siô/sæ“ („Sää“, mid da Bedeitung „Meea“) wead heit weidgehnd obglehnd – es ko jedoch sei, doss da deitsche Nam entstondn is, ois de dänische Foaschung za da Woatheakunft no ned'n heiting Stond eareichd ghod hod; de Dänen oiso sejbsd ognumma hom, doss da Nam „Seeland“ bedeidd. De heit voaherrschnde Affossung is: De oiddänische Foam „Siâland“ stommd vo ana Zammsetzung van Woat *selha- mid da Endung *wundia-. Letzdas bdetd „weist af, ähnld“. As Woat *selha- ko zwoa vaschiedne Bedeitunga hom: Es ko zan oana „Säähund“ bedeitn (im heiting Dänisch „sæl“) und zan ondan „diafe Bucht, Förde“ bedeitn. D da wichtigsde Ort af Seeland friaha Roskilde woa, wos af'm Sääweg nua duach'n enga und vazweigdn Roskilde-Fjord z'eareichn is, wead meist ognomma, doss de Sääfoahra noch diesm de Insl bnennd hom.[3]

Geografie[VE | Weakln]

Im Noadostn vo Seeland bfindd se de dänische Haptstod Kopenhagen, de se zan Tei af de Nochboainsl Amager eastreckd. Mid de umliengdn Ort buidd Kopenhagen de Haptstodsregion (Region Hovedstaden), oane vo de fimf Vawoitungsregiona vo Dänemark. Se hod af ana Fläch vo 2561 km² 1.167.569 Eihwohna (Stond: 1. Jenna 2009)[4], beheabeagd oiso af weniga ois 6 % vo da Fläch van Land meah ois 20 % vo da dänischn Bevejkarung. Domid is diesa Tei vo Seeland des mid Obstond gressde Boiungszentrum vo Dänemark. Zglei buidd's an dänischn Tei vo da Öresundregion.

Za da westlichn Nochboainsl Fyn (deitsch: Fünen), iahraseits duach zwoa Bruckn im Noadwestn mid'm dänischn Festland vabundn, fiahd de Storebælt-Bruck. Mid da sidlichn Nochboainsl Falster is Seeland duach de Bruckn: Farøbroerne und Storstrømsbroen vabundn und mid Møn iwa de Dronning Alexandrines Bro. Seit 2000 hod Seeland iwa de Öresundvabindung, ana Bruckn- und Tunnlkombinazion, direkdn Oschluss on de schwedische Provinz Schonen.

A weidare wichtige Stod is de ehemoiige Haptsto Roskilde mid iahm Wejdkuituaeabe, am Dom z Roskilde.

Hexde natialiche Eahebung vo Seeland is de Kobanke mid 122,9 Meta. Gyldenløves Høj eareichd 121,3 Meta, mid'm Dolmen 125,5 Meta. Im Noadtei vo da Insl is dea Maglebjerg mid 91 Meta de hexde Eahebung. Ea liegd im Woid vo Rude (Rude Skov) unmiddlboa estli vo Ebberødgård.

Entstähungslegende[VE | Weakln]

In da Gylfaginning wead bschriem, wia da schwedische Saongkini Gylfi a Stickl Land on de umheawondande Gefjon vaschenkt hod, dean Suhn, zwoa Riesn aus Jötunheim, as Gschenk mid om Pfluag van Festland noch Westn losgrissn san.

Schau aa:[VE | Weakln]

Beleg[VE | Weakln]

  1. 1,0 1,1 Statistikbanken -> Befolkning og valg -> BEF4: Folketal pr. 1. januar fordelt på øer (dänisch)
  2. Danmarks Statistik: Statistical Yearbook 2009 - Geography and climate, Table 3 Area and population. Regions and inhabited islands (englisch; PDF; 39 kB)
  3. Beidrog vo Jan Katlev, Midvafossa Politikens Etymologisk Ordbog
  4. www.statistikbanken.dk → Befolkning og valg → Folketal → Tabelle BEF44: Folketal pr. 1. januar fordelt på byer (2006-2009), obgruafa om 5. Oktoba 2009

Literatua[VE | Weakln]

Normdatn: GND: 4054144-7 | VIAF: 142960715