Internationals Phonetischs Alphabet
| Der Artikl is im Dialekt westlichs Noadboarisch gschrim worn. |
As Internationale Phonetische Alphabet (IPA) is a phonetischs Alphabet. Mid dean ko'ma olle menschliche Sprouchn lautmasse recht gnau bschreim und afschreim. Entwicklt houts de International Phonetic Association. Es IPA is heint des Lautschriftsystem, wos om weitern vabroitt is.
Wos fir Zeichn hergnumma wern[VE | Weakln]
De IPA-Zeichntabölln nutzt unta ondern Bouchstom vom lateinischn und vom griachischn Alphabet, tolweis in ara ogwondeltn Form. A jeds Zeichn stejt dou fir oan Laut odas bschreibd an schou ogema Laut gnejer.
D Sunderzeichn vom Alphabet han in Unicode in Bereich vo U+0250 bis U+02AF (IPA Extensions) afgnumma worn. De normaln Zeichn asn Lateinischn find'ma vo U+0020 bis 007E (Basic Latin), de bsundern lateinischn vo U+00C0 bis U+024F (Latin-1 Supplement und Latin Extended), dej asn Griachischn vo U+0370 bis U+03FF (Greek and Coptic). De Zeichn, dej wou an Laut gnejer bschreim, vo U+2B0 bis U+036F (Combining Diacritical Marks). Ejamol nimmd de International Phonetic Association Zeichn dazou, wegga, oder enderts.
In de druntern Tabölln, bol'ma min Mauszoicha af a Zölln foat und a wengl af derer bleibt, nou erscheint a Tooltip-Text, dea sogt oan d Unicode-Nummer vo Zeichn in da Zölln.
Vokale[VE | Weakln]
De Vokale wean untaschin nouch da Stöllung von da Zunga (vorn - zentroi - hint), vo Mund (offa - middl - gschlossn) und vo de Lippm (grundt = gru. - ungrundt = ung.). Ondere Nam fir offa und gschlossn (su hoissts a ban IPA) han tejf und houch nouch da Stöllung vom Untakiefa und da Zunga vo da Hejch her.
Nasal kinna d Vokale a gsprocha wean. Weiters kinnas olle kuaz und long sa. Des wead in IPA mid de Zousozzeichn gschrim, dej wean Diakritika und ghoissn. Mid deane kinna a ondere Feinheitn dougstöllt wean.
A IPA-Zeichn firn zentraln a-Laut, wej'a in Standarddeitschn und in an Tol boarische Dialekte firkummt, gits koans. Deratweng wead entweda as Zeichn firs vordere a gnumma: [a], oda da vakleanerte Grousbouchstob firs a: [a].
| D Zunga is → | vorn | fost voan |
zentral | fost hint |
hint | |||||
|---|---|---|---|---|---|---|---|---|---|---|
| Da Mund is ↓ | ung. | gru. | ung. | gru. | ung. | gru. | ung. | gru. | ung. | gru. |
| gschlossn (= houch) | i | y | ɨ | ʉ | ɯ | u | ||||
| fost gschlossn | ɪ | ʏ | ʊ | |||||||
| holwat gschlossn | e | ø | ɘ | ɵ | ɤ | o | ||||
| mittl | ə | |||||||||
| holwat offa | ɛ | œ | ɜ | ɞ | ʌ | ɔ | ||||
| fost offa | æ | ɐ | ||||||||
| offa (= tejf) | a | ɶ | ɑ | ɒ | ||||||
Konsonantn[VE | Weakln]
D Konsonantn wern unterschin noun Artikulationsort (bilabial usw.), nou da Artikulationsoart (Plosive usw.) und nouch de Luftstroummechanismen. De meistn Konsonantn han dou pulmonal, des hoisst das'ma asschnauft, wem'mas spricht. Niat-pulmonale Konsonantn han d Ejektive, d Implosive und d Klick. Stimmhafte (okirzt 'sth.) und stimmlouse (okirzt 'stl.) Konsonantn wern a unterschin.
In da easchtn Tabölln han olle Konsonantn afgnumma, dej wou ins oafache System von Artikulationsort einepassn. In da zwoatn Tabölln is da Rest afgnumma, der loutse niat su leicht anordnan.
De dunkl hinterlegtn Földer song, das'ma des physiologisch niat assprecha ko. Beispülsweis gejt a glottaler Nasal gorniat, wal ba ran Vaschlus vo de Stimmlippm koa Luft niat durch d Nosn asstrejma ko, usw.
| Wou da Laut artikuliert wead → | labial | koronal | dorsal | radikal | glottal | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| bilabial | labio- dental |
dental | alveolar | post- alveolar |
retroflex | palatal | velar | uvular | pha- ryngal |
epi- glottal | |||||||||||||||
| Wej da Laut artikuliert wead ↓ | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | ↓ Wechan Luftstroum |
| Nasale | m | ɱ | n | ɳ | ɲ | ŋ | ɴ | pulmonal | |||||||||||||||||
| Plosive | p | b | t | d | ʈ | ɖ | c | ɟ | k | g | q | ɢ | ʡ | ʔ | |||||||||||
| Frikative | ɸ | β | f | v | θ | ð | s | z | ʃ | ʒ | ʂ | ʐ | ç | ʝ | x | ɣ | χ | ʁ | ħ | ʕ | ʜ | ʢ | h | ɦ | |
| Approximantn | β̞ | ʋ | ɹ | ɻ | j | ɰ | |||||||||||||||||||
| Vibrantn | ʙ | r | ʀ | ||||||||||||||||||||||
| Taps/Flaps | ⱱ̝ | ⱱ | ɾ | ɽ | |||||||||||||||||||||
| laterale Frikative | ɬ | ɮ | |||||||||||||||||||||||
| laterale Approximantn | l | ɭ | ʎ | ʟ | |||||||||||||||||||||
| laterale Flaps | ɺ | ||||||||||||||||||||||||
| Implosive | ɓ | ɗ | ʄ | ɠ | ʛ | niat-pulmonal | |||||||||||||||||||
| Ejektive | p’ | t’ | k’ | ||||||||||||||||||||||
| Wou da Laut artikuliert wead → | bilabial | labio- velar |
labio- palatal |
alveolo- palatal |
velo- palatal |
velo- alveolar |
dental / laminal alveolar | apikal (post-) alveolar |
palato- alveolar |
lateral alveolar | |||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| Wej da Laut artikuliert wead ↓ | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | stl. | sth. | ↓ Wechan Luftstroum |
| Frikative | ɕ | ʑ | ɧ | pulmonal | |||||||||||||||||
| Approximantn | ʍ | w | ɥ | ||||||||||||||||||
| laterale Approximantn | ɫ | ||||||||||||||||||||
| Klick | ʘ | ǀ | ǃ | ǂ | ǁ | niat-pulmonal | |||||||||||||||
Diakritika und Suprasegmentalia[VE | Weakln]
D Diakritika und d Suprasegmentalia han Zousozzeichn. Mit deane wead d Assprouch vo oanzlne Lautt, vo Lautfolng, Sülm, Werter, Wendunga und Setz gnauer bschrim. In de druntern Tabölln werns ner oafach dougstöllt, Gnauers und Beispül findts in de Listn vo de IPA-Zeichn.
Diakritika[VE | Weakln]
Dej Zeichn bschreim oanzlne Lautt - Konsonantn und Vokale - gnejer.
D Diakritika, wouse min Haptzeichn vabindn, stenga standardmasse unter dean. Wenn des owa a Unterleng hout, nou ko es Zousozzeichn iwers Haptzeichn gstöllt wern. Asgnumma han nergrod d Diakritika fir knarrad [a̤] und fir behaucht [a̰], wal dej bedeitn driwergstöllt wos ondersch, nemle zentralisiert [ä] und nasaliert [ã]. D Zentralisiert-Tipfala derfa niat mit d Umlautzeichn vo de Normalalphabet vawechslt wern, fir dej Lautt gits ondere IPA-Zeichn: [ø œ y ʏ æ ɶ]. A Tol Diakritika stenga a hintern Haptzeichn.
D Diakritika fir ghum [e̝] und gsenkt [e̞] wern a fir a por Konsonantn hergnumma, mit ara extra Bedeitung: [ⱱ̝] und [β̞] (dej stenga in da drowan Konsonantntabölln).
Fir a por vabundane gits a extra Unicode-Zeichn: [ɚ] (U+025A), [ɝ] (U+025D), [ɫ] (U+026B) und de meistn Nasalvokale. owa normalerweis hans ar in Unicode zommgsetzt asn Haptzeichn und n Zousozzeichn. D Unicode-Nummern vo deane siat'ma, bol'ma min Mauszoicher af a Tabölln-Zölln fort und a wengl af derer bleibt.
Computertechnisch iss asu, das niat olle Schriftortn dej Zeichn hom oder korrekt doustölln kinna, a wennses hom, bsunders wenns in da normaln Schriftgrejss gschrim han. Drum han d Zeichn in da druntern Tabölln extra grous gschrim.
| Gruppm ↓ | ||||||
|---|---|---|---|---|---|---|
| Sülbischkait | sülbisch | niatsülbisch | ||||
| n̩ ŋ̍ | ɐ̯ y̑ | |||||
| Vaschluslejsung | nasal | lateral | niat zon Hejern | |||
| dⁿ | dˡ | d̚ | ||||
| Phonation | stimmlous | stimmhaft | aspiriert | behaucht | knarrad | |
| d̥ g̊ | t̬ q̌ | tʰ dʰ | b̤ a̤ | b̰ a̰ | ||
| Artikulationsort, Vokale | weiter vorn | weiter hint | zentralisiert | mittern zentralisiert | ghum | gsenkt |
| u̟ | i̠ | ë | e̽ | e̝ | e̞ | |
| Artikulationsort, Konsonantn | dental | linguolabial | apikal | laminal | ||
| t̪ | t̼ | t̺ | t̻ | |||
| Mit-Artikulationsort, Konsonantn | labialisiert | palatalisiert | velarisiert | pharyngalisiert | velarisiert oder pharyngalisiert | |
| tʷ | tʲ | tˠ | tˁ | ɫ | ||
| Mit-Artikulationsort, Vokale | stirker grundet | wenger grundet | rhotisch | nasaliert | Zungawurzl vorn | Zungawurzl hint |
| ɔ̹ y͗ | ɔ̜ y͑ | a˞ ɚ ɝ | ẽ | e̘ | e̙ |
Suprasegmentalia[VE | Weakln]
Dej Zeichn bschreim niat oanzlna Konsonantn und Vokale gnejer, sundern d Merkmol, dej wouse af Lautfolng, Sülm, Werter, Wendunga und Setz bezejng.
Computertechnisch gült fir dej dessölwe, wos vo de Diakritika gsogt worn is. Fir de meistn Tonkonturn-Kennzeichner hout Unicode niat amol einge Zeichn. Deratweng nema d Leit fir d Tonkonturn zwoa oder drei Tonhejchn-Kennzeichner in ara Rei her. In da druntern Tabölln iss ar asu dougstöllt.
| Gruppm ↓ | ||||||
|---|---|---|---|---|---|---|
| Betonung | Haptbetonung | Nembetonung | ||||
| ˈe | ˌe | |||||
| Leng | long | holwat long | extra kurz | |||
| eː tː | eˑ | ĕ | ||||
| Grenz und Vabindung | Sülmgrenz | Lautvabindung | ||||
| e.e | t͜s oder t͡s | |||||
| Rhythmus und Intonation | untergordnate Intonationsgruppm |
iwergordnate Intonationsgruppm |
Downstep | Upstep | Global Rise | Global Fall |
| | | ‖ | ↓ | ↑ | ↗ | ↘ | |
| Ton-Hejchn | bsunders houch | houch | mittern | nider | bsunders nider | |
| e̋ oder e˥ | é oder e˦ | ē oder e˧ | è oder e˨ | ȅ oder e˩ | ||
| Ton-Konturn | steigt | follt | houch und steigt | nider und steigt | steigt und follt | |
| ě oder e˩˥ | e oder e˥˩ | e˧˥ | e˩˧ | e˧˥˧ |
Schau a[VE | Weakln]
Quölln, Literatua und Im Netz[VE | Weakln]
International Phonetic Association:
- Handbook of the International Phonetic Association: A guide to the use of the International Phonetic Alphabet. Cambridge University Press (1999). ISBN 978-0-521-65236-0.
- Website vo da International Phonetic Association
- Es Internationale Phonetische Alphabet ols a druckfreindles PDF-Dokument (pdf)
Unicode + IPA:
- The Unicode Standard 5.0, Section 7.1: IPA Extensions: U+0250-U+02AF (pdf)
- The Unicode Standard 5.0, Section 7.1: Spacing Modifier Letters: U+02B0-U+02FF (pdf)
- The Unicode Standard 5.0, Code Chart IPA Extensions (pdf)
- The Unicode Standard 5.0, Code Chart Spacing Modifier Letters (pdf)
- The Unicode Standard 5.0, Code Chart Superscripts and Subscripts (pdf)
Schreibmaschin:
- IPA-Schreibmaschin fir MS Internet Explorer Mit dera ko ma leicht IPA-Zeichn in an Text einilegn.
Weiters:
- Phonetics Flash Animation Project – d Lautt von Englischn, Deitschn und Spanischn interaktiv dorgstöllt
