Sond

Aus Wikipedia
Duna vo Sond, Libyen
Nohafnohm vo Sond in da Wiastn Gobi, Mongolei

Sond (dt. Sand, engl. sand) is a Haufa vo gonz kloane Breckal und Keandln vo Stoana und Fejsn, wo in da Natua duach Vawiddarung entstenga.

Sond hod a Keandlgräss vo 0,063 bis 2 Millimeta. Stoanakeandln wo grässa san, hoasst ma Schooda oda Kislstoana. Keandln wo kloana san wia Sond nennt ma Schluff.

Sond ko gonz vaschiedn zammgsezt sei. Da haifigste Sond is oba da Quarzsond. Quarzsond wead ois Baustoff und in da Glos- und Hoibloataindustrie recht haife gnuzt.

Spezieja Sond[Werkeln | Am Gwëntext werkeln]

  • Rundsond (Sond wo voa oim runde Keandln hot)
  • Flugsond (Sond mid gringa Keandlgräss, wo duachn Wind bewegt wead und in Wiastn Duna buidt)
  • Flussond (Sond wo im Fliss bewegt woarn is oda wead; so a Sond is rund und ausgwoschn)
  • Treibsond (wässriga Sond mid gringa Bindung)
  • Bruchsond (natiale broachane Keandl mid schoarfn Kantn)
  • Quetschsond (kinstle brochane Keandl mid schoarfn Kantn)

Sondsprich[Werkeln | Am Gwëntext werkeln]

  • Eppas in Sond sezn (Scheisse baun)
  • Jemondn Sond in d Aung straan (daischn)
  • Wia Sond am Meer (a Riesnhaufa)
  • Sond im Getriab (wen wos net rund lafft)
  • En Schädl en Sond stegga (da Gfoar net ins Aug schaugn)
  • Im Sond valaffa (wen aus an Doa nix aussakimmt)
  • Wia Sond duach d Finga rinna (wen wos valuan is)
  • Af Sond baun (wen wos koa gscheide Grundlog hot)

Im Netz[Werkeln | Am Gwëntext werkeln]

 Commons: Sond – Sammlung vo Buidl, Videos und Audiodateien