Stephen Grover Cleveland

Untaschrift vom Grover Cleveland

Stephen Grover Cleveland, kuaz Grover Cleveland (* 18. Meaz 1837 in Caldwell, New Jersey; † 24. Juni 1908 in Princeton, New Jersey), woa a amerikanischa Politika und sowoi da 22. ois aa da 24. President vo da USA.

Da Cleveland woa vuahea Sheriff vo Erie County, ob 1881 Buagamoasta vo Buffalo und seit 1882 Gouverneur vom Bundesstoot New York.

Seine jingan Joa

Da Stephen Clover Clevland is am 18.3.1837. in Caldwell ( New Jersey) ois fünfts vo nein Kinda gboan woan. Sei Vota, da Richard Falley Clevland woa a konsavativa presbytarischa Prediga (Calvinist). Sei Muadda, de Ann Neal Clevland woa a recht a fromme Hausfrau.

Weng an Bruaf von Vota is d`Famülie eftas im Stoot New York umzogn. Ois da Clevland 16 Joa oid woa is sei Vota gstoam und ea hod sei Studium untabrecha missn, weu ea a d`Famülie untastizn hod missn. Mid sein Bruada hod ea bei da newyoaka Sozialpädagogie goawad und des hodn aa a wengl via sei weidas Lebm prägt. Nembei hod ea nu Jura studiat. Unds Studium hod ea 1858 mid da Advokatnprifung ogschlossn.

De Zeid ois Advokat

Ob 1859 hod a ois Refarenda in da Awoidskanzlei Roger, Bowen und Rogers goawad. 1863 hod ea in Buffalo a oagne Kanzlei eaöffnt. Do ea sea bscheidn woa hod eam zan Schloffa a kloans Pensionskammal greicht. Spada is ea zua Mudda und sene Schwestan zogn dean Untastizung ea iwanumma hod. In dera Zeid, hod a se politisch da Demokratischn Poadei zuagwend und fia de hod ea 1865 fias Aumt von Distrikt-Stootsawoit kandidiat. Dabei hod ea nua knopp gegn sein republikanischn Freind valuan. Politisch hod a se daun bis 1870 a wengli zruck ghoidn, ois ea des gwöde Amt des Sheriff vo Erie County iwanumma hod. Im Joa 1873 hod ea mid zwoa Freind a Kaunzleigmoaschoft gründ. Obwoi oana dea Drei, da Lyman K. Bas in Senat gwöd wuan is haums de Kaunzleigmoan afrecht ghoidn. Ea woa domois sea Gocht und a scho regional sea agseng. Owa Neamd hed se fuastön kena, wos fia polidischa Afstig nu voa eam gleng warad.

Da S.G.Clevland ois Polidiga

Za dera Zeid woan de meistn Polidiga korrupt, Änligkeitn mid Heid san vamuatli nua zuföllig. Ois im Februa 1882 in Buffalo (in Stoot vo New York) des Amt vun Buagamosta vakant woan is hod ma se bei de Demokratn anan Clevland eainnad, ois an rechtschoffna und unbstechlign Mau. Ma hod eam za Kandidatua iwared und ois Kandidatn afgstöd. De Buagamastawoi hod ea a daun mid uma 60 Perzentl gwunna. Ois da neiche Buagamasta hod ea glei Oanigen Vaträg, de nu unta sein republikanischn Vuagänga ogschlossn wuan san, owa finanziö schlecht fia Stood woan, sei Zuastimmung vaweigat. Ea hod de Vadrog de vuarign Bestbiata iwatrogn. Zwegn de Ausandasezungan is ea im gaunzn Stoot New Yoak ois a ealicha und korrekda Polidga bkaunt wuan und da ea söwa an de 125 Kilo gwogn hod, is ea da Big Steve gnennd wuan. Im söbn Joa is ea ois demokratischa Kandidat zua Gouvanöaswoi afgstöd wuan und ea is a 1882 zan Gouvanöa vom Stoot Newyork gwöd wuan.A de Woi hod a mid oan grossn Stimmanfuasprung gwunna. Draf hod ea aa an neichn Spiznaum griagd. Eam hod ma daun en Onkö Jumbo ghoassn.

De easchte Presidentschoft

1884 in da Zeid oas a Gouvanöa woa san de Presidentwoin fua da Tia gstaundn. De Republikana woan zstritn. Owa a de Demokraten hom se af zwoa Kandidatn eigschwoan. Do hods an Kompromisskandidatn brauchd und des woa da Dridde in da Vuawoi. Da Clevland is daun a ois demokradischa Kandidat ins Renna ums Amt adredn. Ea is a gwöd wuan und so is ea a ois 22 President vo da USA am 4.3.1885. ins weisse Haus eizogn.

Nochträgli gseng woa ea da oanzige demokradische President in oan Zeidraum vo 52 Joa. Ea woa owa a konsawativ eigstöd, owa ea hod de Vawoitung Umgmodld und merare neiche Beamde eigstöd.Seine Habtaulign hom da Wiatschoft und dem Sozialn goidn. Ea woa fia libarale Wiaadschoftsoadnung und hod dahea a gegn streikade Oawata s´Mülitea eigsezt (Pullman-Streik); andaraseids hod a owa a ned fia de Reichn de Steian gsengt. In dera Zeid is aa de Freiheitsstatue inan New Yoaka Hofn eigweid wuan.

Weir a Jungsö woa, hod sei Schwesta den Ploz vo da First Lady eignumma. Sein oada kraunga Freind Folsom hod a vasprocha das a se um sei Tochta kimman wiad. De Frances Folsom is daun a za eana zogn. Und wias 21 Joa oid wuan is hod as gheirat.

So is ea zan oanzign President woan, dea wos im Amt gheirat hod. Und weir a scho 49 Joa oid woa und de Franzis eascht 21 Lenz zöd hod sans aa des Presidentnparl midn gresstn Oatasuntaschid. Und de Franzes is a bis heid de jingste First Lady blim.

Midanaund homs 5 Kinda ghobd. Owa fia sei Widawoi hod eam de Heiratarei mid seim jungan Weibal recht gschod. De Woi zan 23 Presidentn hod da Republikana Benjamin Harrison gwunna.

De blauan Stootn hod da Cleveland gwunna.
Es easchte Kabinet vom Cleveland
De junge Franzes Folsom
Hozad vom President Cleveland und da Frances Folsom

Zwoate Presidentschoft

Do de 23 Presidentschoft vom Harrison iwahaubt ned glickli glaffn is, hod ma se gean on an den Grover Clevland eainnad. Oiso is ea wida ois demokradischa Kandidat atredn. Und 1893 is ea zan 24 Presidentn vo de USA gwöd wuan.

Ea woa a vatrogstreia, konsawativa owa a aa sozieu eigstöda President. Ea hod zwoa de Anexion Hawaii`s unta Harrison vauateud, hods owa a ned zruckgnuma. Obwoi ea Oawatastreiks nidaschlong lossn hod, san unta eam de Sozieugsez ausbaut woan, Und ois ma eam bdrengd hod de Steian fia de Reichn zsenkn hod ea entrüst oglend.

Bkaunt is a Ausspruch vo eam de de Oat vo seine Vahaunlungan awengl afzoagd. Ois a Senator a Gsezvualog von Clover fuam Senat mid de Wuat oglend höd:

De Entscheidung valezt den Geist des Gsetz.

Hod eam da President gaunz gfosst gantwoat:

Ma hod nu nia an Mau dafia Ghengt weu ea den Geist von Gsetz valezt hedat.

Ea Woa a Prediga, Advokat, Sheriff, Buagamoasta, Gouvaneua und zwoamoi, dea 22. und da 24.igste President vo de vaeinigtn Stootn vo Amerika (1885-1889 und 1893-1897).

Am 24. Juni 1909 is a im Oata vo 71 Joa anan Heazinfakt vastuam.

Electoral College 1892
Da Cleveland, 1986

Schau aa

Litaradua

Robert Kelley: Presbyterianism, Jacksonianism and Grover Cleveland. In: American Quarterly. 18, Nr. 4, 1966, S. 615–636, S. 615.
Howard Zinn: A People’s History of the United States. Harper Perennial, New York 2005, ISBN 0-06-083865-5, S. 258.
Robert Kelley: Presbyterianism, Jacksonianism and Grover Cleveland. In: American Quarterly. 18, Nr. 4, 1966, S. 615–636, S. 615 f.

Im Netz

Commons: Grover Cleveland – Sammlung vo Buidl, Videos und Audiodateien

Presidentn vo da USA