Stockholma Schärengarten

Aus Wikipedia
Zur Navigation springen Zur Suche springen
Koartn van Stockholma Schärengarten

Da Stockholma Schärengarten (dt.: Stockholmer Schärengarten, schwedisch: Stockholms skärgård) is a Schärengarten in da Ostsää, estli vo Stockholm. Ea is de gressde Inslgruppe in Schwedn und de zwoatgressde Inslgruppe vo da Ostsää noch'm Schärenmeea, wos za Finnland ghead.

Geografie[VE | Weakln]

Sandhamn im estlichn Stockholma Schärengarten

Da Stockholma Schärengarten eastreckd se vo Stockholm uma 60 km noch Ostn, sowia vo da Insl Öja im Sidn bis za da Insl Väddö im Noadn. Ea bstähd aus uma 24.000 Insln.[1] Za de bekonndan Insln zehjn: Dalarö, Grinda, Husarö, Ljusterö, Möja, Rödlöga, Runmarö, Utö, Svanholmen und Svartsö.

Trivia[VE | Weakln]

As Beagweak Ytterby, wejchs se af da Insl Resarö im Schärengarten bfindd, is Pate ba da Namasgebung vo de via chemischn Elemente: Erbium, Terbium, Ytterbium und Yttrium gstondn. As Element Lithium is ois easchts in on Afschluss (Geologie) aus Utö entdeckd worn.

Im Netz[VE | Weakln]

 Commons: Stockholma Schärengarten – Sammlung vo Buidl, Videos und Audiodateien

Beleg[VE | Weakln]

  1. "Swedish islands". SCB, The Swedish Statistics Agency. Archived from the original on 2012-03-19. https://web.archive.org/web/20120319205635/http://www.scb.se/statistik/MI/MI0812/2008A01/MI0812_2008A01_SM_MI50SM0901.pdf. Retrieved on 2011-03-18. 

59.34418.806Koordinaten: 59° 21′ N, 18° 48′ O