Stimmhaftigkeit
| Stimmhafte | |
|---|---|
| ◌̬ | |
| Kodiring | |
| HTML (decimal) | ̬ |
| Unicode (hex) | U+032C |
Stimmhaftekait oda Tounadhait is a Bagrif i da Fonetik u Fonologi fia s Baschreim vo Sprochlautnan. D Lautt kinna stimmlous, resp. ned tounad, oda aa stimmhaft, resp. tounad, saa. Da Bagrif wiad owa "zwi-sinnade" gnutzd:
- d Stimmhaftekait ko an artikulatorischn Prozess, also an echtn Vuagang, ba dan wou ma redt, batreffn, i den wou d Stimmlippn wibrian oda trema. Dej Definizion as wej a sechtana "Tremadekait" wiad bsundas oda am mejran i da Fonetik gnutzd fia s Baschreima, oda Nouchat-Asposamentian, vo de Lautna.
- d Stimmhaftekait wiad owa aa fia s Kategorial oda Lauttkastl vo dene Sprochlautna gnutzd, dej wou gwenle midrana Stimmhaftekait douheakumma, owa afrana artikulatorischn Eemma ej amols aa stimmlous saa kinna. Dej Definizion wiad bsundas un am mejran i da Fonologi fia s Baschreim vo de Fonemma gnutzd.
I de mejran eiropejschn Sprochnan, bsundas mid da Asnam von n Islendischn, san d Vokall un ondane Sonorantn (wej m, n, l u r) modal stimmhaft.
Bei da Klassifikazion von en Sprochlautnan san stimmhaft u sitmmlous gwenle blouss Stempfl oda Wappal fia a Gruppn vo Fonna u Fonemma.
Notazion[Werkeln | Am Gwëntext werkeln]
Des Internazionala Fonetischa Alfabet houd vaschinane Bouchstamma fia vill stimmlous u stimmhafta Poar vo Konsonantn (Obstruentn), wej nou en Modl vo [p b], [t d], [k ɡ] u [q ɢ]. Nemmadem git s weitas a diakritischs Zoichn fia d Stimmhaftekait: ⟨◌̬⟩. Dea Diakritika wean typischaweis ba Bouchstamma gnutzd, dej wou gwenle stimmlous san.
I Unicode san dea kodiatn Symbol U+032C ◌̬ COMBINING CARON BELOW (HTML ̬) u U+0325 ◌̥ COMBINING RING BELOW (HTML ̥).
Dej Daweitarunga zen IPA (extIPA) hom a Notazion fia a toalnata Sonorisiring (Vastimmhafting, Sonorisazion) un a Entsonorisiring wej aa fia a Õfangs-Vastimmhafting.
| Toalnata (Ent-)Sonorisiring[1] | |||
|---|---|---|---|
| ₍s̬₎ | toalnata/zentrola Sonorisiring vo [s] | ₍z̥₎ | toalnata/zentrola Entsonorisiring vo [z] |
| ₍s̬ | viardarischa (oda voanweg laffada) Sonorisiring | ₍z̥ | viardarischa Entsonorisiring |
| s̬₎ | hintrischa (oda hintnou hinkata) Sonorisiring | z̥₎ | hintarischa Entsonorisiring |
D toalnata Sonorisiring ko aa leicht un uvaendat furtlaffad, oreissad oda schwankad in n Grod vo da Sonorisazion saa. Se findt se in n standardmaassing IPA i Schreibweisnan wej [ᵇb̥iˑ] un [ædᵈ̥].[2]
Gradd vo da Sonorisiring[Werkeln | Am Gwëntext werkeln]
Es git zworaloi Parameta oda Axn fia n Grod vo da Stimmhaftekait, d Stiakn (Intensitejt) u d Daua (Durazion). Wenn a Toun "holwad stimmhaft" oda "toalnad stimmhaft" gnennt wiad, woiss ma nu niad, wos d Sonorisiring schwoch (vo gringa Intensitejt) oda oreissad (vo kuaza Zeid) is.
Stimmhaftekait u Kraft[Werkeln | Am Gwëntext werkeln]
Oa Sprochn hom Obstruentn vo da Fuam /p t k f s x …/ gengiwa /b d ɡ v z ɣ …/, aa wenn d Stimmhaftekait (oda aa d "Stimmõsatzzeit") durtn koa Rolln ned spillt. Den Untaschid hoisst ma Fortis-Lenis-Kontrast oda aa d "Spannkraft" (engl. tenseness). Beispill doudafia findt ma midunta in n Alemannischn un n Boarischn. Stimmhafta Obstruentn git s durtn praktisch nea unta romanischn oda slawischn Eifluß wej in n Tischlwongarischn un in n Gottschearischn.
Schau aa[Werkeln | Am Gwëntext werkeln]
- Sonorisazion u Desonorisazion
- Fonazion
- Artikulazionsstelln
- Stimmlousekait
Beleg[Werkeln | Am Gwëntext werkeln]
- ↑ Dej Klamman soltatn unta n Bouchstom sitzn, wos owa vo Unicode nu ned ganz midgmacht wiad. I da Version 8.0 findt se nea d zentrola Sonorisiring un Entsonorisiring, [s̬᪽] u [z̥᪽].
- ↑ Kretzschmar: Handbook of the Linguistic Atlas of the Middle and South Atlantic States, University of Chicago Press 1993, S. 122.