Siebm Plogn vo da Endzeid

Aus Wikipedia
Zur Navigation springen Zur Suche springen

De Siebm Plogn vo da Endzeid (oda de „Schoin vom Zoan“) san a Thema in da Offnboarung vom Johannes im Neien Testament vo da Bibel. De Vision vo de siebm Plogn foigt af de Visiona vo de siebm Siegl und de siebm Posauna. De Plogn keman aus da siebtn Posaune aussa und san a Tei vom Jingstn Gericht.

De siebm Plogn[VE | Weakln]

De siebm Plogn vo da Johannesapokalypse san:

  1. schlimme Gschwia ba dena Leit, de wos s Zoachn vom Viech (= de Zoi "666") drogn
  2. es Meawossa wead za Bluad und olle Mearesviecha steam
  3. de Fliss und Quejn wean za Bluad
  4. de Sun wead hoassa und vasengd Menschn
  5. es Reich vom Viech wead vafinstad
  6. da Euphrat drickad aus
  7. es gresste Eadbebm vo oin Zeidn zastead olle Insln und Beage; groussa Hogl prasslt af de Eadn nieda

Hehepunkt[VE | Weakln]

Da Hehepunkt vo de siebm Plogn is de Wiedakumft vom Kristus, de wo zua letztn Schlochd z Harmageddon fiad.

Exegetische Deitung[VE | Weakln]

De siebm Plogn vo da Endzeit hom Ehnlichkeidn mi de zehn Landplogn]] beim Auszug vo de Israeliten aus Egyptn im Oidn Testament.

Wearend si z. B. bei da 10. biblischen Plog de Israelitn voa de Auswiakunga schitzn hom kena, indems iare Haisln mitm Bluad vom Lamm markiad hom, guit in da Endzeid es Bluad vom Kristus ois Eakennungsmeakmoi. A wesentlicha Untaschied is, dass de 10 Plogn nua fia a Land goitn hom und de 7 Plogn fia de ganze Wejd gejtn.

Da Zweck vo de 10 biblischn Plogn wor, de Israelien aus da egyptischn Knechtschofd weg z fian, de siebm Plogn vo da Endzeid soin es Goddesvoik befrein. Dazua ghean olle Menschn, de wo „die Gebote Gottes und den Glauben Jesu” (s. Ofenboarung 14, 12) foign.

Literatua[VE | Weakln]

  • Ekkehardt Müller: Der Erste und der Letzte. Studien zum Buch der Offenbarung, Peer Lang Verlag, Frankfurt 2011, ISBN 978-3-631-61132-6
  • Franz Tóth: Der himmlische Kult. Wirklichkeitskonstruktion und Sinnbildung in der Johannesoffenbarung, Evangelische Verlagsanstalt, Leipzig 2006, ISBN 978-3-374-02427-8