Simboch am Inn

Aus Wikipedia
Wexln zua: Navigation, Suach
Wobbn Koartn
Wappen der Stadt Simboch am Inn
Simboch am Inn
Deutschlandkarte, Position der Stadt Simboch am Inn hervorgehoben
48.26666666666713.016666666667345Koordinaten: 48° 16′ N, 13° 1′ O
Basisdatn
Bundesland: Bayern
Regierungsbezirk: Niederbayern
Landgreis: Rottal-Inn
Häh: 345 m ü. NHN
Fläch: 47,33 km²
Eihwohna: 9691 (31. Dez. 2014)Vorlage:Infobox Verwaltungseinheit in Deutschland/Wartung/Noch nicht auf Metavorlage umgestellt
Dichtn: 205 Einwohner je km²
Postloatzoi: 84359
Voawoi: 08571
Kfz-Kennzoachn: PAN, EG, GRI, VIB
Gemeindeschlüssel: 09 2 77 145
Stadtgliederung: 129 Stadtteile
Adress vo da
Stadtvawoitung:
Innstraße 14
84359 Simbach a. Inn
Hoamseitn: www.simbach.de
Buagamoasta: Klaus Schmid (CSU)


Simboch am Inn (amtle: Simbach a.Inn) is a Ståd im Sidn vo Niedabayern, fosd fuchzen Kilometa esdle vo da Mindung vo da Soizach in Inn. Simboch is desweng genau an da boarisch-äsdareichischn Grenz, de wo in da Middn vom Inn laufd. De boarischn Nachbagmoana han Kirchdoaf am Inn, Reid, Stumbeag und Widdibreidt. D'äsdareichische Nachbagmoa is Braunau.

Gschichd[VE | Weakln]

Simboch wiad ois Sunninpah zun easdn Moi 927 uakundlich gnennd. Zum End vom 18. Joahundád 1777/1779 is as Innviadl oan Äsdareich obgem woan, aíso is fia d'Umgebung vo Simboch as Wiatschafts- und Verwoitungszentrum Braunau am Inn weggfoin. Ois Reaktion foangd oawa vo dea Zeid aa da wiatschaftliche Aufschwung fia de Grenzstod oa.

As gräsde Wachstum dalebd Simboch noch'm Bau vo da Zugschdregg Minga - Simboch - Braunau - Linz - Wean. Da greose Grenzbahof bringd unda andam Wiatschaftsundanehma dazua, si dodn azunsiden, zum Beispüi de deitsche Heraklith AG, awa drodsdem wan de Zugschdreggan herenda- und drendahoi vo da Grenz lang da gräsde Awaddgeba z'Simboch, desweng is Simboch d'"Eisnbanastod" gnennd woan. 1951 is Simboch zu oana Stod gmochd woan und is nachad de jingsde Stod im Landgreis Reodoi-Inn.

A Baustui bschdimmd as Zendrum vo Simboch: da Jugndstui. Ois as makandasde Beispui fia des guid s'Rodhaus. S'is in de Jar 1988/1989 renoviad woan.

Religiona[VE | Weakln]

D'heifigsde Konfession z'Simboch is d'reemisch-kaddólische. S'gibd z'Simboch aa á evângelische Pfarrgemeinde, zu dea olle Evoangelischn vom sidlichn Schdiggal vom Loandgroas Reodoi-Inn keman.

Eingemeindungen[VE | Weakln]

Wia d'boarische Gebiádsendarung 1972 woar, hán dee Gmoana Kiachbeag, Eggsschden und Ealoach noach Simboach êigmeindt won.

Woppn[VE | Weakln]

De Wêin zoang án Inn und d'Bruggá is da wichdiga Weg iwan Fluss noch Äsdareich. Am Stammwoappn vo dee Groafn vo Toerring hán de drei Rosn ausagnumma. Dees Gschlechd hod de Hofmoarksheaschofd seid 1647 ghod. Wia de Stod 1743 bei dá Schlochd z'Simboch foasd goanz zoamghaud won is, hoam dee Groafn vo Toerring fian Widáaufbau gsoagd.