Buffalo

Aus Wikipedia
Der Artikl is im Dialekt Obaboarisch gschriem worn.
Buffalo Landesflagge
Stodbuid
Buffalo Stodbuid
Basisdatn
Stoot: Vaoanigte Stootn
Bundesstoot: New York
County: Erie County
Zwischnnetz: www.buffalo.com
Spitznam vo da Stod: Queen City of the Lakes, Nickel City
City of Good Neighbors, City of Light

Buffalo (Spitznam: Queen City of the Lakes) is mit uma 261.000 Eihwohna (2010) de zwoatgresste Stod vum Bundesstoot New York in de Vaoanigtn Stootn. De Metropoinregion Buffalo-Niagara hod a Gsamtbevejkarung vo 1,1 Millionen. Buffalo liegt im Erie County an da Nordostspitzn vum Eriesee, ned weit vo de Niagarafoi weg, und is heit a moderne Industrie- und Hafnstod.

Buffalo is um 1789 ois kloana Handlsplotz am Buffalo Creek (da untare Tei hoasst Buffalo River) grindt worn.[1] Nach da Eaeffnung vum Erie Kanal 1825 is Buffalo schnej gwochsn und a wichtige Eisnbahnstation worn. Um 1900 wor Buffalo de achtgresste Stod vo de Vaeinigtn Staatn und da wichtigste Stoihindustriestandort vo da ganzn Wejd. Heit is nua no af'n 46. Platz und hod weniga Einwohna wia domois. De Ändarung vo de Vakeahsweg af de Groussn See, zum Beispui durch de Eaeffnung vum Sankt-Lorenz-Seeweg (englisch: Saint Lawrence Seaway), und de Abwandarung vo da Stoihindustrie worn de wichtigstn Faktorn fir den Niedagang.

Im boarischn Sprochram is Buffalo woascheinli vuin duach des Gedicht John Maynard vom Theodor Fontane bekannt. De Gedichtzein „…und no (x) Minutn bis Buffalo…“ is zum gfliagltn Woat worn. 1997 is in Buffalo a Bronzetofe afgstejd worn, de wo an dees Gedicht eainnat.

Eadkund[Werkeln | Am Gwëntext werkeln]

Buffalo, wens bliaht…

Buffalo liegt am estlichn End vum Eriesee, gegniba vo da kanadischn Stod Fort Erie, Ontario, am Ofang vum Niagara River, vo dem da See entwassad wead und dea wo af Noran zum Ontariosee fliasst.

Noch de Ogobm vom United States Census Bureau hod de Stod a Flächn vo 136,0 km², davo entfoin 105,2 km² af Land und 30,8 km² (= 22,66 %) af Gwassa.

In da Region heascht a feichts Kontinentalklima, wos oba duach de Groussn Seen a Seeklima-Komponentn hod. De Ibagangszeidn zwischn Summa und Winta san in Buffalo so ziemli kuaz.

De Summa san sunnig und drockn, de Winta san koid und schneereich und dauan vo Mittn Novemba bis Ofang Aprui.

De Log am See, bringt im Summa a gmassigts Klima, ko im Winta oba za an Haffa Schnee und Blizzards fiahn. Vom Schneefoi san uma 50% duach an Erie-See vauasocht. In dem Augnblick wo da See zuagfrorn is, nimmt da Schneefoi sofuat ow.

Stodlandschofd[Werkeln | Am Gwëntext werkeln]

Stodtei[Werkeln | Am Gwëntext werkeln]

Buffalo hod 32 Stodtei: Allentown, Bailey-Lovejoy, Black Rock, Central Park, Cold Springs, Delaware District, Downtown, East Side, Elmwood Village, Fillmore-Leroy, First Ward, Fruit Belt, Hamlin Park, Hospital Hill, Humboldt Park, Kaisertown, Kensington, Kensington Heights, Lower West Side, Masten Park, North Buffalo, North Park, Parkside, Broadway Fillmore, Riverside, Schiller Park, South Buffalo, University District, University Heights, Vernon Triangle, Upper West Side, and Willert Park.

Noch da American Planning Association is da Stodtei Elmwood Village in Buffalo ois drittbesta Stodtei vo de Vaoanigtn Stootn eingstuaft.[2]

Buffalo, New York, vo da Interstate 190 - ausn Nordn gsegn

Wiatschofd[Werkeln | Am Gwëntext werkeln]

Buffalo wor fir lange Zeit a wichtiga Standort fir de Stoih- und Automobuiindustrie. Ein Groußtei vo da Industrie it owgwandat.

Seitn Ofang vom 21. Joarhundat hod si Buffalo imma meah zua an Bioinformatik- und Genforschungszentrum entwicklt. De Foaschung wead mit Huif vo da University at Buffalo und am Roswell Park Cancer Institute betriem.

Spoat[Werkeln | Am Gwëntext werkeln]

De wichtigstn Spoatvareine in da Stod san:

  • Buffalo Bills (American Football) in da National Football League
  • Buffalo Sabres (Eishockey) in da National Hockey League
  • Buffalo Bisons (Baseboi) in da International League, Farmteam vo de Cleveland Indians
  • Buffalo Silverback] (Basketboi) in da American Basketball Association
  • Buffalo Bandits (Lacrosse)

Kuitur[Werkeln | Am Gwëntext werkeln]

Architektur[Werkeln | Am Gwëntext werkeln]

Partnastädt[Werkeln | Am Gwëntext werkeln]

Beleg[Werkeln | Am Gwëntext werkeln]

  1. The Bufflonian: White Settlement of Erie County Begins
  2. American Planning Association: Elwood Village - Owgruafa am 14. Dezemba 2008

Im Netz[Werkeln | Am Gwëntext werkeln]

 Commons: Buffalo, New York – Oibum mit Buidl, Videos und Audiodateien