Sprochheilschuij

Aus Wikipedia
Der Artikl is im Dialekt Westmittlboarisch gschriem worn.

A Sprochheilschuij moant a Sondaschuij fia Sprochbehindate, wobei dea Bgriff neiadings in Berlin easetzt wead duach de Bzeichnung Grundschule mit dem Förderschwerpunkt Sprache oda Sekundarstufe I mit dem Förderschwerpunkt Sprache.

On soijchane Schuij wead bdont binnendifferenziata "Regluntaricht" noch am Rohmanplon in kloane Klassn mit uma 12–14 Schüla eateijt, eagänzt vo spezifischan Therapieogebot außahoijb vom Untaricht.

"Sprochbehindarungan" kinnan vaschiadane bzw. mehrare Uasochn homn, d. h. vo organischa wia psychogena Natua sei. Se song fia si gnumma no nix iaba de Intelligenz von am Menschn bzw. vo seina weidan Buijdungsfähigkeit aus. Sea oft sans Symptom vo a "Entwicklungsvazögarung".

San de Schüla "austherapiert", weans bislong (wieda) o "Reglschuijn" oda ggf. ondane "Sondaschuijn" weidavamittlt. S gibt jedo oijwei mea Bstrebungan, osteij vo "Sondaschuijn" auf as duachgängige Integrationsschuijmodeij zsetzn. Kritika bfiachtn, dass de btroffanan Schüla domit a noutwendiga "Schon"- bzw. Voabreitungsraum gnumman wead.